MATHE 2:19 - Lacid Common Language Bible

¹⁹ Akhid" Herod shid: lo" thang: ri Yu" ge' hau: Aseing da" moug: lagyoo: dayug gi Egutu mung" mo Yoseb jang" moo doem thu' loo bye.

MATHE 2:19 Referans Kwoze

MATHE 1:20

He: da" khyoo: damyid yu" nyid shi" uri yu" ge'. Aseing da" moug: lagyoo: dayug yhoeb' mo, moo nyang: ri gung re" yab shug lho: «David da" nya: zoo: Yoseb we"- re" da" yhoem: seing: myhi' Mari ri yu wa zi myid amyoo:. Nya: da" zoonu" gung gi hau: gyeungshang: da" Venyi: mo bue" lo da" zi nghoid.

DANIELA 8:25

Nyang: gi nheigloem: guid" yoomo nyang: mhau' pyoid moo" joem dangain" oung: doid wa. Nyang: nya: gung ri nghoid boin: nhang: lho: byu myoo" sho' ri ci: atid lho: said toem" pyam loo wa. Nyang: gi khokham dangain" mo gyi: sheung: thang da" yug rilang" aphyoug akhyoid koid loo wa. Nghoid loug we' xangsu: byu da" yoem: so' ri aci: loo: nyang: ri phyo' shoin' pyam loo wa.

MATHE 2:22

Nghoidloug we' Akela-u gi nya: phoo Herod da" gung thid' Yuda mung" moo khokham" doem koid nyid zi Yoseb shau" gyoo: lang" nyang: myid gyoug nyid. Hau: tho' moo yhoeb' mo, khyo" nyang ri doem toin" shid yoomo Galile mung" khyoo: nyang: lo" wigi Nazared ga: da" voogung moo danyid nyid.

DANIELA 11:45

Nyang: gi panglai: yo' Noku Yhoem: Moo" jo da" bouggung agyoo moo nya: da" khokham zoem" moo" zeing joem ri koid too" wa. Nghoid loug we' nyang: gi nyang: ri pang" thoug byid: wa byu dayug we' houg: moo anyid loo: nyang: shid: loo" wa.

EZEKIEL 11:16

«Akhid" ngoo tid nyid ziri pyoung" shu" loo" shau" da" re" byencang" yiri tid kyoo" we'. Ngoo gi nyangnu" ri ve: da" mungdain: joem moo yhe: nyid wa shid re" nhang: kaid lho: gootu: mungdain: joem khyoo: khaid sain" kaid su: nghoid. Nghoid loug we' ngoo gi nyangnu" yhe: nyid boem da" mougmyid joem moo nyangnu" yo' dage" bo nyid wa.

YEREMIA 30:10

Nga" byumyu" yi we"- agyug goo"- Israela byumyu" yi we"- agyug goo"- adain goo". Ngoo gi nanu" ri hau: ve: da" mungdain: mo nanu" thung: byu bue" nyid boem da" mungdain: mo nanu" ri khyoid yu wa. Nanu" yhoem: khyoo: tau" lo wigi ngei pyoo: yug yoo tung" shoug" nyid loo goo" wa. Nanu" goem loem khyoo: shoug" yu wigi hang" dayug we' nanu" ri kyug nhain' wa zi anghoid.

ESAIA 51:12

Aseing tid zigi «Nang ri yoem: boo nhang: su: gi ngoo nghoid. Myo, gam tho' mo jain" sho' ayo" zeing: kham da" Shid: se' da" byu ri ciwim gyoug la".

COUNG" NGHEI 139:7

nang yo' ve: gang: loo' sho' ngoo khakhyoo: se' loo" wa lha". re" da" myo, shid ti: mo ngoo khakhyoo: se' phang: loo" wa

COUNG" NGHEI 76:10

Byu yi da" nheig yo: khyoo: gi nang ri: coung" nghei joyoo je" bui" nhang: nyid. Gyipui" moo: ashid: looza- deung dei nyid bang: gi re" da" pui" joem moo shoug" bo vang loem" wa zi nghoid.

MATHE 2:20

«Too' we' hau: zoonu" yo' nya: myhi' ri shu" lho: Israela mung" khyoo: doem loo" we' hau: zoonu" da" kang: ri kuang mo, shid: boem bye:» ga: re" tid.

MATHE 27:19

Pilaid mung" zoug: gi «Tarha" zhung: tang moo zhoung jo, da" uri nya: yhoem: seing: myhi' gi byu dayug ri nhang: kaid lho: hau: yooboo adab su: yo" sen: lho: nang ci" we' abo koid. Ngoori amain damyen goin' yhoeb' mo, moo nyang: yoomo nga" shid re" gye" jam joug bye:» ga: pyeung: kaid.

ACTS 5:19

Nghoid loug we' hau: da" myen" ri Aseing: da" moug: lagyoo: dayug gi thung: khoem" duang: joem ri phang pyam' byid: boem lho: lagyoo: yi ri nghe: shoid khyoo: shu" thu' lo" wigi