MARKU 12:29 - Lacid Common Language Bible

²⁹ Yesu gi Israela byumyu" yi we"- tam" gyoo: ge"-hau: Aseing: ngoonu" da" Mangsoo gi dayug kyeung" da" Aseing: nghoid.

MARKU 12:29 Referans Kwoze

TARHA" TID POIN" 6:4

Israela byumyu" yi we"- he: ziri boin: so" nyid ge'. Aseing za: nyha" Mangsoo nghoid.

LUKA 10:27

Hau: yug tid zigi Re" da" Aseing: Mangsoo ri Re" nheigloem: soo zoo: dangain"- Re" yoemso' dangain"- re" nyain: phajhi" dangain" yo' jheddab we'. Re" yhoem: kyoo" cang" ri nanya: gung yo' dakhyoo ti" jheddab we' ga: doem tid.

GALATI 3:20

Nghoid loug we' dayug kyeing" nyid rigi agyoo: moo lagyoo: gi aca"- Mangsoo dayug kyeing" za: koid bye.

Roma 3:30

Mangsoo: gi dayug kyeing" nyid. Nyang: ri loem" jeung" khyoo: ayang: qei yoomo Yuda byumyu" yi ri deing byeung" mo ga: lhoem: kham yu. Hougsu" loem" jeung" da" tungbau byumyu" yi ri we' deingbyeing" mo ga: lhoem kham yu.

YUDA 1:25

Aseing Yesu Khristu moo ngoonu" ri yo" khyoid yu da" dayug kyeung" da" Mangsoo gi moug; thu' xang: poin: mo wigi he: yam: he: pyaid yo' thang: phyang" apyaid' atoo: moo ju" sho' myonhoo: phung" yoeb, yoem: moo" so' zeing- amyeing" akhang" gi nyang: moo za: dabo jo, baja" o"- A men.

1Korinthians 8:4

Houg: yoomo phara" soolhoo: ri xoin" to' pyam bye: da" shoo" yo' sen: lho: tid shang ein: rigi: phara" soolhoo: ga: zigi- gyeing" nyang: kangso dei lho: so" yen" khyoo: ajo, ziyo'- dayug kyeung" da" Mangsoo mo lai wigi- gootu: Mangsoo anyid lo: ziri ngoonu" se' nyid boem bye.

YAKU 2:19

Mangsoo gi dayug kyeing" danyid ziri nang aloem" jeing" la". nghoid bye"- yu joem lang" hau: ziri loem" jeung" gyoug nain" nyid boem.

1 TIMOTHI 2:5

Khasu" wim ga: ri Mangsoo gi dayug za: danghoid ziyo' byu yi ri tid nyheing tid feing" byid: su:- xang: su: byu re" bue" da" Khristu Yesu ein: zi we' dayug kyeing" danghoid.

TARHA" TID POIN" 30:6

Nanu" Aseing Mangsoo gi nanu" yo' nanu" amyed ashen yiri se' tam" gyo: da" nheigloem: kaid byid: wa. Houg: lang" nanu" gi nanu" nheigloem: dangain" ziyo' nyang: ri jheddab lho: hau: mung" moo yo" xo' nyid loo wa.

1 TIMOTHI 1:5

Hidsu" pyeung: to" da" myid soin', khyoo: gi gyeungshang: nheigloem: khoug: mo thu' lo da" phug soo" lheig se' myid yu" da" e" myed, yo' akug ase' void loem" jeung" khyoo: mo thu' lo da" jheddab da" nheigloem: ri nhau" to' kaid' wa shid re" nghoid nyid.

MATHE 23:9

He: mougmyid tho' moo hang" ri we' ‹phoo› we" ein: atid goo" goo. Nanu" nya: ‹phoo› gi mougkhung: tho' moo dayug kyeing" za: date: nyid.

MATHE 10:37

«Hang" nghoid loug- ngoori jheddab da" tho' moo nya: myhi' nya: phoo ri je jhed' dab, rigi hau: yug gi ngoo yo" amoin: yi. Hang" nghoid loug- ngoori jheddab da" tho' moo nya: zoo: yi ri je jheddab nghoid rigi hau: yug gi ngoo yo" amoin: yi.

TARHA" TID POIN" 10:12

«Akhid"- Israela byumyu" yi we"- nanu" Aseing Mangsoo nanu" mo ce: ja: mho' da: ein: ziri tam" gyoo: ge'. Aseing ri ngi: shab byid: lho: nyang: amyeing" byid: da" ja: dangain" ri koid nyid ge'. Nanu" emyed nheigloem: dangain" yo' Jheddab wigi dei byid: nyid ge'.

DANG: ZHOEM 23:26

Nga" zoo: we" goolhoo: za: tam" gyoo: we' nga" da" byunyid byu yab da" akhyoo" ri yu" yu we'.

COUNG" NGHEI 86:10

Nang gi gyi: myhang: thang su: nghoid wigi mau" pho" moo" zoo" ri zei: nyid da:. Nanyang: kyeing" Mangsoo danghoid nyid.