MATHE 22:9 - Lacid Common Language Bible

⁹ Akhid' meing: khyoo: moo yhe: lho: nanu" yo" shau" goo" mo, dangain" ri we' khe: shu" loo ge'› ga: doem tid kaid.

MATHE 22:9 Referans Kwoze

Pang Shug 22:17

Hau: venyi yo' myhi, seig gi " Ri" we',, he: khyoo: ri shaug" gyoo: mo, hang" nghoid loug we' " Ri" we',, ga: tid baja". Gyid shed' su: gi ri" baja"- shug noug mo, hang" nghoid loug we' jhung: shug khyo" aphoug" agyoo" loo: za: kangso' gyid ri kham: shug goo" baja",, ga: tid.

Ephesu 3:8

Ngoo gi Mangso byu yi dangain" bang: mo nge thang su: tho' moo lang" je" ngi su nghoid- Nghoid loug we' Mangsoo gi Khristu da" athang agoin soidgain da" khyoo: ngei bu: lu dang: gi, ri nghi: zain' byumyu" yi jhang khyoo: ci: yhe: wa akhang" ngo ri byid: bye.

ACTS 13:47

Khasu" wim gari Aseing: gi ngoonu" ri amyeing" byid: to" zigi Moug: myed tho' moo nyid mo, dangain" ri khyoid yu zi shau" boem wa shid mo ngoo gi nang ri tungbau, yi shid' mo bidbang bui" nhang: bye- ga: tid too" bye- ga: tid ago".

LUKA 24:47

Nya: myeing khyang" ri loem" jeing" lho: yooboo ri khyoid pyam byid: khyoo: yo" yu nheigloem: thid lo da" khyoo: ri Yerusalem voo mo ayang: qei" lho: byumyu" bain sho' ri kho" kyo" loo" ge'.

EZEKIEL 21:21

Babelon khokham gi khyoo: kang" mo laxoem" dung" zeing nam moo yab jo, da:. Nyang: nyang: kha: shoid khyoo: yhi: wa ziri se' wa shid re" myoo: joem ri lhei' nyid da:. Nyang: gi nya: yu phara" soolhoo: joem ri myid: sham: yu" da:. Nyang: gi xoin" khyo" ngei" byid: da" gougnyhoug joem da" seing" ri joeb ca: yu" da:.

OBEDIA 1:14

Nang gi phang: thu loo" wa ga: lu: nyid bang: ri myheig yu wa shid re" khyoo: kang" khang" moo" moo yab jo, lho: lang" nyid zigi azei: eung: da" moo" nghoid nyid. Nyangnu" da" nheigloem: gi yoem: shoin: zi shoug" nyid da" bidnyid moo nang gi nyangnu" ri gyivo lo, khyoo: age kaid byid:.

MATHE 22:8

Hau: thang: ri dei zoo: yi ri doem khe: yu lho: ‹loxo' pui" zeing gi bain jen" jo, nghoid loug we' khe: too" mo, gi he: pui" yo" amoin: yi boem-

MATHE 22:10

Dei zoo: yi gi khyoo: cang thu' yhe: lo" lho: shau" go" da" byu gi byugang: dangain" ri khe: shu" lo boem bye. Houg: yoomo loxo' da" yab, moo" khoug: moo meing" byu byeung" sho' zhoung: jo, boem bye.

MATHE 20:7

Houg: bang: gi ‹ngoonu" ri hang" we alhung: yoomo nghoid› ga: tid boem. Houg: lang" khyam: seing: gi ‹nanu" we' nga" zabyid khyam: moo moo" yhe: zei: ge'› ga: tid kaid.