LUKA 7:46 - Lacid Common Language Bible

⁴⁶ Nang gi nga" vhuloem moo vhu" xu: ajoid byid. Nyang: gi nga" khyid: moo nam, pyo: xu: joid byid: bye. Houg: yoomo nang ri ngoo tid zigi he: myiyi: gi yooboo myoo" sho' mo loid loo" bye.

LUKA 7:46 Referans Kwoze

COUNG" NGHEI 23:5

Gyivoo joem dangain" mo, yo" myang da" joyoo moo- nang gi nga" shid re" zo: shug jang: nyeung to". Nang gi ngoo ri myonhoo: bo da" being" voo ri yhang: ti" pang" thoug yu lho: nga" shug goem moo: byeung shoin: sho' kaid byid nyid.

PHAJHI" DANG: 9:8

Khanham we' yu" pyoo: yu" ngei tung" nyid we'.

MATHE 6:17

Nang zoo: noem zeung nyid nghoid rigi myojid" wi ayo" myang da" nya: phoo mo led lho: hang" we' asi wa shid re" myo, ced" xam: kyo' nyid ge'.

DANIELA 10:3

Labain soem" loem: lid sho' ngoo gi agoin agoo" ce: zoo: noem- ce: shoo" we' azoo:- zabyid yhid: we' ashug nga" xam: we' akyo'.

COUNG" NGHEI 104:15

Nyhang" nyang: za: ngei pyo: khyoo: yoo" wa shid re" zabyid yeung yi noug soem" si bui" wa shid re" zhainloin: xu: yoem byeung" loo wa da" shid re" cenmoin" zooyho, ri nyangnu" yo" koid thu nyid.

2 SAMUELA 14:2

Tekoa voomoo" moo nyid da" nheigbo da" myiyi: myhi' ri khi: nhang: kaid da:. Nyang: ju" lang" Yoab gi nyang: ri «Re" xam: akyo' loo: nheig koug nheig nge da" byimi ri void wigi nheig kug mhau' mhau' we'. Hougsu" wigi ayo, akhyeing: myang" myang" nheig kug nheig nge shau" da" myiyi: nu" dayug koid ci: we'.

RUTHA 3:3

Houg: yoomo nang gi gung cid" lho: nam pyo: shoem: ri joid ci: wigi ge thang da" byimi ri shoung: yhoung ci: we'. Nya: gug nang: jang: moo yhi: we'. Nghoid loug nyang: voem: abain zoo: shug shi" ri re" gung nyang: ri atoin" shed shi".

MIKHA 6:15

Nanu" gi shivoo: sho" boem nghoid loug we' ashi" ri ashau" yham" yu boem wa. Nanu" gi zhainloin: xu: ri pyeug nghoid loug we' ashau" yhung: wa. Zabyid yhid: ri pyeug nghoid loug we' khanham we' ashoug" shug wa.

AMO 6:6

Nanu" gi zabyid yhid: ri khu byeung" sho' sho' kaid shoug lho: ge thang da" nam pyo: xu: yeing yo' ci: yhung: nyid ago". Nghoid loug we' Israela byo, yoin" loo" wa ziri gi ase' koug nghoid ago".

2 SAMUELA 12:20

David gi phyang" gung mo to' lho: gung cid"- xam: kyo'- byimi thid void- koid bye:. Hau: thang: nyang: gi Aseing da" yhoem: khyoo: yhe: wigi noku yhe: ku bye:. Nyang: khokham vang" khyoo: doem tau" lo" wigi zooshug lo mho' lho: bain soin' byid: yo' dage" zoo: bye: da:.

LUKA 7:47

Houg: su" yooboo mo loid lo" zigi Nya: da" gyi: thang jheddab nheigloem: gi sagse: kham: nyid. Yooboo dajhi' za: te: loid loo" su: gi dajhi' date: se' jheddab» ga: tid.