MARKU 13:11 - Lacid Common Language Bible

¹¹ Nanu" ri myheug lho: tarha" yung" khyoo: ab byid: pyam da" uri khasu" tid wa la" ein: shid mo amyid ci' nyid goo"- ayo, ju" lang" nanu" ri dang tid nhang: ziyo' dakhyoo" tid ge". Khasu" wim ga: ri hau: dang: joem gi nang tid dang: anghoid- gyeungshang: venyi: mo thu re" dang: nghoid wa.

MARKU 13:11 Referans Kwoze

ACTS 6:10

Nghoid loug we' gyeungshang: Venyi gi Stephain ri phajhi" zeing byid: too" yoomo Stephain tid kaid' da" dang: ri nyangnu" ayo" phoug tu" nghoid ago".

1PETERU 1:12

Mangsoo hid: bang: ri' toin" shid' zigi akyu" yoo" wa shid re" anghoid- nanu' da" akyu" shid re" danghoid. Khasu" wim ga: ri nyangnu" gi nanu" akhid" lagyoo: yi jang" mo shau" gyo: yu da" ngei bu: lu dang: yo' sen: lho: no re tid to" boem- hau" ngei bu: lu dang: gi moug: khung: khyo" nhang: kaid' da" gyeungshang: da" venyi yoem: so' yo' lu dang: voin lagyoo: yi tid fu" byid: bye- hau: da" khyoo: yi ri moug: lagyoo: yi lang" bo, se' gyoo: nau nyid boem.

1Korinthians 2:13

Houg: yoomo Venyi: ri shau" kham: yu ngoonu" yo" yu mo, nghoid nyid. da" deing: byeung" khyoo: joem ri- kho" kyo" nyid boem uri- ngoonu" gi byu yi da" phajhi" dang: yo' atid loo: za: Venyi wigi: jhoug" byid: da" dang: joem yo' dakho" kyo" nyid boem.

YAKU 1:5

Nghoid loug we' nanu" mo dayug yug gi Phajhi" juyi: thang byug nghoid rigi Mangso: jang" mo mho' ge' nyang: gi houg: su" mho' mo, ri nyain: phajhi" byid: wa zi nghoid. Khasu" wim gari Mangsoo: gi byu bain sho' mo, rigau ziyo' agoin ayu: da" phajhi" ri byid: nyid.

Ephesu 3:5

Lai loo" bye: da" ayo, joem moo he: no, thang da" khyoo: byu xangsu: yi ri atid kyo" yu" shi"- Nghoid loug we' Mangsoo gi akhid" nya: da" gyeungshang: lagyoo: yi yo' Lapi: yi ri hau: venyi khyo" wigi pang shug byid: bye.

ACTS 4:31

Nyang: nu" akyu" mho' lang" gi nyangnu" nyid da" jo yoo gi lei: nain" lo lho: nyangnu" dangain" bang: gi gyeungshang: da" Venyi yo' byeung" lo wigi Mangso mungdang: ri agyug avoem, loo: za: yo" tid fu" lo" ago".

ACTS 2:4

Nyangnu" dangain" bang: gi gyeungshang: da" Venyi: byeung" lo wigi Hau: Venyi wigi yo" tid wa yoem: so' byid: ziyo' dakyoo" ti" gootu: myeing" aja: ja: ri tid thu lo boem.

ESAIA 50:4

Myung: doug bang: ri ngoo yoem: byid: wa shid re" yoem: moo" bo Aseing gi ngoo khasu" tid wa ziri ngoo ri jhau" byid: abye:. Nab soin: khang" moo" nyang: ngoo ri jhau" shid wa ziri gyoo: nau myid kaid byid: da:.

2 SAMUELA 23:2

Aseing Venyi gi nga" gung khyo" wigi dang: tid nyid. Nya: mungdang: nga" nhoid moo bo nyid da:.

ACTS 3:13

Abraham Isag yo' Yaku da" Mangsoo nghoid nyid ngoonu" phoug" phyid" yi da" Mangsoo gi Nya: deizoo: Yesu ri yoem: moo" phung yoeb, byid: to" abye:. Nghoid loug we' nanu" gi nyang: ri amyeing" ci: mo, da" lo, moo, ab, byid: pyam lho-pilaid gi nyang: ri pyoin kaid' wa ga: lang" bain myed phyed' to" thang: ri nanu" gi Pilaid' shid khoin" moo-Nyang: ri he: ngeug pyam boem abye: go.

YOHAN 3:27

Yohan gi ‹‹Mangso: wigi a ab byid: ri byu gi ce" moo" ri we' ayo" kham: yu›› ga: wigi phougtu.

MARKU 13:9

Nanu" koem gi nyang: tu: nyang: lhid' lho: nyid ge' nyangnu" gi nanu" ri mheug yu lho: tarha" yung" khyoo: ab pyam boem wa tarha" jung moo nanu" ri baid boem wa zoug: yi yo' kho: kham" yi ri-ngeibu: ludang: tid kyoo" wa shid mo ngoo yoomo nanu" gi nyangnu" da" shid khoin" moo shau" yab jo, boem wa.

MATHE 10:17

Byu yi ri lhid' ge'. khasu" wim gari tarha" agyi yi da" lo, moo ab pyam' boem wigi nyangnu" da" tarha" jung moo nanu" ri shen" yhen: baid said' koid: boem wa.

ACTS 7:55

Nghoid loug we' Stephain gi gyeungshang: da" Venyi byeung" jo, yoomo moug: khung: khyoo: tu: yu" kaid' ri Mangso phung" yoeb, yo' yesu gi Mangso lo, yo shoid moo yab, jo, ziri myang kaid.

ACTS 6:15

Tarha" yab, do' moo zhoung: jo, mo, dangain" gi Stephain ri zheung: yu" zhoug to" uri Stephain da" myonhoo: gi mauglagyo: myonhoo: yo' du, lo" ziri shau" myang yu ago".

MARKU 13:12

Houg: lang" nya: mang: gi nya: nhung" ri shid: wa khyoo: shu" ab pyam loo wa nya pho bi gi nya zoo yi ri ab pyam wa nya: zoo: yi gi nya: myhi' nya: pho ri gyi koid lho: wigi-said pyam nhang: lo boem wa.

LUKA 21:12

Nghoidloug we' he: da" moo" abue" loo shi" da" uri byu yi gi nanu" ri myheig yu, lho: shen" yhen lo boem wa. Nanu" ri tarha" yung" moo zheing: ab pyam wigi Tarha" dang: kho" lho: thung: khyo, pyam zi shau" boem wa. Nanu" gi nga" myeing yoomo kho: kham" yi yo"- amyeing" ci: mo, da" shid' khoin" moo ju" lo" boem wam bye.