MATHE 10:7 - Lacid Common Language Bible

⁷ Nangnu" yhe: lho: ‹mougkhoung: mungdain: tam: too" wa zi jhang loo bye:› ein: da" lu dang: ri kho" kyoo" ge'.

MATHE 10:7 Referans Kwoze

ACTS 28:31

Nyang: gi Mangso mungdain khyoo: ri kho" kyo" nyid ziyo' Aseing Yesu da" khyoo: ri agyug avoem, - ciri" we' alung" loo: za: jhau" mhoo, byid: nyid.

MATHE 3:2

«Mougkhung: mungdain: ju" lo nyid bye: yoomo nheigloem: thid' loo: ge'» ga: Yuda dain" pyoid yoo moo tarha" kho" nyid.

LUKA 9:60

Yesu gi «byushid: yi gi nyangnu" da" byushid: nyang: cang" myhoeb, shung: goo" baja"- nang gi MangSo mungdain khyoo: riyhe: kho" kyoo" byid: we'» ga: tid.

MATHE 4:17

Hau: ayo, moo Yesu gi «Mougkhung: mungdain: ju" ri bye yoomo nanu" da" yooboo mo nheigloem: thid' loo ge» ga: Tarha" kho" shid" bye.

LUKA 16:16

Babtisma sara: Yohan anyid shi" mo Moshe tarha" yo"- Lapi: yi gi amyeing" zeing khyo" jo: jo, bye. Yohan nyid lo jang" mo wigi Mangso: da" Mungdain: da" khyoo:- Ngeibu: lu: dang: gi ri tid loo bye. Byu yug khang" moo" we' hau: khyoo: moo shi, goo" shi, yang- vang lo" boem bye.

LUKA 9:2

Hau: thang: ri nyang: gi nyangnu" ri tid zigi Mangso mungdain da" akhyoo" ri yhe: kho" kyoo" wa ziyo' noo phyoo" shau" mo, ri yhe: gi, byid: wa shid re" nhang: kaid' boem bye.

ESAIA 61:1

Gyi: sheung: thang Aseing gi nya: Venyi: ngoo ri pyeing byid: bye:. Nyang: gi myung: shoo" bang: ri lu dang: gi voin yhi: byid: wa. Nheigloem: gyau: bang: ri byang" gi byid: wa Myheig she: loo" shau" bang: ri loid byoin byid: da" khyoo: tid fu" wa yo' Thung: loung" jo, bang: ri lhoid pyoin' byid: wa shid re" Ngoo ri khyen: yu wigi nhang: kaid bye:.

MARKU 6:12

Houg: lang" nyangnu" thu' yhe: lo" boem wigi mung" byu yi ri nyangnu" yooboo mo nheigloem: thed lo boem wa shid re" kho" kyo" ago".

ACTS 10:25

Petru ju" vang loo lang" -koneli gi nyang: ri yhe: tau, yu lho: Petru da" khyid: yang: moo goeb, gyo" lo" wigi nyang: ri pid.

ACTS 4:2

Lagyo: eig yug gi byu yi ri Yesu gi shid: jang" mo doem dei, to loo: bye: khyoo: ri jhoug" byid: nyid. Hougsu" shid: bye: mo, doem dei to' loo wa ga: dang- deung da" khyoo: sagsi: kham byid: zi bui" yoomo nyangnu" nheig zheung: yo: ago".

YOHAN 3:2

Nyang: gi myen" damyen ri Yesu jhang khyoo: re" lho: Rabai we"- Nang gi Mangsoo nhang: kaid da" Sara: dayug nghoid ziri ngoonu" se' khasu" wim gari nang koid; shug da" mau" pho" moozoo" gi Mangsoo za: abo ri hang" we' ayo" koid; zi nghoid ga: wigi tid.

LUKA 9:6

Houg: lang" cangzoo: yi gi thu' yhe: lo" lho: voogung dangain" jang" moo joeb, sho' so" yen" boem wigi ludang: gi, ri cang kho" kyo" ziyo'-khyi, khang" moo" mo mo, ri noo phyoo" ge, loo" nhang: yen: ago".

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

MATHE 21:43

Yesu doem tid «houg: su" nghoid yoomo nanu" ri ngoo gi athang agoin da" Mangso Mungdain: ri nanu" jang" mo yu pyam lho: hau: mungdain yo" moin: yi" da" ashi" yo zei: byid: wa da" Byumyu" yi da" lo, moo byid: pyam wa nghoid.

MATHE 21:31

Nghoidloug we' ayhi: loo: za: nyid nyid zooshang: eig yug mo khayug gi nya: phoo vho: da" khyoo: ri koid: lha"» ga: myid: yu" nyangnu" gi «Mang: mo" yug nghoid» ga: phoid: boem. Yesu gi «nanu" ri ngoo tid ba"- kheing" khyu: zoo: mo, yo" shava myiyi: yi gi nanu" da" shid moo Mangso mungdain: khyoo vang lo" nyid boem bye.

MATHE 11:1

Houg: su" wi nya: cangzoo: daxe: eig youg bang: ri dang: bain pyeing: to" thang: ri voogung joem moo cang jhoug" byid: wa shid re" mungdang: kho" kyoo" wa shid re" hau jo yoomo thu' lo.

MATHE 10:8

No nyid mo, ri ze gi byid: ge'. shid: jo, bye: mo ri doem dei to' loo nhang: ge'. Manggam: dab mo, ri gyeungshang: loo" nhang: ge'. Yu deizoo: joem ri we' khaid thu' pyam' byid: ge'. Nanu" gi ce: phoug" agyoo" loo:- Jeju" ri yo" kham: yu bye: yoomo aphoug" ayu loo: gam byid: ge'.