LUKA 6:8 - Lacid Common Language Bible

⁸ Yesu gi houg: bang: da" nheigloem: ri si' byid: yoomo lo, shid su: ri to' lho: shid' moo lo" yab we' ga: tid. Hau: yug gi to' lho: shid' moo lo" yab jo.

LUKA 6:8 Referans Kwoze

Pang Shug 2:23

Nya: thang: cang mo, ri we' ngoo said' pyam loo wa. Houg: lang" ngoo gi yug khang" mo" da" nheigloem: yo' myid soin: khyoo: joem ri myang kyang nyid su: nghoid ziri phung yi dangain" se' lo boem wa zi nghoid. Nyangnu" nya: da" lo, moo" yo' dakhyoo" ti"- aphoug" ri ngoo byid: loo wa zi nghoid.

MATHE 9:4

Yesu gi nyangnu" da" nheigloem: ri si byid: lang" «nanu" da" nheigloem: moo ciwim wigi age da" khyoo: ri myed nyid go".

1PETERU 4:1

Khristu gi nya: da" gung du: moo kyi" khyeug shen" yhen zi kham' bye: nghoid rigi nanu" we' Aseing: yhang: ti" kham' ca" boem wa nghoid- khasu" wim ga: ri gung du: moo kyi" khyeug kham' yu" bye: su: hang" we' yooboo yo' ci: asen: loo.

HEBRE 4:13

Mangsoo amyang asi sho' yo" yhoem" nghoeb, to" zi ci" we' ajo- jo, moo jo, dangain" gi nya: shid' khoin" moo diri cen: nghoid nyid wigi nyhang" zei: nyid da" moozoo" dangain" we' nyang: ri zhayen" ci: shug boem ca" wa nghoid.

PHILIPI 1:28

Nanu" gi hau da" gyi voo joem ri agyug nyid goo" khanham we' yoem: zeing so' zeing bo nyid ge'- hougsu" koid da" yhe, khyoo; gi nyangnu" soem" joem: lo" lho: nanu" gi oung: doid lo" da" alhoo: sagsi: bue" nyid wa khasu" wim ga: ri nanu" ri oung: doid lo" da" khyoo: byid: su: gi Mangsoo nyang: nghoid nyid.

ACTS 26:26

Khokham" Agripa we" - hau: khyoo: joem ri nang si' gu nghoid yoomo ngoo gi re" da" shid khoin" moo agyug avoem, looza: tid nyid zi nghoid. Khasu" wim gari he: da" moozoo" gi ajhoin: ajhab, mo khoug" soo" lanyham" bue" lo da" moo" anghoid ziri Khokham" phoo nanyang: se' too" gu nghoid wam: bye"- ein: ngoo myed loem, nyid.

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

YOHAN 21:17

Soem" lheing: ein: lheing: we' yesu gi Yohan nya: zoo: Simun we"- nang ngoori jheddab la"» ga: doem myid. Hid: su" soem" lheing: ju" sho' myid: nyid yoomo Petru gi nheig koug lo wigi Aseing: we" nang gi ce: noem ri we' dangain" si' su: nhgoid' - nang ri ngoo jheddab zigi nang se' ga: doem tid. Yesu gi nga" yang joem ri zung" nyid' we' ga: doem tid.

YOHAN 9:4

Ngoori nhang: kaid su: da" moo" ri nyid" ayo nghoid shi" ri ngoonu" koid; wa zi nghoid. Hang" we ce" moo" we' ayo" zei: lo da" myen" ayo, gi ju" loo wa.

YOHAN 2:25

Yesu ri byu da" akhyoo" hang" wigi we' tid kyoo" anoo. Nyang: gi byu da" nheigloem: ung: khoug: moo ci: bo ziri dangain" si' gu nghoid bye.

LUKA 5:22

Aseing Yesu gi houg: bang: houg: su" myid nyid ziri si' yoomo nanu" ci: yoomo houg: su" myid nyid go" lha".

ESAIA 42:4

Nyang: gi myidbyu zi anghoid lang" yoem: byid: khyoo: athang byug wa. nyang: gi mougmyid tho' mo tarha" deing byeung" ziri zhug too" wa. moug: vi: mo mungdain: joem gi nya: jhoug" shid khyoo: ri gau gau yi yi lang" nyid boem wa» ga: tid da:.

COUNG" NGHEI 44:21

Ngoonu" da" nheigloem: ung: khoug: moo: yhoem" to" da- myid soin: khyoo: joem ri nang si' byid: nyid yoomo nang gi hau: khyoo: ri deing" deing nyang: myang si' byid: wam: bye:.

YOBA 42:2

Aseing we"- nang gi yoem: so' gyi: lho: nang koid nau da" moo" dangain" ri yo" koid su: nghoid ziri ngoo si' bye:.

1 KHOKHAM MHOOMYID: 29:17

Nang gi yugkhang" moo" da" nheigloem: ri jham" yu" wigi nheigloem: phyu: bang ri nang vho: ngei ziri ngoo se'. Ngoo gi deingmain" da" myid- nheigloem: phyu: myid yo' he: gu: dangain" ri oung: lung bu tung" nang ri byid: too" bye:. Hid moo: zeing: foem: nyid boem da" re" byumyu" yigi nang ri shugbyid: wa khayhi' ngei bu: oung: loug boem ziri ngoo myang bye:.

1 KHOKHAM MHOOMYID: 28:9

Houg: lho: nyang: Sholumon ri «Nga" zoo: we"- re" phoo Mangsoo ri yhen: yu lho: nheigloem: dakhaid za: yo' oung: lung bu myid yo' nyang: ri dei byid: wa shid re" ngoo tid jhoin" da:. Nyang: gi ngoonu" da" myid soin: khyoo: yo' myid vho: khyoo: dangain" ziri se' da:. Nang nya: jhang yhe: nghoid rigi nyang: nang ri khab yu zi nghoid. Nghoid loug we' nang nyang: mo gang: lo" byug nghoid rigi nyang: gi nang ri apyaid atoo: she: pyam loo wa.

LUKA 6:9

Hau: uri Yesu gi Moshe da" tarha" yo" dakhyoo ti"- Dougno: Bidnyid ri ge da" khyoo: ri gi ge koid: la". age da" khyoo: gi ge koid: la". Byu da" kang: ri ge khyoid yu la". ge said pyam la". nanu" ri ngoo myid: da:- ga: tid.

MARKU 3:3

Hougsu" wi Yesu hau: yug ri hid: shid vhu" khyoo: re" yab we' ga: tid.

LUKA 13:12

Aseing Yesu gi hau: myiyi: myhi, ri myang lang" nya: jang" moo khe: yu lho: myiyi: zoo: we"- re" noo gi bye: ga: tid.