MATHE 15:14 - Lacid Common Language Bible

¹⁴ Houg: bang: yoomo myid amyoo: goo"- nyangnu" gi myo, jed mo ri khyoo: shid: da" myo, jed mo, nghoid. Myo, jed nyang: cang" khyoo: shed go" rigi eig youg duang: khuang" moo byid: gyo" zi shau" wa nghoid» ga: doem tid kyo.

MATHE 15:14 Referans Kwoze

LUKA 6:39

Hau: thang: ri Yesu gi houg: bang: ri dangtu' yu lho: myo, amyang su: gi gootu: myo, amyang su: ri khyoo: shed wa zigi ge bui" wa la". Hau: eig yug goin" su:- duang: khuang" moo byid gyoo" loo" wa zi anghoid la".

ESAIA 56:10

Nyang: gi «Nga" byumyu" yiri tid poin" byid: wa ein: jho: da" vhujhung: yigi myo, jid yi nghoid ago". Nyangnu" ci: we' asi' nghoid ago". Nyangnu" gi agyab lho: zung" yu" nyid da" lakhuid" yo' du. Houg bang: gi yhoeb jo, wigi yhoebmo, za: mo, nyid. Nyangnu" yhoeb so' za: kho' ago".

MALAKHI 2:8

Nghoid loug we' khainjung yi nanu" gi deingmain" da" khyoo: mo gang: lo" lho: nanu" da" jhoug" myeing" jhoug" thui: mo byu myoo" sho' mo, ri khyoo: vhang: loo" nhang: boem bye:. Nanu" yo' ngoo too" go" da" dang: thang" cab ri we' nanu" wigi lhu: phyo' pyam boem bye:.

ESAIA 9:16

He: mung" byu yi da" vhujhung: yigi nyangnu" ri khyoo: vhang: shu" vhang: wigi bain sho' anhung akhoid koid pyam ago".

2PETRU 2:1

Lai: lo" bye: da" ayo' moo byu yi jang" moo mhau' da" lapi: yi thu' lo boem ziyo' dakhyoo" ti"- nanu" jang" moo we' mhau' da" sara yi thu' loo boem nghoid. Nyangnu" gi lhu: phyo' lhu: shoin, khyoo: adeung amain" jhau" mho' da" khyoo: joem ri shu" vang lo wigi nyang: tu: nyang: ri khyien: yu bye: da" Aseing: ri ngeug pyam boem wa zi nghoid. Hougsu" koid yoomo nyangnu" gi nyangnu" da" atho' moo byo, yoin" lo" khyoo: gi myab myab, ju" loo nhang: boem wa zi nghoid.

YEREMIA 5:31

Lapi: yigi mhoug dang: za: tid thu ago". Khainjung yigi Lapi: yi amyeing" byid: da" khyo" vhoeb ago". Houg: lho: nga" byumyu" yigi ci: dakhoin" we' angeug nghoid da:. Nghoid loug we' he: gu: dangain" lo" thang bain byug ri nyangnu" cikoid loo goo" wa la".

ESAIA 42:19

Nga" dei zoo: tho' myo, je jed su: hang" nyid boem la". Ngoo nhang: kaid da" nga" lagyoo: tho' je nujed su: hang" nyid boem la".

Pang Shug 22:15

Nghoid loug we' voogung da" nghe: shoid moo nyid mo, gi loem" jeung" khyoo: moo khyoo: vhang: vhang: mo, goem, phain" maintain: khyoug" mo, yo' aved, avhu: koid mo, byu said mo, soolhoo: ri noku mo, yo' ung: khoug: mo we' zei: da" moozoo" khyo" we' no" zo mhau' fain" voo mo, nghoid nyid boem ago".

Pang Shug 19:20

Hau" akhyeung" da" gougnyhoug ni, zeing gi nya: shid khoin" moo mau" pho" alhoo: again joem ri toin" shid mo, mhau' da" lapi: yi yo' dage" thung: myheug lhoung pyam' zi shau" bye. (Nyang: gi akhyeung" goug nyhoug zeung: da" soolhoo: dab, mo, yo' akhyeung" gougnyhoug da" soolhoo: rinoku goeb, pid' bang: ri mau" pho" alhoo: again joem yo' mhau' yu su: nghoid) Nya: eig yug gi fang yo' nge" nyid da" myimi: thoem" khoug: khyoo: - adei phab' phab' du" zei kaid' zi shau" nyid ago".

2PETRU 2:17

He: da" byu gi kyoug kain" byug bye: gyid bug yo" we' ug lid wigi houg tang" yen" da" jhoem: moug" yo" we' du nyid boem. Mangsoo gi nyangnu" shid' re" moug: coid' no, thang da" jang" moo joyoo daloem: nyheung too" byid: bye.

1 TIMOTHI 6:5

Hau: tho' moo gootu:- nheig abo ziyo' deingmain" khyoo: ri amyang ase' bang: jang" mo ngeig goo" byo, go" da" khyoo: gi daso' so' bue" thu lo nyid. loem, khau: da" noku thung" eing: zigi yoo" zoo: yoo" shug da" de lo khyoo: nghoid- ga: nyangnu" myid yu ago".

HOSEA 4:17

Israela byumyu" yigi soolhoo: joem wigi fa" to" zi shoug" ago". Nyangnu" nya: khyoo: khyoo: yhe: loo" goo" baja".

YEREMIA 8:12

Nga" byumyu" yi we"- nanu" gi he: aco' ajhoid da" moo" joem ri koid da" gang mo sho' boem go" rhe". Anghoid nanu" gi dajhi' we' asho' nghoid ago". Nanu" gi myonhoo: lang" ase' lung nghoid da:. Houg: lho: nanu" ri ngoo yooboo dam byid: da" uri nanu" gi subi" goo" bang: leung gyoo" lo" yhang: ti" leung gyoo" lo" byug wa. Hau: zigi nanu" da" lo" thang zi nghoid loo wa. Ngoo Aseing tid too" bye:.

YEREMIA 6:15

Nyangnu" he: aco' ajhoid moo" joem ri koid wigi sho' boem go" rhe". Asho'- nyangnu" dajhi' we' asho' nghoid ago". Nyangnu" gi myonhoo: lang" abyo, nghoid da:. Houg: lho: ngoo yooboo dam byid: uri goo" yug leung gyoo" lo" yhang: ti" nyangnu" we' leung gyoo" loo" wa. Hau: zigi nyangnu" da" lo" thang ayo, nghoid wa. Ngoo Aseing tid bye:.

ESAIA 31:3

Egutu byu yigi yu phara" joem anghoid- nyangnu" xangsu: byu yi za nghoid ago'. Nyangnu" da" myang: joem gi mougkhung: dei: noem anghoid. Aseing moo" zei: kaid lang" yoem: bo da" byumyu" joem gi gyoeb gyo" lo" wigi yoem: neing: da" byumyu" yigi byed gyoo" lo" byug wa. Eig loem: goin phyo' shoin' pyam zi shoug" goo" wa.

YOHAN 9:39

Aseing Yesu gi-myo, amyang mo, ri myo, myang nhang: wa ziyo'- myo, myang mo, myo, jed' loo" wa shid' re" dang: phyed' byid: wa he: mougmyid khyoo: ngoo ju" re zi nghoid ga: tid.