LUKA 6:42 - Lacid Common Language Bible

⁴² Ci: yoomo mang: nhung" phoo ri Re" myojid" mo phei" lhoug: ri yu pyam byid: wa ein: lhoug: tid go. Nheugloem: fain" bo su: we"- Re" da" myojid" mo thang" toem zeing ri xang: shed" keing" khyo pyam we'. Hau: thang: ri she- nang gi Re" mang: nhung" phoo da" myojid" mo phei" lhoug: ri goo" lhoo: myang lho: yo" yu pyam byid: wa nghoid ga: tid.

LUKA 6:42 Referans Kwoze

2PETRU 1:9

Nghoid loug we' hau: yoem: so' ri ayo" yu bang: hang" nghoid loug we' vi: vi ayo" myang se' da" myo, amyang su: nghoid yoomo nyang: zei: lid loo bye: da" yougnoo yooboo mo wigi cid" khyoid' cid" shang: pyam shau" bye: ziri to" myhed' pyam su: nghoid.

2 TIMOTHI 2:21

Byu dayug yug gi tid lid loo bye: da" akhyeing" ashoeb khyoo: mo nyang: nya: da" gungdu: ri ced" san pyam nghoid rigi hau: yug gi Aseing: yhoug: gyen: khyo" soin nyheung to" da" khyoo: moo yo" bo ci: yhoung: da" zi bue" lo khasu" wim ga: ri ri nyang: gi ge, da" moozoo" ja" khang" moo" moo-bo zei: wa shid re" jen" jen" nghoid nyid.

2~KORINTHU 5:18

Hau: khyoo: dangain" ri koem gi Mangsoo zei: bye: zi nghoid. Mangsoo gi ngoonu" ri nya: gyivoo bue" nyid jang" mo nya: bidnoem yi bue" loo wa shid re" Khristu Yesu da" khoug: khyo" thed, shai" loo" nhang: bye: ziyo' byu gootu: bang: ri we' nya: bidnoem yi bue" loo wa shid mo ngoonu" ri moo" zo" yoo voin, ab byid: too" bye.

Roma 2:1

Haugsu" nghoid yoomo - byu gooji ri tarha" dang: phyed' su we' re" yooboo khyoid' byid wa khyoo: thang bye. Khasu" wim ga ri - nanyang: subi" ri - dang: phyed' nyid uri - nang nyang: hau: da: tarha" ri shoid' nyid. Nga" bidnoem nang tarha" dang: phyed' nyid uri nyang: nanya: gung ri nang dang: phyed' nyid zi nghoid bye.

ACTS 13:10

Satan yu da" nya: zoo: we" - nang gi deingmain" ziyo' ge, da" khyoo: dangain" da" gyivoo- akhyeing" ashoeb, mhau' fain" vo, khyoo: yo' to' za: byeung" jo, da" byu nghoid da- nang gi khanham we" Aseung: da" deingmain" khyoo: ri mhau' fain" vo, dang: bui" sho' koid su: nghoid.

ACTS 8:21

Re" da" nheigloem: gi Mangso shid khoin" moo adain: yoomo ngoonu" da" moozoo" moo ayo" bo zei: nghoid da.

ACTS 2:38

Petru gi nyangnu" ri mang: nhung" yi dangain" bang: we' nheugloem: thid' ge'- nanu" da" yooboo joem ri khyoid pyam byid: zi shau" wa shid re" Yesu khristu da" myeing mo-nanu" yug khang" moo" Babtisma ri kham: yu ge'- houg: lang" Mangso jhung: shug nghoid da- gyeungshang: Venyi we' nanu" shau" kham: yu boem wa zi nghoid.

LUKA 22:32

Houg: yoomo Simun e" re" da" loem" jeing" nheigloem: emyid geing: teing wa shid' re" ngoo akyu" mho' byid: bye. Nang doem boin: gyeing: lo da" uri re" mang: nhung" yi ri yoem: doem lung: byid: ca" wa"- ga: tid kyo.

LUKA 13:15

Aseing Yesu gi ayid void mo, nanu" dangain" gi Dougno: Bidnyid ri nanu" da" nu: loozei: joem ri Nu: yhoem: loozei: yhoem: mo tei" ri phoid: lho: gyid jhug wa shid' re" shu" thu' loo" se' nyid anghoid goo" la".

MATHE 26:75

Hau: uri «gyo, atoin: shi" ri nang gi ngoori asi ga: soem" lheing: ju" sho' ngeig pyam wa» ga: da" Aseing Yesu tid to" da" dang: ri Petru doem myid boin: lho: nghe: shoid khyoo: thu' lo" wigi yoem" kaid yhe: ngau nyid.

DANG: ZHOEM 18:17

Tarha" yung" moo: nya: ri thougtheung ngeig su: dang: myid: amyed: myid: gi xang: shed" tid su: dang: ri jo ga: jho: nyid ago".

MATHE 7:3

Nyang: nya: myojid" moo bo da" thang" tung" rigi amyed yu" loo:- re" mang: re" nhoung" da" myojid" moo bo da" phei" lhoug: ri cikoid: yu" nyid, go" lha".

MATHE 7:4

Yu" we' re" da" myojid" moo thang" tung" kaid to" lho: ‹ahain: shi"- re" da" myojid" mo phei" lhoug: yu pyam' byid: wa› ga: re" mang: nhung" phoo ri khasu" wim se' tid nyid lha".

LUKA 6:41

Nangnu" ciwim wigi nyang: nya: da" myojid" moo bo da" thang" toem zeing rigi amyang lho: mang: nhung" phoo da" myojid" moo bo da" phei" lhoug: ri myang go" lha".

LUKA 6:43

Agam ge zigi ashi" age zi ayo" zei:- age da" agam gi ge da" ashi" ri ayo" zei:-