MARKU 4:24 - Lacid Common Language Bible

²⁴ Nanu" shau" gyo: ja: ri zed" lho gyo: yu" ge' Houg: su" ga: nyangnu" ri tid. nanu" subi" ri leug byid: da" jo, leug mo Mangsoo gi nanu" nyang: ri; doem tau" leug byid: loo wa nghoid. Hau tho' je vigi lung byid: wa nghoid.

MARKU 4:24 Referans Kwoze

HEBRE 2:1

Houg su" nghoid yoomo ngoonu" gi khyoo: avhang: loo" baja"-ngoonu" nyang: shaug" gyoo: bye: da" hau deungmain" da" khyoo: moo je" wigi gyed gyed pu" lhang" too' shang.

LUKA 8:18

Nghoid loug we' houg: yoomo Nanu" ceja: khasu" shau" gyo: ci: zigi zed" nyid ge'.Khasu" wim gari Yoo" su: ri poug lung: byid: wa. Ayoo" su: jang" mo gi nyang: yo" ga: myid ci: zi dangain" ri lang" nya jhang my yu pyam byid: wa" ga: tid.

MATHE 7:2

Khasu" wim gari Nangnu" nyang: yooboo byid: khyo" cang wigi nanu" ri we' yooboo byid: dang: kho' zi shau" goo" wa. Nanu" nyang: leig byid: kaid da" tang mo nanu" nyang: ri doem leig byid: wa.

ACTS 17:11

Beria voobyu yi gi Thesaloni voobyu yi da" tho' re- khoin: lheing: mo, nghoid boem. Nyang: nu" gi mungdang: ri nheigloem: zhug zhug za: tam" gyo: yu boem wigi Polu kho" kyo" da" mungdang: gi deung adeung ziri si' wa shid re" nyid" khang" moo" jhoem: mougsoug" ri nghab xoin: se' nyid ago".

2~KORINTHU 9:6

Gug myoug: dajhi' za: te" sain: su: gi dajhi' za: date: shau" yham" yu wa, gug myoug: myoo" sho' sain" kaid su: gi gug myoo" sho' doem shau" yham yu wa ein: ziri myid boin: zid" lhid" yoem: kaid nyid ge'.

YOHAN 10:27

Nga" da" yang joem gi nga" da" dang: thui: ri tam" gyo: boem. Ngoo we' nyangnu" ri se' lho: nyangnu" we' nga" thang: moo cang ago".

DANG: ZHOEM 19:27

Nga" zoo: we" jhau" kham: yu khyoo: ri no: pyam, lang" gi nang se' too" bye: gu: ri we' cishu: anhang: she: pyam, loo wa nghoid.

ESAIA 55:3

«Nga" byumyu" we"- akhid" tam" gyoo: ge' nga" jhang loo ge'. Nga" jhang loo we'. Nanu" kangso' yo" yu wa. Ngoo gi nanu" yo' dang: theing myang" sho' koid wa. David ri ngoo dangsoo" byid: to" da" mainkaid jeju joem ngoo nanu" ri byid: wa.

YOHAN 5:25

Deing" deing Nanu" ri ngoo tid ba"- shid: jo, mo, gi Mangso nya: zoo: da" thui: ri shaug" gyoo: lang" Kangso' doem dei loo wa. Hau: ayo, gi akhid" nyang: ju" jo, bye.

MARKU 9:7

Hau thang; ri Jhoem: moug" dathei" thu' lo wigi nyangnu" ri lo shoem" nghoeb pyam da:- jhoem: thei" khyoug: mo He: yug gi ngoo jhedab da" nga" zoo: nghoid- nya: dang: ri tam" gyoo: ge' ga: thui: meung thu' lo.

YOHAN 10:16

He: da" yang khyam: moo abo da" yang- gootu: we' ngoo yoo" shi" Hau: yang joem ri we' nga" yang khyam: khoug: moo shu" vang loo ca" shi. Nyangnu" gi nga" thui: ri tam" gyoo: goo" wa houg: yoomo yang Phung: daphung: za: yang zung" su: dayug za: bue" loo wa nghoid.

1PETERU 2:2

Aseig co' phyed' to" da" zoonu' yi yhang: ti"- nanu" we' Venyi noug" gyeing" ri khanham we shug nau nyid ge'-- Hougsu" nghoid lang" she, nanu" gi gyi: sheung: lo lho: khyoid yu zi shau" boem wa nghoid.

YEREMIA 17:21

Nyangnu" kangso' ri nyangnu" jheddab boem rigi nyangnu" gi Dougno: Bidnyid moo yoovoin ce: ja: we' age voin- Yerusalem da" khoem" joem khyo" ciri we' age voin lid: wa.