MARKU 4:15 - Lacid Common Language Bible

¹⁵ Byu dayham" gi khyoo: cang gung moo gyo" lo" da" myoug: shi": yo' du nyid boem da. Mangso mungdang: ri shaug" gyoo: lang" - satan ju" re" wigi nyangnu" moo sain" to" da" hau: mungdang: ri yu pyam' byid.

MARKU 4:15 Referans Kwoze

1PETERU 5:8

Gyeung: boin: da" byugyeing" koid nyi ge'. zed" lhid' lho: nyid ge'. nanu" da" gyivoo nghoid yu satan gi kha: yug ri myhau: pyam' wa la"» ga: myeung dang: yen" da" khang khyi yo' du nyid.

MATHE 13:19

Khyoo: gung moo gyo" da" myoug: shi" da" khyoo: gi Mungdain: da" tarha" mungdang: ri shau" gyoo: nghoid loug we' ase' gyoo: su: yo" du. Akhyeing" su: ju" re" lho: nheigloem: khoug: moo sain" kaid to" da" myoug: shi" ri yu pyam byid: ga: tid.

2~KORINTHU 2:11

Ngoo hidsu" koid da" khyoo: gi-satan gi nanu" tho' moo xang: shid" aoung: loo" baja"- phajhi" khyo" koid zi nghoid. Khasu" wim gari ri-zhandan gi phajhi" khyau" nyid ziri ngoonu" se' nyid boem zi nghoid.

LUKA 8:12

Khyoo: gung moo gyo" da" myoug shi" gi Mungdang: shaug" gyoo: mo, ri tid nau zi nghoid nghoid loug we' yu satan gi houg: bang: khyoid yu zi shau" wa avhoo: yoomo nyangnu" da" nheigloem: khoug: mo mungdang: ri re" yu pyam byid.

MARKU 4:4

Nyang: yoo moo yhe: sain" kaid da" myoug: shi" dayham" gi khyoo: gung moo gyo" lo" ago". hau: myoug: shi' joem ri gi ngho' joem re" kuid: zo; pyam ago".

ACTS 5:3

Petru tid zigi Anani we" nang gi yoo moug: myed ri oung" pyam' da" ngei- dayham" ri myho, yhoem" to" lho: gyeungshang: da" Venyi ri mhau' pyam bye: da- Re" gung du: ce: noem koid wigi zha: dain ri vhoeb, khang" nhang: lha".

ESAIA 53:1

Byumyu" yi doem tid zigi «Ngoonu" akhid" tid to" lu dang: ri hang" loem" boem la". He: moo" moo Aseing da" lo, ri hang" shau" myang boem la".

Pang Shug 20:10

Hau: thang: rinyang: nu" ri mhau' da" main: yu we' myi: yo' fang nge" nyid da" thoem" khoug: khyoo:- du" khyo' kaid' zi shau" bye- hau: jang" moo hau" akhyeung" da" gougnyhoug ni zeing yo' mhau' da" lapi: joem we' loung" jo. Nyang: nu" ginyid" rimyen" ri kyi" kyeig shau" nyid ziyo' apyaid' atoo: moo daloung" jo, boem wa nghoid.

Pang Shug 20:7

Hau zain nyid dakhyeing" lid loo" lang" gi satan ri thung: mo doem nhang: kaid' zi shau" wa zi nghoid wigi

HEBRE 2:1

Houg su" nghoid yoomo ngoonu" gi khyoo: avhang: loo" baja"-ngoonu" nyang: shaug" gyoo: bye: da" hau deungmain" da" khyoo: moo je" wigi gyed gyed pu" lhang" too' shang.

2 THESALONI 2:9

Hau: akhyeung" su: gi zhadain da" yoem: so' khyo" ju" ri wa zi nghoid. yoomo mhau' da" alhoo: again aja: ja: yo' mau" pho" moozoo" ri koid shug loo wa zi nghoid.

MATHE 22:5

Nghoidloug we' khe: too" mo, gi khokham" da" dei zoo: yi ri ci: shu: we' anhang: boem. Dayug gi yoo khyoo: dayug gi nya: da" phaga: jang: khyoo te: yhe: lo" boem ago".

Pang Shug 12:9

Moug: myid gyab, goin" zirishu" mhau' fain" vo, nyid su- main: yu- anghoid lang" satan: ga: myeing yoo" su- goonham, mo main, jung: ni, zeing ri nya: moug: lagyoo: yi dangain" yo" dage" myid jang: tho' khyoo: du" khyo' kaid' zi shau" abye:.

MATHE 4:10

Yesu gi yu satan: ri hid: su" ga: doem tid. «satan: we"- nga" jang" mo thu' loo" we'. Khasu" wim gari nang gi re" Mangsoo ri za: vhu" pid pid ca"- Cung" nghei byid: ca" ga: tid to" zi nang anghab yu" lha"» ga: phoug tid.

ZEKHARIA 3:1

Gootu: da" yoeb myang moo Aseing da" moug: lagyoo: shidkhoin" moo yab jo, da" khainjung moo" Yoshua ri Aseing gi ngoo ri toin" shid. Satan gi nyang: ri yooboo foin: wa shid re" Yoshua da" anam moo yab jo, ziri myang.

APOEM AYANG: 19:14

Houg: lang" Lod gi nya: zoo: tang: ri yu wa zoo mo, tang: jhang yhe: lho: «Myab too' ge' hid: mo thu loo" loo shang. He: joyoo ri Aseing gi phyo' shoin' pyam wa bye:» ga: yhe: tid. Nghoid loug we' nyangnu" gi Lod ri zoozi" re" ze" nyid ga: jho: boem.

HEBRE 12:16

Aved age ziyo' Venyi laloem lakhoug: abo mo, voem: damyo: da" shid mo nya: mang: mo" aya: ri ung" zo: pyam da" Eso" yhang: ti"- nanu" hang" moo we' abui" baja" zed" nyid ge'.

ACTS 17:32

Nyang: nu" gi shid: jang" mo doem, dei to' lo da" khyoo: yo' sen: lho: Polu tid ziri shaug" gyoo: lang" nyangnu" dayham" bang: gi Polu tid da" dang: ri juang" yi pyam' byid: boem. Nghoid loug we' dayham" bang: gi he: khyoo: yo' sen: lho: nang tid ziri ngoonu" doem, gyoo: boem shi" ga: wa tid ago".

MARKU 4:14

Myoug: shi" sain" su; gi hau: Mangso da" mungdang: ri sain" kaid.

MARKU 4:16

Gootu: dayham" gi myid zhoo" athu: da" lug phaug tho' moo gyoo" lo" da" myoug: shi" joem yo' du. Hau: mungdang: ri shau" gyoo" lang" su- nyangnu" gi ngeibu: ziyo' lhoem: kham: yu ago".