MATHE 23:37 - Lacid Common Language Bible

³⁷ «O" Yerusalem we" Yerusalem voogung we"- nang gi Lapi: yi re" jhang khyoo Mangsoo nhang: kaid da" lagyoo: yi ri luggo, yo" du" said gyo, vhoeb' zheung gi gyo, nu" yi ri nya: dung soo" khoug: moo khe: zheung" kaid to" yhangti"- ngoo gi re" meing: byu yi dangain" ri khayhi' khe: zheung" too" noug loug we' nang nu" nyang: agyoo: nghoid ago:.

MATHE 23:37 Referans Kwoze

RUTHA 2:12

Re" lo, moo" yoomo Aseing gi nang ri mainkaid byid: baja". Coung: goem byid: wa shid re" nang nghe: khoug: vang lo da" Israela Mangsoo gi nang ri myo: tham: da" aphoug" shang" byid: nyid baja" o"» ga: nyang: ri tid.

COUNG" NGHEI 91:4

Nyang: gi nang ri nya: dung soo" joem yo' yo" nghoeb shoung: ci: wa zi nghoid. Nya: da" yu" goin' yu" coung: jang" moo nang gau: nyu: nyid wa zi nghoid. Nya: da" nheigloem: zung" da" khyoo: joem gi nang ri goem loem lhoug zung" byid: nyid wa zi nghoid.

COUNG" NGHEI 17:8

Nang gi nanya: myojid" ri yhang: ti" ngoo ri goem coung: nyid. Akhyeing" ashoeb mo, da" gyi koid lo jang" mo ngoo ri re" da" dung soo" yoeb khoug: moo nghoeb shang ci: byid: we'.

COUNG" NGHEI 36:7

Mangsoo we"- re" da" geung: teung jhed khyeing: kang: khyeing: gi khayhi' gyeing" phoug" dab, jo, lha" Re" da" dung soo" yoeb khoug: moo khau: nghi: joyoo ngoonu" yo" nyid boem.

NEHEMIA 9:26

«Nghoid loug we' re" byumyu" yigi nang ri thougtheung gyi koid lho: re" da" tid dang: ri atam" gyoo: nghoid ago". Nyangnu" gi re" tarha" ri nungthang phug pyam ago". Nyangnu" gi nyangnu" ri tid poin" da" lapi: yiri said pyam ago". Houg bang: gi nyangnu" ri re" jhang khyoo: lheing: loo: wa khyo" tid boem. Nyangnu" gi dalheing: thang: dalheing: nang ri aphoug" akhyoid koid da:.

COUNG" NGHEI 63:7

Khasu" wim ga: ri nang gi ngoo ri khanham we' pang" thoug su: nghoid. Re" da" dung soo" yoeb khoug: moo ngoo gi gau, yi jikhoin" khoin" nyid.

YEREMIA 35:15

Nga" dei zoo: lapi: yi dangain" ri nanu" jhang xo' wigi nhang: kaid bye:. Nyangnu" gi nanu" ri nanu" da" akhyeing" da" moo" joem ri to" pyam wa yo' jo ziri koid wa shid re" nanu" ri tid abye: go". Ngoo wigi nanu" ri yo' nanu" da" phoug" phyid" yiri byid: to" da" mungdain: moo nanu" xo' wigi yo" nyid goo" wa shid re" gooji yu phara" joem ri anoku wa yo' adei byid: goo" wa shid re" nanu" ri tid poin" byid: abye: go". Nghoid loug we' nanu" gi nga" dang: ri ashoug" gyoo:- nga" dang: ri goolhoo' atam" gyoo: nghoid ago".

MATHE 23:30

Hau: tho' moo nanu" gi ngoonu" za: phoug" phyid" da" pyaid mo kangso' dei wa ein:- rigi Lapi: yi ri said pyam jang" moo boo wa anghoid ga: tid ago".

MATHE 22:3

Hau: khokham" phoo gi shid re khe: too" bye: mo, jhang khyoo: nya: dei zoo: yi ri doem khi: nhang: kaid. Nghoidloug we' nyangnu" gi nau re" boem nghoid ago".

MATHE 5:12

Gauyi zoore" pyoo" pyoo: danyid ge'. Khasu" wim gari mougkhung: tho' moo nanu" da" vhu" kung: phoug" gi gye" myo: jo, bye.

HOSEA 11:2

Nghoid loug we' ngoo nyang: ri je khi: lang" nyang: gi nga" jang" mo je lheing: phug lo" da:. Nga" byu yigi Bala ri xoin" ngei" byid: da:. Nyangnu" gi soolhoo: joem ri nam pyo: ja: nghe' ngei" byid: da:.

COUNG" NGHEI 57:1

Ngoo gi re" jang" moo: yo" gau: nyu: nyid wa ju" ri" bye: yoomo ngoo ri nheug khyeug yu byid: we'. Uglid zeing hau, lid: lo" ayo, ju" sho' re" dung khoug: moo ngoo khau: nyid wa.

1THESALONI 2:15

Yuda byu yi ein: bang: gi Aseing Yesu ri we' Lapi: yi ri we' said' pyam nyid bang: nghoid wigi ngoonu" ri we' shen" yhen nyid bang: nyid nyangnu" gi Mangsoo vho: ngei khyo" akoid boem- yug khang" mo" da" aveing" go" da" gyi bue" nyid boem.

YEREMIA 44:4

Ngoo ngheing" da" he: gyoug dain tung" da" moo" ri akoid wa shid re" nanu" ri tid kyo" da" nga" dei zoo: Lapi: yiri nanu" jhang ngoo xo' wigi nhang: kaid byid: bye:.

MATHE 22:6

Deung nyid mo, gi khokham" da" dei zoo: yi ri lhoem: myheig yu nyangnu" ri baid lho: said pyam boem ago".

ZEKHARIA 1:4

Nanu" da" phoug" phyid" yi yhang: ti" akoid goo"- shid phyang" mo lapi: yigi nyangnu" ri ‹Akhyeing" khyoo: moo anyid goo"- yooboo moo" azei: goo"› ga: nga" mungdang: ri tid kyo" boem nghoid loug we' nyangnu" gi atam" gyoo: acang yhi: nghoid ago".

HOSEA 11:7

Nyangnu" gi jhen" gi gi ngoo mo vi: khyoo: da tau" phang: lo" ago". Nyangnu" adang moo kyoug: voin vu, ci yoomo ngoo ri nyho: yoid loo goo" wa. Nghoid loug we' hau: yoovoin joem ri hang" wigi we' atu: pyam byid: wa.

YEREMIA 26:23

Nyangnu" gi nyang: ri khokham Yehoiakim jhang shu" lo wigi khokham phoo gi nyang: ri said pyam wigi nya: manggung ri shava loeb moo she: pyam ago".)

YEREMIA 6:8

Yerusalem voobyu yi we"- he: yau: khi" joem gi nanu" shid re" tid poin" zi nghoid baja". Hougsu" anghoid lang" nanu" ri ngoo she: pyam loo wa. Ngoo gi nanu" voomoo" ri byu hang" we' anyid da" joyoo dain" pyoid yoo bui" nhang: wa.

YEREMIA 4:14

Yerusalem we" nang khyoid yu shoug" wa shid re" re" da" nheigloem: khoug: mo akhyeing" ziri cid" pyam we'. Nang gi khamyhang myang" sho' yooboo moo" ri xo' myid nyid wa la".

YEREMIA 2:30

Ngoo gi nanu" ri yooboo dam byid: loug ce: akyu" aboo nghoid da:. Nanu" gi ngoo wigi nanu" ri jhau" shed wa akhang" abyid: nghoid ago". Nanu" gi nheig joem: yo: da" khangkhyi yhang: ti" nanu" da" Lapi: yiri said pyam abye:.

ESAIA 50:2

Ngoo nyangnu" ri khyoid yu wa nyangnu" jhang yhe: uri nga" byu yigi hau: ziri ciwim wigi aphug tid boem la". Ngoo nyangnu" ri khe: uri nyangnu" ciwim atu" boem go" la". Ngoo gi nyangnu" ri khyoid yu wa yoem: sung neing: yug nghoid rhe". Gyid ayoo" yoomo houg moo nyid boem da" wimdo, joem shid: wa shid re" ngoo gi amyeing" dang: wigi panglai: ri yo" kain" hei' loo" nhang: lho: gyid lang ri dain" pyoid yoo yo" koid pyam da:.

Pang Shug 17:6

Hau: lho: myi: yi: myhi, hau: yug gi Mangso byu yi da" suid" yo' Yesu ri loem" jeing" yoomo said' pyam' zi shug" mo, da" suid" ri shug yed, nyid ziri ngoo myang.

LUKA 15:28

Mang: moo" gi nheig gye" gyo: yo: lho: yhoem: khoug: khyoo: avang loo. Houg: yoomo nya: phoo gi thu' re" lho: nyang: ri yhoem: khoug: khyoo: vang loo we' ga: re" jhu.

ESAIA 5:4

Hau: khyam: shid re" ngoo daja: ja: akoid loo: to" too" kho' rhe". Houg ri ciwim yoomo ngoo myid lang" nyid da" cau: da" zabyid shi" azei: loo: za: zabyid shi" jhen: joem za: zei: thu lo la".

YEREMIA 32:31

He: voomoo" byu yigi ngoo ri nheig yoo nhang: wigi houg: yhang: ti" zi koid da" bidnyid mo nheig joem: yoo: nhang: ago". Ngoo gi hau: ziri phyo' shoin' pyam wa myid phyed too" bye:.

YEREMIA 36:26

Hau: thang: nyang: gi ngoo yo' nga" moo" seing: Barug ri myheig yu wa shid re" khokham nya: zoo: Yeramela ri yo' Azriela da" yuggi zoo: Zeraia- Abadela da" yuggi zoo: Shelemia bang: ri amyeing" byid: kaid da:. Nghoid loug we' Aseing gi nga" tang: ri shoung: pyam da:.

HOSEA 7:13

Nyangnu" gi joem lo" abye:.Nyangnu" gi ngoo ri too" kho' wigi ngoo ri thougtheung gyi koid ago". Nyangnu" gi said toem" pyam zi shoug" loo wa. Ngoo gi nyangnu" ri khyoid yu noug nghoid loug we' nyangnu" wigi ngoo ri ajoo aeung: khyo" noku loo bye:.

MATHE 23:31

Houg: yoomo nanu" gi Lapi: yi ri said da" nya: myid nya: zoo: yi nghoid da" khyoo: ri yhein: yu boem bye: nhung: lha".