LUKA 7:41 - Lacid Common Language Bible

⁴¹ Yesu tid zigi «ngei jhid" zo: su: dayug bo- ngei wim: shoo: kyab- dayug gi wim: xi: kyab jhen: dab.

LUKA 7:41 Referans Kwoze

LUKA 7:47

Houg: su" yooboo mo loid lo" zigi Nya: da" gyi: thang jheddab nheigloem: gi sagse: kham: nyid. Yooboo dajhi' za: te: loid loo" su: gi dajhi' date: se' jheddab» ga: tid.

Roma 5:20

Shoid' vhang: moozoo" je myo: loo wa shid' re" Moshe tarha" gi ju" vang loo bye. Nghoidloug we' yooboo myo: lo joyoo mo Mangso: jeju" gi je myo: loo bye.

MATHE 18:28

«Nghoidloug hau: yug gi houg: mo thu' lo" da" uri nyang: ri ngei jhen: daxoo: dab da" nya: byen cang" dage" moo" zoem" voin, su: yo" thoung" shau" goo" lang" hau: jhen: dab su: da" leingzeing: moo gya, zeing ci: lho: wigi nang ngoori byid: ca" da" jhen: myab xab' we' ga: nhain.

MATHE 6:12

Subi" ngoonu" ri shoid' da" yooboo- ngoonu" khyoid pyam' byid: yhangti"- ngoonu" da" yooboo ri we' khyoid pyam' byid: we'.

Roma 3:23

Byu yug khang" moo" gi yooboo yoo" mo, za: nghoid wigi Mangsoo: khyoid' yu khyoo: mo ve: gang: lo" byug boem bye.

LUKA 11:4

Ngoonu" ri subi" shoid da" yooboo- ngoonu" khyoid pyam byid: yhangti"- ngoonu" da" yooboo ri we' khyoid pyam byid: we'. Ngoonu" ri yau: da" jhu, phyo' ca: yu" jang" khyoo: ayhi: nhang.

LUKA 13:4

Siloam voo mo do, pyu zung- byo gyo" lho: wigi nhe, said pyam da" byu daxe: shed' youg bang: gi gootu: da" Yerusalem voo byu yi tho' moo yooboo je yoo" mo, nghoid ein: nanu" myid go" la".

LUKA 12:48

Houg: su" nghoid loug we' Aseing: da" nheigloem: ri asi loo za: gyoem thung" kham: zo: da" khyoo: ri shoid vhang: su: gi dajhi kyeing" da" gyoem thung" dam ri shau" kham: zoo: wa nghoid. Jeju" koid: da" khyoo: myoo" sho' kham: yu" su: gi yoovoin myoo" sho' boo wa. Je loem" jeing" ab nung" su: gi je gyi: da" voin vu, wa moo" je bo loo wa zi nghoid.

YEREMIA 3:11

Hau: thang: Aseing gi ngoo ri Israela gi nyang: mo lheing: phug loo" nghoid loug nyang: gi jhug azug da" Yuda tho' je ge shi" khyoo: ri ci: shug da:.

ESAIA 50:1

Aseing tid zigi «Nya: yhoem: seing: myhi' ri kang" pyam da" yuggi yhang: ti" ngoo gi nga" byumyu" yiri nhang: kaid wa zi nghoid ein: nanu" jhoo: go" la". Kang" pyam da" mougsoug" khyab gi khayoo: la". Join khyo" nya: zooshang: yiri oung” zo: pyam da" byu dayug yo' dakhyoo" ti" ngoo gi nang ri thung: byu khyo" oung" zo: pyam ein: jho: rhe". Anghoid- nang thung: byu khyo" cang lo" zigi nanya: yooboo yoomo nghoid da:. Re" yhid kang" pyam shau" zigi re" youg: moo" zoo" yoomo nghoid da:.

GYUNG: SOO" 27:3

«Nga" tang: ho' da" phoo gi yuggi zoo: akhu: loo: siyoo moo shid: loo" khoo' bye:. Nyang: gi Aseing ri thougtheung gyi koid da" Kora da" thang: cang mo, moo abo boo nghoid da:. Nyang: gi nya: yooboo yoomo shid: lo" zi nghoid.

MARKU 6:37

Yesu gi nanu" khyo" nyangnu" ri zoo: neom daja: ja: zhoo: ge' ga: nyangnu' ri tid. Houg: lang" nya: cangzoo: yi gi ngoonu" ngei eig shoo: kyab phoug" mo zooyho' yhe: qei lho: nyangnu" ri byid: zhoo" wa nang anoug la"» ga: myid: ago".

LUKA 7:40

Hau: uri Yesu gi hau yug ri «Simun we"- nang ri ngoo tid wa zi daja: bo» ga: tid. Simun gi «sara: we" tid we'» ga: tid.