MARKU 14:41 - Lacid Common Language Bible

⁴¹ Yesu gi soem" lheing: ein: lheing: doem tau" loo lang"-nyangnu" ri nanu" gi akhid" ju" sho' yhoeb myhed lho: no: nyid goo" nhung: lha". gi" bye:- ayo' ju" bye:-yu" ge"-byu nya: zoo: gi yooboo koid akhyeung" mo, lo, moo ab pyam zi shau" abye:.

MARKU 14:41 Referans Kwoze

MARKU 14:35

Nyang: gi houg: mo dajhi' zoo: lid: yhe: lo" wigi myid: jang: moo yhe: goeb jo, lho: ge bui" nghoid ri gi ayo' akhyeing: lid: loo" baja".

MARKU 9:31

Khasu" wim ga: ri Yesu gi nya: cangzoo: yi ri byu nya: zoo: gi sube" da" lo, moo ab byid: pyam zi shau" wigi nyangnu" gi nyang: ri said pyam boem wa nghoid. Nghoid loug we-said pyam thang: ri soem" nyid" ri doem dei to'' loo: wa ga" jhoug" byid: bye.

YOHAN 17:1

Hid: su" ga: bain tid kyo" thang: ri Aseing Yesu gi mougkhung: khyoo: nghang yu" to" lho: tid da" zigi O" nga" phoo we"- Ayo, ju" bye:- Nya: zoo: gi nya: pho da" myonhoo: phung" yoeb' ri thoin" pang byid: wa shid' re" re" zo: da" myonhoo: phung" yoeb' ri we' doug bang thu' loo nhang: we'.

ACTS 7:52

Nanu" da" phoug" phyid" yi wi gi ashen" yhen, yu" da" lapi: ga: zi kha: yug nyid yu go" Nyang: nu" gi Mangso da" deingmain" su: ju" ri" wa ga: da" khyoo: ri tid fu" kyo" da" Mangso lagyoo: yi ri we' said' pyam boem abye: go. Akhid" nanu" gi hau: yug ri ab, byid: pyam' lho: said' pyam' boem abye: go.

YOHAN 12:27

Ngoo gi nheigloem: gye seing" kho" nyid ngoo khasu" ein: tid loo: wa lha". Phoo we"- ngoori he: da" kyi" khyeug jamjau yo, mo loid byoin loo" nhang: we' ein: wigi tid wa la". nghoid loug we' ngoo gi he: da" kyi" kyeig jamjau ri kham: yu wa shid' re" gyoo" re" zi nghoid.

YOHAN 12:23

Yesu phougtu" da" zigi byu nya: zoo: da" myonhoo: phung" yoeb' bang: thu' loo wa da" ayo, ju" bye.

YOHAN 8:20

Yesu gi He: da" Mungdang: ri-no ku" yhoem: moo" khoug: Alu: kham: da" sadeig to" yab moo kho" kyo" jhoug" byid: uri tid da" mungdang: nghoid nyid. Nghoidsho' loug we' Yesu da" ayo, aju" shi" yoomo hang" we' Yesu ri amyheig atei" shi.

YOHAN 7:30

Byu yi gi Yesu ri myheig tei" wa da" akhyoo" ri sho: nyid nghoid loug we' ayo, aju" shi" yoomo Yesu ri hang" lo, we' ayo" toin" shid' boem shi.

MARKU 14:18

Nyangnu" -voem zoo: zoobui" moo zheung: zo: nyid uri-Yesu gi ngoo nanu" ri tid ba:-ngoo yo' voem: shoin" zo: nyid su: dayug gi ngoori gyivoo yi da" lo, moo ab, pyam ' byid wa nghoid-ga: tid kyo".

MARKU 14:10

Houg: lang" daxe: eig yug moo bo da" Yuda Iskarud gi-Yesu ri ab byid: pyam wa shid mo-Khainjung zeing jhang khyoo: thu' yhe: lo".

MARKU 7:9

Xo, lho: Yesu gi «Nanu" gi nanu" nya: da" thung" ri ri yo" phau" cang wa shid re" Mangso da" amyeung" dang: joem rigi gye" shoeb shoeb za: ngeug she: pyam boem abye:.

MATHE 26:2

«Lhid: kaid" da" pui" ju" wa zi nghoid. Hau: uri byu da" nya: zoo: ri said pyam wa shid re" sube" da" lo, moo" ab pyam beom wa nghoid.»

EZEKIEL 20:39

Yoem: moo" bo Aseing tid zigi «Akhid" Israela byu nanu" dangain"- nanu" nya: gung ri ngei bu: nyid ge'. Nanu" da" yu phara" soolhoo: joem ri xo' lho: dei byid: ge'. Nghoid loug we' hau: thang: ri gi nanu" nga" dang: ri tam" gyo: cang yhe: ca" ziyo' nanu" da" yu phara" soolhoo: joem ri xoin" ngei" byid: da" khyo" nga" gyeung" shang: myeing ri ngi: yoem" nhang: ziri theing: pyam ca" goo" wa ein: tid poin" nyid.

PHAJHI" DANG: 11:9

Zoomyi: zooyam yi we"- nanu" da" zoomyi: zooyam akhyeing" ri pyoo: pyoo: nyid we'. Nanu" zooyam nghoid shi" uri ngei pyo: nyid ge'. Nanu" koid nau ziri koid lho: nanu" nheigloem: myid vho: khyo" cang ge'. Nghoid loug we' Mangsoo gi nanu" koid zi ci: nghoid loug we dang: phyed byid: loo wa ziri myid boin: we'.

2 KHOKHAM 3:13

Elisha gi Israela khokham ri «Ngoo gi nang ri ciwim yoomo pang" wa la". Re" phoo yo' re" myhi' eig tang: dang: lhung myid: da" hau: Lapi: yi jhang dang: yhe: myid: we'» ga: tid da:. Yoram gi «Anghoid ngoonu" khokham soem" yug ri Moba khokham lo, khyoo: kaid byid: yug gi Aseing nghoid da» ga: phug tid da:.

1 KHOKHAM 22:15

Khokham Ahab shidkhoin" moo nyang: thu ri" lang" khokham gi nyang: ri «Mikhaia we"- khokham Yehoshaphad yo' ngoo gi Ramod voogung ri yhe: zain: wa la"- ayhe: zain: wa la"» ga: myid: bye:. Mikhaia gi «Yhe: zain: ge'. re" tang: gyeing" nyang: oung: wa. Aseing gi re" tang: ri oung: doid khyoo: byid: wa» ga: tid.

1 KHOKHAM 18:27

Nyid" gung mo gi nyangnu" ri Elia juang" yi shid" loo bye:. «Yoem: kaid yoid mho' ge'. Nyang: gi yu phara" nghoid. Nyang: gi nyid" gung yhoebmo, mo, nyid la'- anghoid lang" nyang: nghi: yhe: la'- anghoid lang" gyung: thu so" loo" sam"- anghoid lang" nyang: gi yhoeb jo, wa nghoid. Nanu" nyang: ri nhoug" yu ca" wa nghoid» ga: tid.

TARHA" AGYI 10:14

Nanu" khyen: yu da" yu phara" joem jhang khyoo: yhe: wigi yhe: mho' yoid ge'. Nanu" yau: khi" shoug" lang" nyangnu" ri khyoid yu nhang: ge'» ga: tid da:.

MARKU 14:40

Nyang doem tau" lo ri-nyangnu" gi myo, kug gye" lid: boem yoomo-yhoeb myed jo, ziri lo doem myang-houg: lang" nyangnu" gi Yesu ri khasu" doem phoug tid wa zi we' asi loo nghoid ago".

MARKU 14:42

Too' ge'. Ngoonu" yhe: lo" boem loo: shang- yu" ge, ngoori ab pyam wa su: gi ju" re" nyid bye" ga: nyangnu" ri tid.