MARKU 9:19 - Lacid Common Language Bible

¹⁹ Yesu gi nyangnu" ri loem" jeung" myid, abo da" byumyu" we"- ngoonanu" yo' khamyhang ju" sho' nyid nyid wa lha". Ngoo nanu" ri kha: myhang ju: sho' zeung: kham byid: wa lha".- Hau: yuggi nu" ri nga" jhang shu" ri ge' ga: tid.

MARKU 9:19 Referans Kwoze

GYUNG: SOO" 14:11

Aseing gi Moshe ri «He byumyu" yigi ngoo ri khamyhang ju" sho' ngeug pyam nyid shi" wa la". He: byumyu" yigi nyangnu" akhoug: moo: mau" pho" moo" gye" myoo: sho' ngoo koid shug sho' nghoid loug we' nyangnu" gi khamyhang ju" sho' ngoo ri aloem khoug: loo: nyid boem goo" wa la".

YOHAN 20:27

Hau: thang: Thoma ri re" lo, nyoug" yo" hid: moo thau" yu" we' nga" lo, joem ri we yu" we' Re" da" lo, yhoin" kaid lho: nga" nam joug moo soeb yu" we' aloem" jeing" loo: loem shoid khyoo: akoid. Loem" jeing" nyid we' ga: tid.

MARKU 16:14

Hau: thang: ri Yesu gi-cangzoo: daxe: dayug kyeing" voem: zo: nyid boem uri nya: gung ri nyid shug. Yesu gi nyang: shid: jang" mo doem dei to'' lo thang: ri nyang: ri shau" myang mo, dang: ri cangzoo: yi aloem boem yoomo-nyangnu" loem jeung" myid abo ziyo' nheugloem: thain: nyid khyoo: ri gyikoid.

GYUNG: SOO" 14:27

«He: akhyeing" da" byumyu" yigi khamyhang ju" sho' ngoo ri thougtheung lho: myeing" myo: nyid shi" goo" wa la". He: myeing" myo: thui: ri gyo: ngheing" kyi' bye:.

LUKA 24:25

Houg: lang" Yesu tid zigi lapi: yi kho" kyo" to" da" dang: dangain" ri loem" jeing" wa shid' re" gye" thang: gyo" nyid shi" da" anya, yi we"-

LUKA 9:41

Yesu gi «loem" jeung" e" myed abo ziyo' shoid vhang: da" byu yi we"- ngoo gi nanu" yo' khamyang ju" sho' nyid wa lha"» ga: tid. Hau: thang: ri Yesu gi «re" zoo: ri hid: khyoo: shu" ri we' ga: tid.

MATHE 17:17

Aseing Yesu gi «nanu" gi loem" jeung" nheigloem: abo zi yo" shoid vhang: nyid boem nhung: lha". Ngoo gi nanu" yo' dage" kha: myhang ju" sho' nyid ca" la". kha: myhang ju" sho nanu" ri kham: zheung: nyid wa. Hau: zooshang: ri nga" jhang khe: shu" ri" ge'» ga: tid.

TARHA" TID POIN" 32:20

Nyang: gi ‹Ngoo gi nyangnu" ri apang" loo wa. Houg: lang" hau: nheigloem: thain: wigi jhug azug da" byumyu" yi moo cibue" re" ziri ngoo yo" yu" wa› ga: tid.

GYUNG: SOO" 14:22

he: byumyu" yi mo dayug we' hau: mung" khyoo: yo" vang yhi: goo" wa zi anghoid ein: ngoo dangsoo" tid wa. Nyangnu" gi nga" bidbang yo' Egutu yo' dain" pyoid yoo moo: koid shug da" mau" pho" moo" joem ri myang boem bye:. Nghoid loug we' nyangnu" gi nga" nheigloem: sheing: zeing: kham ziri lid: pyam pyam koid wigi ngoo tid dang: ri atam" gyoo: goo" nghoid da:.

YOHAN 12:27

Ngoo gi nheigloem: gye seing" kho" nyid ngoo khasu" ein: tid loo: wa lha". Phoo we"- ngoori he: da" kyi" khyeug jamjau yo, mo loid byoin loo" nhang: we' ein: wigi tid wa la". nghoid loug we' ngoo gi he: da" kyi" kyeig jamjau ri kham: yu wa shid' re" gyoo" re" zi nghoid.

COUNG" NGHEI 78:22

Khasu" wim gari nyangnu" gi nyang: ri aloem" ajeung" ziyo' nyang: yo" khyoid yu khyoo: ri nyangnu" aloem" jeing" yoomo nghoid.

MARKU 9:18

Hau: yu vang zhung: khang" moo"- myid jang: moo baid lheung: kaid lho: nhoid mo nyoeb du: athei" thei" thu' wigi zei kyeug lho: gunggoin" goin" kyoung: thain: loo" loo" wim nyid. Hau: yu ri khaid, thu' byid: wa shid re" re" cangzoo: yi ri ngoo mho' nghoid loug we' nyangnu" ayo" khaid thu' byid: boem nghoid da:.

MARKU 9:20

Nyangnu" gi hau: yug gi nu" ri Yesu jhang shu" lo ago"- hau: u ri Yesu ri myang lang" hau: yuggi nu" ri lang: thain: joeb loo" nhang: lho: myidjang: mooleung baid lo" ziyo' nhoid mo nyoeb du" athei" thei" leung lu: yen".