MATHE 12:20 - Lacid Common Language Bible

²⁰ jab bye: da" jam phyeing" youg: ri anhe, khyoug" wa. shid: lo" nyid da" myi: bung: ri asaid pyam wa. Deung byeung" da" tarha" dang: khoo' bidnyid ju" sho' nyang: xo' yoem: kaid nyid wa.

MATHE 12:20 Referans Kwoze

EZEKIEL 34:16

«Ngoo gi byug byug da" yang ri cang shoo: wa. Lam" byug da" yang ri doem shu" tau" yu wa. Dam dab du: ri dam noo thoeb byid: wa. Noo bang: ri macid" byang" byid: wa. Nghoid loug we' xu: wigi yoem: bo bang: rigi said pyam wa. Ciwim gari ngoo gi jo ziri koid da" yang zung" su: nghoid.

LUKA 4:18

Mangso da" Venyi: gi nya: tho' moo ju" ri" bye. Sho" jhen: mo, ri lu dang: gi kho" kyoo" wa shid' re" ngoori khyen: yu bye. Thung loung" jo, mo, ri pyoin kaid wa ziyo'- myo, amyang mo, ri myo, doem myang nhang: wa khyoo:- kho" kyoo" wa shid' re" we' doin: zeig shen" yhen shau" nyid mo, ri pyoin kaid byid: wa shid' re" we'

COUNG" NGHEI 147:3

Nyang: gi nheigloem: gyau: moin" loo" mo, ri ze: gi byid: lho: nyangnu" da" dam, noo joem ri thoeb byid.

Pang Shug 6:2

Ngoo lheung: yu" kaid ri myang: phyu: dadu: ri ngoo myang- hau: tho' moo myang: ju: ju: su: gi lid: daphu" ci: lho: bidmug we' zhoung" ci: wigi oung: loo" su: dayug yhang: ti"- oung: pyam' wa shid re" myang: ju: ju: thu' lo da.

2~KORINTHU 2:7

Hau: yug gi gye" atho kham: zeung: da" kougshu: khyoo: moo anoeb lo" byug baja"- nyang: ri yooboo khyoid byid: lho: nheig teung ung: teung byid: ge'.

ESAIA 57:15

«Ngoo gi myhang: wigi apyaid atoo: moo dei nyid da" gyeung" shang: Mangsoo nghoid. Ngoo gi myhang: da" joyoo yo' gyeung" shang: da" joyoo moo nyid su: nghoid. Nghoid loug we nyangnu" myid loem ziyo' myid byu ziri ngoo yo" doem nyeing kaid byid: wa shid re" nheigloem: nyhoem: khyo' wigi myid thid da" byu yi yo' we' dage" nyid da:.

COUNG" NGHEI 51:17

O" Mangsoo we"- nga" da" xoin" du: gi khyo' nyhoem: da" nheigloem: soozoo: nghoid. Nang gi khyo' nyhoem: khyoo: yo' gyau: moin" da" nheigloem: ri nang ngeug pyam wa zi anghoid.

2 KHOKHAM 18:21

Nanu" ri Egutu wigi re" pang" wa ein: myid go" rhe"- nghoid loug we' hau: zigi gyidpheing" gam ri gyung: soo" lhamdung: koid ci: ziyo' dakhyo" nghoid wigi hau zigi gyau: lo" lho: re" lo, ri zang" thoug" yu wa. Houg yo' dakhyo" nyang: ri dayug yug khau nghe: da" uri Egutu khokham moo bue" zi nghoid da:» ga: tid.

MATHE 11:28

«Yoolid: voin myung: dau nyid mo, dangain" bang: we"- Nga" jhang khyoo loo ge'. Ngoo nanu" ri doug noo: nhang: wa.

ESAIA 40:11

Nyang: gi yang zoem: su: yhang: ti" nya: yang kyung ri goin coung: byid: wa. nyang: gi yang nu" joem ri zheing" yu lho: nya: lo, moo hau: joem ri vu, ci: wa. Nyang: gi houg bang: nya: myhi' joem ri nu" nham za: shu" loo wa.

2~KORINTHU 2:14

Nghoid loug we' Mangso jeju" gi gye" gyi: jo, da- Khasu" wim gari nyang: gi ngoonu" ri Khristu yo' dadeung: daloem: za: bui nhang: wigi Khristu da" oung: doid lo pui" moo oung: yain: lo" da" thung: byu yi yhang: ti"- Mangsoo gi ngoonu" ri shu" vho" shi: bye. Khristu se' lo da" lasi, laleug gi nam, pyo: da" shoem: yhang: ti"- joyoo khyi khang" moo myoo- byo loo" nhang: wa shid re" Mangsoo gi ngoonu" ri ci: yhoung" nyid bye.

MATHE 11:7

Houg: bang: loo" khare" thang: ri Yesu gi Yohan da" khyoo: ri vhu" zhug lho: wigi Meingbyu yi ri «nanu" gi ce: noem ri yu" wa ein: wigi kyoem khoug: moo yhi: go" led hau lhei, nyid da" jam deung" ri yu" wa ein: yhi: go" lha".

XOIN" NGEI" 10:20

Moshe he: ziri shau" gyoo: lang" nyang: nheugshid: nheugdeug bye: da:.