MARKU 11:14 - Lacid Common Language Bible

¹⁴ Houg: lang" Yesu gi Lafoem gam ri thang: phyang" apyaid atoo: moo khanham we' re" da" ashi" ri hang" we' adoem shau" zoo: loo: goo" baja"- ga" tid. Nya: cangzoo: yi we' hau: dang: ri shau" gyo: boem.

MARKU 11:14 Referans Kwoze

MATHE 21:19

Khyoo: yam moo lafoem dagam' ri myang yoomo hau: seig gam poem: khyoo yhe: lho: seig gam moo afu' tho' moo gootu: ci" we' amyang lang" Aseing tid da" zigi «Nang moo khanham we' ashi" azei: loo: baja"» ga: tid. Houg: lang" lafoem gam gi kyoug shid: loo" khari" bye.

YOHAN 15:6

Ngoo yo" axo' to" su: gi nghi: zain khyoo: cu: khyo, pyam wigi kyoug main lo" da" seig kung: yo" du wa. Byu yi gi hau akung ako joem ri cang sho: zheing" yu lho: myi: moo du kaid wigi nyang: gi nghe" joem: pyam wa..

MATHE 7:19

Amo da" ashi" zei: da" shi" gam jo, moo jo, rigi thoug lheing: pyam' lho: myi: khyoem moo du" zei pyam' zi shau" nyid ago".

MATHE 3:10

Akhid" nyang: hau: da" voozung: gi shi" gam poem: moo zhung: too" bye. Houg" su" wigi ge da" ashi" azei: da" shi" gam jo, moo jo, ri thug lheing: pyam lho: myikhyoem' moo du" zei pyam' wa.

Pang Shug 22:11

Adeung amain" su: gi adeung amain" khyo" cang nyid shi" baja"- agyeungshang: su: gi agyeungshang: khyo" nyid shi" baja" - gyeungshang: su: gi gyeungshang: nyid baja",, ga: ngoori tid.

MATHE 21:44

Hau: lugloem: tho' moo gyo" baid mo, gi gyau: moin" loo" goo" wa hang" da" tho' moo" we hau: lugloem: shau" gyo" baid su: gi mhoin' kaid wa» ga: wigi tid.

2PETRU 2:20

Byu yi gi ngoonu" da" khyoid yu Aseing Yesu Khristu ri se' wigi moug: myed mo aco' ajhoid da" yoem: vhoo" khoug: mo loid lo" thang: ri hau: aco' ajhoid khyo: wigi doem oung: pyam zi shau" nghoid rigi Houg: bang: da thang: mo bue" lo akhyoo" gi-xang: she" tho' moo je" yau: loo" wa bye.

MATHE 21:33

«Dangtu' gootu: ri we' doem tam" gyo: yu" ge". Zabyid sho" to" da" khyam: seing: dayug nyid' nyang: gi khyam: kyam, lho: zabyid shi" pyeig wa duang: we' du: to. Do, pyu zung we' daloem: zhug to. Hau: thang ri nya: khyam: gi khyam: moo" zei: mo, ri nghoo" byid: khoo, lho: so" lo.

MARKU 11:13

Houg: lang" Yesu gi afu' mung" jo, da" lafoem dagam ri vi" mo myang kaid. Nyang: gi ashi" zei: la' ga" lafoem zeing yang: khyoo: yhe: lo". Nghoid loug we' lafoem shi" zei: yo, anghoid yoomo afu' za: te: mung" jo, ziri yhe: myang.

MARKU 11:15

Yesu yo' cangzoo: yi gi Yerusalem khyoo: ju" yhe: boem bye. Houg: lang" Yesu gi noku yhoem: moo" khyoug: khyoo: vang yhe: wigi zi ung" zi qei mo, ri khaid thu' lho: ngei jag zoo: mo, da" zoobue" joem ri we' pheing" khyoug" ung" zoo: mo, da" tang khug joem ri; tu: phoug sain" pyam byid.