MARKU 9:26 - Lacid Common Language Bible

²⁶ Hau: akhyeung" da" yu gi yoid nyho: lho: hau: yuggi nu" ri lang: thain; joeb loo: nhang: lho: nya: khyoug: mo thu' lo,- yuggi nu" we' shid: mang yhang: ti" daleung jo, lo:- byu myoo" sho' mo, gi nyang: shid: abye: ga: coem tid ago".

MARKU 9:26 Referans Kwoze

MARKU 9:20

Nyangnu" gi hau: yug gi nu" ri Yesu jhang shu" lo ago"- hau: u ri Yesu ri myang lang" hau: yuggi nu" ri lang: thain: joeb loo" nhang: lho: myidjang: mooleung baid lo" ziyo' nhoid mo nyoeb du" athei" thei" leung lu: yen".

MARKU 1:26

Hau: yu gi nyang ri lang: thain: lheung: kaid ziyo nya jang" mo zeug yoid thu' lo".

Pang Shug 12:12

Houg: yoomo nang moug: khung: yo' houg: moo nyid bang: dangain" gi gau yi nyid loo: ge'. Nghoid loug myid jang: yo' nam mug dara koem gi gyoug dain' nyid loo: ge'. Khasu" wim gari main: yu gi nya: da" bidnyid dajhi' za: date: deing lo: ziri se' yoomo nheig khoo" yo: ziyo' nanu" jhang khyoo: ju" gyo" loo bye-,, ga: tid ziri ngoo shau" gyo:- ga: tid.

MARKU 9:18

Hau: yu vang zhung: khang" moo"- myid jang: moo baid lheung: kaid lho: nhoid mo nyoeb du: athei" thei" thu' wigi zei kyeug lho: gunggoin" goin" kyoung: thain: loo" loo" wim nyid. Hau: yu ri khaid, thu' byid: wa shid re" re" cangzoo: yi ri ngoo mho' nghoid loug we' nyangnu" ayo" khaid thu' byid: boem nghoid da:.

THU' LO" MOUGSOUG" 5:23

Ngoo gi re" shid re" dang: tid wa khyo" khokham jhang yhe: da" ayo, mo nyang: gi nyangnu" ri ayo" zeing: kham: loo: sho' shen" yhen nyid. Nyang nyangnu" ri pang" khyo" koid zi anghoid nhung:» ga: tid.

MATHE 15:22

Hau: moug mo Khanan myiyi: myhi, dayug gi nya: jang" moo re" lho: «David da" nya: zoo: we"- ngoori nheig khyeig byid: we' nga" myiyi: zoo: ri yu vang wigi shen" yhen kyi" kyeig zi shau" nyid» ga: re" nyho: tid.

MARKU 9:25

Yesu gi mung" byu yi nya: jhang gei zeung: phoung lonyid ziri myang lang" hau: akhyeung" da" yu ri nhoid jed, nu jed da" yu we"- ngoo nang ri amyeung" byid: bye:- yuggi nu": jang" mo thu' loo, we' nyang: moo khanham we' adoem vang loo" loo:- ga: nheug yo: kaid.

MARKU 9:27

Nghoid loug we Yesu gi-hau: yug gi nu" da" lo, moo zei: lho: she: to' kaid da:- houg: lang" hau: yuggi nu" gi to' yab re".