MATHE 18:15 - Lacid Common Language Bible

¹⁵ «Re" mang: re" nhung" nang ri shoid nghoid rigi nyang: shoid zi ri si wa da" shid re" nya: jhang khyoo yhi: we'. Nghoidloug we' re" eig yug za: shau" doem goo" ge' re" dang: ri tam gyo: nghoid rigi hau: mang: nhung" phoo ri nang yo" khyoid yu bye.

MATHE 18:15 Referans Kwoze

XOIN" NGEI" 19:17

«Hang" ri we' anau ashoo" thougtheung khyoo: akoid goo". Nghoid loug we' hau: yug yoomo nang yooboo ashoid wa shid re" nyang: yo' shai" go" da" khyoo: joem ri nyheing koid pyam wa.

KOLOSE 3:13

Nanu" mo dayug yug da" atho' moo yooboo foin: jang: jo, nghoid rigi nyang: cang" nyang- kham, zeing: go" ziyo' nyang: cang" nyang: yooboo ri khyoid pyam' byid: go" nyid ge'- hau: Aseing: gi nanu" da" yooboo ri khyoid pyam' byid: bye: ziyo' dakhyoo" ti"- nanu" nyang: cang" we' yooboo ri khyoid pyam byid: goo" ca" nyid.

GALATI 6:1

Mang nhung" yi we"- byu dayug yug gi aboin: asoo" loo: za: yooboo zei: shoid nghoid rigi venyi wigi khyoo: shed" khyo" kangso dei nyid mo, nanu" gi houg: yhang: te" su: ri nu" nham, da" myid yo' khyoo: shed byid: ca" nyid nanu" nyang: we' gunglau" wigi jhu, phyo' zi ashug" baja" nyang: tu: nyang: houg: lhed' zed" nyid ge'.

2 THESALONI 3:15

Nghoid loug se' nyang: ri gyivoo phoo ri yhang: ti" gi asoin: too" goo mang nhung ohoo, dayug riyhang: ti"- zed" lhid' nhang: lho: tid poin" tid kyeung" nyid ge'.

MATHE 18:35

Houg: su" nghoid yoomo nanu" gi mang: nhung" nyang: cang"- dayoug da" yooboo ri dayug- re" da" nheigloem: ung: khoug: mo, gyeing" gyeing" khyoid pyam byid: go" nghoid rigi Mougkhung: tho' mo Nga" phoo we' nanu" da" yooboo ri gyeing" gyeing" khyoid pyam byid: wa zi nghoid ga: wigi jhoug" byid.

COUNG" NGHEI 141:5

Byugi: yigi ngoo ri shen" yhen lho: nheig khyeug ziyo' ngoo ri jhau' mho' nyid goo" baja" Nghoid loug we' Nyangnu" da" akhyeing" moo" zoo" ri ngoo thougtheung lho: khanham we' akyu" damho, nyid yoomo akhyeing" bang: da" coung" nghei ngi: shab da" khyoo: ri ngoo khanham we' lhoem: kham: yu wa zi anghoid.

Roma 12:21

Age khyo" wi nang ri aoung: loo" nhang: - ge khyo" wigi - age da" khyoo ri oung: loo" nhang: ge'.

1PETERU 3:1

Houg: yo' dakhyoo" ti"- yhoem: seing: myhi' yi we"- nanu" da" yhoem: seing: pho, vhoeb, khang" khyo" cang nyid ge'. hid: su" koid khyo" wigi Mangso da" mungdang: ri aloem" jeing" shi" yhoem: seing: phoo yo" nghoid ri nanu" nyid yab, zei: so' da" aved, asam" yoomo loem" jeung" lo boem wa zi nghoid- nanu" da" nhoid mo wigi ci: tid anoo.

1Korinthians 8:12

Hid: khyo" wigi- nanu" gi nyang: tu: nya: da" Khristain mang: nhung" yi ri shoid vhang: khyoo: lo" eung: wigi- yoem: neung: da" phug soo" lheig myid yu" da" emyid ri noo, nhang: nghoid rigi- nanu" gi Khristu ri shoid vhang: bang: bue" loo wa zi nghoid.

DANG: ZHOEM 11:30

Deingmain" khyoo: gi kangso' ri byid: nyid nghoid loug we' athoug" akhyoug: koid da" khyoo: gi kangso' ri yu pyam byid: nyid.

2~KORINTHU 7:12

Hougsu" wigi ngoo hau: mougsoug" ri lhid" foin: kaid nghoid loug we' shoid vhang: nyid su: yoomo we' shoid vhang: shug" su: yoomo anghoid. Mangso shid moo ngoonu" ri nanu" khayhi' jheddab nheig nge" nyid ziri myang nhang: noug yoomo lhid" kaid da" khyoo: nghoid.

1THESALONI 4:6

Hid: yhang: te" da" moozoo" moo nanu" mo hang" nghoid loug we' nyang: nya: da"Khristain mang nhung phoo ri shoid vhang: da" khyoo:- houg: su" anghoid lang" gi mang: nhung" pho, da" atho' moo lhoid, sham: zain: da" khyoo: ge, koid -he: khyoo: xang: shed" moo nanu" ri tid kyo" yu" bye nghoid yoomo Mangsoo gishoid vhang: bang: ri shen" yhen wa da" khyoo: nanu" rithain: thain: nyang: tid poin' kaid' bye.

MATHE 18:14

Houg: yo' dakhyoo" ti"- Mougkhung: tho' mo nanu" da" nya: phoo we' he: ngi, su: dayug we byug lam" loo" wa zi avhoo: ga: tid.

MATHE 18:21

Hau: thang: ri Petru gi Yesu jang" moo yhe: lho: «Aseing we" nga" mang: nhung" gi ngoori shoid nghoid ri kha myhoo lheing: koo: ngoo nyang: ri yooboo khyoid byid: wa lha". nyhed lheing: ju" sho' khyoid byid: ca" la"» ga: myid: yu.

TITU 3:10

Byo, gang: go" lo" khyoo: ze" bue" kaid' su: rigi atham: thang eig lheing: koo: tid poin" tid kyeung" thang: ri nyang: yo' tei" goo" xo' go" khyoo: ci" we' ayhe: koid loo.