MARKU 4:39 - Lacid Common Language Bible

³⁹ Yesu gi to' re" lho: ug lid ri sam: zoo: nyid we' ga: amyeung" byid:- beung: mhoid ri we' tam" loo: we' ga: tid kaid. Houg: lang" ug lid no: lo" lho: gye" myenjham" tam" lo" bye.

MARKU 4:39 Referans Kwoze

COUNG" NGHEI 107:29

Uglid moo" ri nyang: no: loo" nhang: lho: beung: mhoid joem ri we' tam" loo" nhang:.

COUNG" NGHEI 89:9

Nang gi yoem moo" bo da" panglai: gyid mung" ri vhoebkhang" nyid wigi houg: mo thain: da" being: mhoid joem doin: lhoem" lo boem ri nghoid loug we' nang gi no: jham" loo" nhang: nyid.

COUNG" NGHEI 65:7

Nang gi panglai: beung: mhoid baid myheung da" thui: yo' gyid ji: zoo" yi da" myeung fu: thui: ri tam" loo" nhang: nyid. Nang gi mung" byu yi da" myeung fu: thui: ri tam" loo" nhang: nyid.

COUNG" NGHEI 29:10

Aseing gi no, thang panglai: gyid thoem" ri vhoebkhang" nyid. Nyang: gi apyaid atoo: mo khokham yhang: ti" vhoebkhang" nyid.

YEREMIA 5:22

Ngoo gi Aseing nghoid. Nanu" gi ngoo ri ciwim agyug go" la". Nga" shidkhoin" moo ciwim yoomo nanu" ko' ko' anain" boem la". Ngoo gi panglai: da" mougkyoo" khyo" midcoo: doem: ri to" too" byid: bye:. Hau: ziri ayo" ge lid: phyid yhe: da" apyaid atoo: moo geing: teing bye: mougkyoo" nghoid da:. Panglai: gyid boug joem to' ri too' wa nghoid loug we' hau: zigi hau: mougkyoo" mo ayo" lid: nghoid da:. Being: lhung" joem myeing ri myeing wa nghoid loug we' hau: joem gi ayo" lid: phyed goo" wa.

DANG: ZHOEM 8:29

Panglai: gyid joem ri nyang: tid to" mougkyoo" mo ayo" lid do, loo" wa shid mo tid too" bye: ziyo' mougmyid da" ateing" ayang: ri nyang: zhoug to" uri hau: jang" moo: ngoo bo nyid nyid bye:.

COUNG" NGHEI 148:8

lhab' myeug ziyo' leigvoo- gyu: yo' jhoemmoug" joem. Nya: amyeing" dang: ri tam" gyo: da" thain: uglid, zoo" joem we" nyang: ri coung" nghei nyid ge'.

YOBA 38:11

Ngoo gi hau: ziri «Gye" ve: jang" khyoo: alid yhi:- hid: moo yoem: so' gyi: da" re" being: lhung" joem ri theing: ca"» ein: tid bye:.

THU' LO" MOUGSOUG" 14:22

Israela byumyu" yigi eig shoid goin" gyid pyiyam yam to" da" agyoo: myidgung cen: khyo" wigi thoem" ri lid phyed loo" bye:.

MARKU 9:25

Yesu gi mung" byu yi nya: jhang gei zeung: phoung lonyid ziri myang lang" hau: akhyeung" da" yu ri nhoid jed, nu jed da" yu we"- ngoo nang ri amyeung" byid: bye:- yuggi nu": jang" mo thu' loo, we' nyang: moo khanham we' adoem vang loo" loo:- ga: nheug yo: kaid.

THU' LO" MOUGSOUG" 14:16

Re" lhamdung: ri tu: wigi thoem" adang moo zei: yeung too" we'. Gyid go, lo wigi Israela byumyu" yi panglai: moo gu: phyid lo" uri myid keing: doem: khyo" shoug" soo" wa zi nghoid.

LUKA 4:39

Houg: yoomo cangzoo: yi gi hau: khyoo: Yesu ri tid kyo" boem. Yesu gi hau: myiyi: myhi, da" ayam moo yab jo, lho: he: noophyoo" ge loo" re'- ga: amyeing" byid: kaid. Hau: myiyi: myhi, gi noo ge lo" lho: houg: jang: to wigi Yesu yo" cangzoo: yi ri zoo: noem dei zho.

NAHUM 1:4

Nyang: gi panglai: ri amyeing" byid: kaid lang" hau: zigi kain" loo" khare" lho: nyang: gi gyid moo" lang joem ri we' kain" loo" nhang: bye:. Bashan janggyoin: we' nyhau" kyug lo"- Kharmela boem we' kyug moid" lo" lho: Lebanon da" bain: boo" joem we' nyhau" shu: gyo" byug boem bye:.

NGOUG JI: 3:31

Aseing gi jheddab nheig khyeug myid yo' byeung" jo, su: nghoid yoomo ngoonu" ri pyaid moo too: moo ngeug pyam wa zi anghoid.

MATHE 8:26

Nyang: gi «ade: loem" jeung" mo, we" ciwim gyoug nyid go" lha"» ga: nyangnu" ri gyikoid houg: lang" nyang: to' lo lho: uglid yo" being: mhoid ri gyikoid. Houg: lang" uglid yo" being: mhoid gi atho' tid loo sho' sam" tam" to.

MARKU 4:38

Yesu gi lhid thang moo vhu" khug khyoug: lho: yhoeb jo, da:- cangzoo: yi gi nyang ri nhau" lho: Sara We"- ngoonu" noeb shid: lo" nyid ziri nang cishu" anhang: rhe"- ga: tid boem.

LUKA 4:35

Aseing Yesu gi sam" zoo: nyid we' Nya: ung: khoug: mo: thu' loo" re" ga: tid. Agyeing" ashang: da" yu gi hau: yug ri sube" mo, phung: gung moo theing lheing: kaid. Hau: thang: ri ce: jamjau abyid: loo:- nya: da" ung: khoug: mo thu' loo" bye.

LUKA 8:24

Nyangnu" gi Yesu ri nhau" lho: Aseing: we"- Aseing: we"- ngoonu" shid: boem wam: bye myang ga: tid boem. Yesu gi to' re" lho: lid yo' being: mhoid ri amyeing" khyo' toem pyam houg: lang" uglid' yo' being: mhoid gi sam: zoo: tam" loo" bye.