MARKU 14:18 - Lacid Common Language Bible

¹⁸ Nyangnu" -voem zoo: zoobui" moo zheung: zo: nyid uri-Yesu gi ngoo nanu" ri tid ba:-ngoo yo' voem: shoin" zo: nyid su: dayug gi ngoori gyivoo yi da" lo, moo ab, pyam ' byid wa nghoid-ga: tid kyo".

MARKU 14:18 Referans Kwoze

COUNG" NGHEI 41:9

Ngoo ri: je nghe: khau: lho: ngoo yo' dage" voem: shoin" zo: da- nga" seing" tain" byencang" yi lang ngoo ri atoug" khyo" gyi dakoid lo.

YOHAN 6:70

Yesu doem phougtu" zigi Ngoo gi cangzoo: daxe: eig yug ri khyen: yu lho: nyheing nhang: kaid to" anghoid la". nghoid loug we' nanu" moo yu satan vang ci: su: dayug bo nyid ga: tid.

YOHAN 6:47

Deing" deing nanu" ri ngoo tid zigi ngoori loem: jeing" su: gi apyaid' ato: kangso' yo.

YOHAN 13:38

Yesu tid zigi nang gi nga" shid' re" kangso' yo" ab wa jen" bye: la". Deing" deing nang ri ngoo tid da" zigi gyo, atoin: shi" ri nang gi ngoori asi ga: soem" lheing: ju" sho' ngeig pyam wa su: nghoid ga: tid kyo" to.

YOHAN 13:21

Hid: su" ga: bain tid da" thang: ri Yesu gi atho' tid loo: sho' nheigloem: myid myo: lho: Deing" deing nanu" ri ngoo tid da" zigi nanu" da" akhoug: mo byu dayug gi ngoori gyivoo yi da" lo, moo ab pyam wa"- ga: bang" bang tid kyoo" bye.

YOHAN 6:32

Yesu gi deing" deing nanu" ri ngoo tid ba-Moshe gi nanu" ri mougkhung: mo zooyho' ri byid: zi anghoid. Nga" phoo gi nanu" ri mougkhung: mo zooyho' amain" agyeing" ri byid.

YOHAN 6:26

Aseing Yesu gi deing" deing ngoo nanu" ri tid ba- Nanu" ngoori cang sho: da" khyoo: gi Ngoo koid; shug da" mau" pho" moozoo" ri se' gyoo: yoomo anghoid. Voem: ri gyi" sho' shug zoo: yoomo danghoid ago".

YOHAN 5:19

Houg: yoomo Yesu gi Yuda zoug: yi ri tid zigi Nanu" ri ngoo deing" deing tid ba"- Nya: zoo: gi nya: nheigloem: khyo" ce" moo" we' ayo" zei. Nya: phoo koid; da" moozoo" ri yu" lho: za: dazei:- Nya: phoo cikoid; ziri nya: zoo: we' houg: su" bo koid.

YOHAN 3:11

Nang ri ngoo deing" deing tid kyo"- Ngoonu" gi nyang: nyang: se' da" khyoo: yo" myang da khyoo: ri tid kyoo". Nghoidloug we' ngoonu" tid kyo" da" dang: ri nanu" hang we' anau lhoem: yu nghoid ago".

YOHAN 3:5

Yesu phougtu" zigi ‹‹ngoo nang ri deing" deing tid kyoo" ba- gyid yo" Venyi: khyo" akhu: loo su: hang" nghoid loug we' Mangso da" Mungdain: moo ayo" vang.

YOHAN 3:3

Yesu gi ‹‹Ngoo nang ri deing" deing tid ba- eig lheing: khu: ziri akham: yu su: hang" we' Mangso Mungdain: shau" myang wa zi anghoid » ga: tid.

YOHAN 1:51

Ngoo deing" deing nanu" ri tid ba- mougkhung: khoem" phang lho: Byu da" nya: zoo: tho' moo moug: lagyoo: yi gyoo" loo do, loo" koid' nyid da" ziri nanu" shau" myang wa ga: wigi nyangnu" ri Yesu tid.

LUKA 4:24

Deung" deung ngoo nanu" ri tid zigi kha: Lapi: nghoid loug we' nyang: nya: moug: moo myonhoo: abo.

MARKU 14:25

Ngoo nanu" ri tid ba:- Mangso mungdain moo zabyid seig ri ngoo shau" shug da" bidnyid ju" sho' ngoo gi he: zabyid ri khanham we' shug loo wa zi anghoid ga: tid.

MARKU 14:9

Akhid" ngoo nanu" ri deing" deing tid zigi ngeibu: ludang: ri kho" kyo" lo" da" moug: gyab goin" jang" moo he: myiyi: ri myid boin" wa shid mo nya: moozoo" ri tid kyo" lo" boem wa"- ga: tid.

MARKU 10:29

Yesu gi nyangnu" ri ngoo nanu" ri deung" deung tid ba- ngoo yo' ngei bu: ludang: yoomo yhoem: yoo- mangnhung"- nham" moo"-myhi, phoo- zoo: du joem daja: ja: ri to" pyam khyoo: su: hang" nghoid loug we'

MARKU 10:15

Ngoo nanu" ri deung" deung tid zigi Mangsoo mungdain ri zooshang: dayug yhang ti" alhoem: yu su: gi hau: mungdain: khyoo: khanham we' ayo" vang yhi: wa ga: tid.

MARKU 9:41

Ngoo nanu" ri deung" deung tid zigi nga" byu yi nghoid ago" ga: khyo" wigi nanu" ri gyid dagoem shoin: jhug su: hang" nghoid lug we' gyeung" nyang: jhung: shug shau" kham: yu wa nghoid.

MARKU 9:1

Houg: lang" nyang gi nyangnu" ri ngoo nanu" ri gyeung" nyang: tid zigi Mangso mungdan gi yoem: so' yo' ju" re" ziri ashau" myang myang gi hid: Moo nyid mo, mo dayham" gi ashid: shi" goo" wa, ga: xo' tid.

MARKU 8:12

Yesu gi so' moo" she: lho: khid" nyid" mo byu yi gi ciwim wigi alhoo: again mho' go" lha". ngoo nanu" ri tid ba:- hid: bang: ri houg: yhang: te"- alhoo: again koid shug zi anghoid ga: tid.

MARKU 6:11

Davoo mo mo, gi nanu' ri beung" alhoem: tau: yu loo:- nanu" kho" kyo" da" dang ri alheom: tam" gyo; boem nghoid rigi hau: joyoo mo thu' loo" ge' houg: mo thu' lo" da" uri nyangnu" shoid mo sadi byid: zi bui" wa shid re" nanu" khoo: ovoo mo phei" lhoug: ri ko: khyo, too" kho' ge' ga: tid.

MARKU 3:28

Ngoo nanu ri deing" deing tid zigi Xang: su byu yi gi nyang: nu shoid da" yooboo dangain" yo' akhyeung" da" dang: aja: ja: tid da yooboo ri yo" khyoid pyam byid:.

MATHE 26:21

Hau: uri Yesu gi «nanu' ri ngoo tid ba. Nanu" mo dayug gi sube" lo, moo ngoori ab pyam goo" wa nghoid» ga: tid.

MATHE 6:5

«Nanu" akyu" mho' nyid nghoid rigi ayid void da" byu yi yhangti" akoid: goo. Khasu" wim gari subi" nyanu" nyang: ri yo" myang goo" baja" ga: tarha" jung yi yo' khyoo: kang" shoem: moo cang yab' lho: Akyu" mho' wa zi nyangnu" vho: boem da. Nanu" ri ngoo jhug jhug tid ba- nyangnu" gi aphoug" yo" yu abye: go.

MATHE 6:2

«Nang alu: kaid nghoid rigi Subi" coung" byid: zi yo" yu baja" ein:- tarha" jung joem mo:- khyoo: kang" nooyoo moo we' ayid void da" byu yi yhangti"- re" shid khoin" moo laboo" amoid nhang. Nanu" ri ngoo jhug jhug tid zi gi houg: su" koid: mo, gi nyang: nya: aphoug" ri yo" yu boem bye.

MATHE 5:18

Nanu" ri ngoo deung" deung tid ba- Mougkhung: yo' myidjang: abyo, loo" shi" ri hau: zi abui" bui" gi hau: toung: to" da" Tarha" mo dang: myhi' dakhoin" yo' dang: khyoo: dakhoin" we' yo" led loo" wa zi anghoid.

YOHAN 21:18

Deing" deing nang ri ngoo tid zigi nang gi ngi shi" da" uri ri ri soin' ci: lho: loo" nau jang" moo loo" se' nyid. Mang loo" lang" gi nang gi eig lo, goin" tu: lho: subi" gi nang ri tei" wigi nang anau lo" da" joyoo khyoo: shu" lo" boem wa ga: tid.

MATHE 6:16

«Nanu" zoo: noem zeung: nyid nghoid rigi ayid void ci: da" byu yi yhangti"- nanu" myonhoo: ashoo: goo" sube" shid khoin" moo nyangnu" zoo: noem yo" zeung: zi myang baja" ga: nyangnu" gi nyang nya: da" myonhoo: ri mhau: shoem nhang: ago". Houg: yoomo yoo" eung: da" akyu" ri nyangnu" yo" yu boem bye.

MARKU 14:17

Akhid" myenthang: zoo" ri Yesu gi nyang cangzoo: daze: eig yug yo' dage" ju" re" ago"

MARKU 14:19

Houg: yoomo nyangnu" gi nheig gyo: koug ziyo' dayoug thang: moo dayug-hau: yug gi ngoo nghoid wa la". ngaoo nghoid wa la". ga: zheung myid: nyid ago".

LUKA 22:21

Houg: su" nghoid loug we' yu" ge'- Ngoori gyivoo yi da" lo, moo ab byid: pyam wa su: gi ngoo yo" dage" zoobue" moo nyid.

YOHAN 13:18

Nanu" dangain" mo, ri ngoo yeung lho: tid zi anghoid. Ngoo khyen: too" mo, ri ngoo se' nyid. Nghoidloug we' Jhoem: mungdang: moo nga" voem: zoo: su: gi ngoori khoo: thang: theing wa ga: lhid" to" zi nghoid.

YOHAN 13:22

Kha: yug ri yeung lho: tid nyid zigi cangzoo: yi ase' boem yoomo nyang: cang" nyang: yu" moug" go" nyid boem.