MARKU 2:8 - Lacid Common Language Bible

⁸ Nyangnu" da" nheugloem: khoug: moo hidsu" myid: sho: nyid boem ziri Yesu si lang" ciwim hid su" myid soin: nyid go" la" ga nyangnu" ri tid.

MARKU 2:8 Referans Kwoze

ACTS 8:22

Houg: yoomo he: akhyeung" da" lo, moo" mo nheigloem: thid' we'. Houg: su" myed shoid' da" yooboo ri khyoid pyam' byid: zi shau" wa shid re" Aseing: ri akyu" mho' we'.

ACTS 5:3

Petru tid zigi Anani we" nang gi yoo moug: myed ri oung" pyam' da" ngei- dayham" ri myho, yhoem" to" lho: gyeungshang: da" Venyi ri mhau' pyam bye: da- Re" gung du: ce: noem koid wigi zha: dain ri vhoeb, khang" nhang: lha".

YOHAN 6:64

Nghoidloug we' nanu" mo byu dayham" bang: gi aloem" jeing" boem ga: tid kyo. (Houg: su" aloem" jeing" ziri we' kha: yug gi Aseing: ri gyivoo yi da" lo, moo ab byid: pyam wa ziri we' Yesu gi xang: shed" mo nyang: si' gu nghoid bye.

LUKA 24:38

Nghoid loug we' nyang: nyangnu" ri tid zigi ciwim gyoug nain" nyid go"- ce: noem wim nanu" da" nheing loem: khoug: moo loem" shoid lho: aloem" akhoo: koid: nyid go" lha".

LUKA 6:8

Yesu gi houg: bang: da" nheigloem: ri si' byid: yoomo lo, shid su: ri to' lho: shid' moo lo" yab we' ga: tid. Hau: yug gi to' lho: shid' moo lo" yab jo.

LUKA 5:22

Aseing Yesu gi houg: bang: houg: su" myid nyid ziri si' yoomo nanu" ci: yoomo houg: su" myid nyid go" lha".

MATHE 9:4

Yesu gi nyangnu" da" nheigloem: ri si byid: lang" «nanu" da" nheigloem: moo ciwim wigi age da" khyoo: ri myed nyid go".

EZEKIEL 38:10

He: zigi Goga ri yoem: moo" bo Aseing tid zi nghoid da:. «Hau: ayo, ju" lang" nang gi akhyeing" da" moo" zoo" ri myid shid" thu loo wa.

COUNG" NGHEI 139:2

nang gi ngoo koid khyoo: dangain" ri myang se' nyid. Vi: mo nyang:- ngoo myid soin: khyoo: dangain" ri se' gyo: nyid.

HEBRE 4:13

Mangsoo amyang asi sho' yo" yhoem" nghoeb, to" zi ci" we' ajo- jo, moo jo, dangain" gi nya: shid' khoin" moo diri cen: nghoid nyid wigi nyhang" zei: nyid da" moozoo" dangain" we' nyang: ri zhayen" ci: shug boem ca" wa nghoid.

YOHAN 21:17

Soem" lheing: ein: lheing: we' yesu gi Yohan nya: zoo: Simun we"- nang ngoori jheddab la"» ga: doem myid. Hid: su" soem" lheing: ju" sho' myid: nyid yoomo Petru gi nheig koug lo wigi Aseing: we" nang gi ce: noem ri we' dangain" si' su: nhgoid' - nang ri ngoo jheddab zigi nang se' ga: doem tid. Yesu gi nga" yang joem ri zung" nyid' we' ga: doem tid.

MARKU 7:21

Khasu" wim ga: ri byu dayug da" ung: khyoug: nheigloem: mo akhyeung" ashoeb da" moo" zei: wa zi myid thu' lo da:- soem" lid sho: zi lhoid zi Byu said zi

ESAIA 55:7

Akhyeing" da" byu yigi nyangnu" akhyeing" da" kangso' dei khyoo: ri to" pyam wigi Nyangnu" myid da" khyoo: ri thid pyam boem goo" baja". Ngoonu" Aseing Mangso jhang khyoo: nyangnu" ri lheing: loo nhang: ge'. Nyang: gi nheig khyeug ziyo' yooboo khyoid byid: wa myab nyid su: nghoid.

DANG: ZHOEM 24:9

Koophoid myid soin: thu' kaid da" moo" zoo" gi yooboo za: nghoid. subi" gootu: ri age khyo" za: lhoung tid nyid su: ri sube" wigi coem, ngheung" lo boem.

DANG: ZHOEM 15:26

Aseing gi akhyeing" ashoeb khyo" myid soin: khyoo: ri ngheung" nyid. Nghoid loug we' ngei pyo: dang: tid ziri loem gi nyang: vho: ngei nyid.

1 KHOKHAM MHOOMYID: 29:17

Nang gi yugkhang" moo" da" nheigloem: ri jham" yu" wigi nheigloem: phyu: bang ri nang vho: ngei ziri ngoo se'. Ngoo gi deingmain" da" myid- nheigloem: phyu: myid yo' he: gu: dangain" ri oung: lung bu tung" nang ri byid: too" bye:. Hid moo: zeing: foem: nyid boem da" re" byumyu" yigi nang ri shugbyid: wa khayhi' ngei bu: oung: loug boem ziri ngoo myang bye:.

Pang Shug 2:23

Nya: thang: cang mo, ri we' ngoo said' pyam loo wa. Houg: lang" ngoo gi yug khang" mo" da" nheigloem: yo' myid soin: khyoo: joem ri myang kyang nyid su: nghoid ziri phung yi dangain" se' lo boem wa zi nghoid. Nyangnu" nya: da" lo, moo" yo' dakhyoo" ti"- aphoug" ri ngoo byid: loo wa zi nghoid.

MATHE 12:15

Nyang: ri said pyam wa phajhi" khyau" nyid ziri Yesu se' wigi joyoo gootu: khyoo: lo" ri Byu ajoem' ayo mo, gi nya: thang: moo cang lo ago". Yesu gi nyangnu" mo noophyoo" shau" mo, dangain" ri ze: ge pyam byid: bye.

MATHE 16:7

Nya: cangzoo: yi gi ngoonu" zoo: noem avoin boem yoomo Aseing Yesu hid: su" tid zi nghoid wa" ga: nyang: cang" nyang: tid go" nyid.

MARKU 2:7

He: yug gi khasuwim he: dang: ri voem" tid lha". he: zigi Mangsoo ri juang" zi danghoid. Mangsoo dayug kyeing" yooboo dayo" khyoid byid: ga: myid: sho: nyid ago".

MARKU 2:9

Gung joem: shid: su: ri re" yooboo khyoid pyam byid: bye: ein: ziyo' too' we' re" a: thain: yoeb ciwigi loo" we' ga tid.