LUKA 6:13 - Lacid Common Language Bible

¹³ Myo, myang loo lang" Cangzoo: yi ri nya: jang" moo khe: yu lho: houg: bang: daxe: eig yug ri khyen: yu wigi Lagyoo: yi ga: myeing myheing byid.

LUKA 6:13 Referans Kwoze

Pang Shug 21:14

Hau: voomo" da" vang khyam: gi apoem: ayang: lug daxe: eig loem: atho' moo zhoug to" wigi houg: bang: da" atho' moo gi Yang nu" da" lagyoo: daxe: eig youg bang: da" myeing - daxe: eig myeing ri we' lhid" tab to.

Ephesu 4:11

Nyang: gi byu yi ri jeju" jhung: shug joem ri gam, byid: su: nyang: nghoid bye- nyang: gi dayham" bang: ri lagyoo- dayham" bang: rigi lapi- dayham" bang: rigi ngei bu: lu dang: gi, kho" kyo" yen" mo, dayham" rigi phung vhoeb yi yo' sara yi bui" wa shid mo zheung: nyheung too" bye.

MARKU 6:30

Lagyoo: yi gi Yesu jang" moo doem tau" lo lho: nyangnu" zei: loo bye: da" moozoo" yo' jhoug" byid: da" khyoo: joem bain sho nyang: ri lo tid kyo" ago".

MARKU 6:7

Hau: lho nyang gi cangzoo: daxe: eig yug ri khe: yu lho: eig yug dazoem" zoem" koid lho: nhang: kaid da- yu joem ri oung" doid loo" wa da" amyeing" a: na nyangnu" ri byid: kaid.

MATHE 9:36

Hau: da" mung" byu phung: moo" ri nyang: myang lang" nyang: houg: bang: ri nheig yu" myen:- Khasu" wim gari nyangnu" gi yang zung" su: aboo wigi byug yoin" byo, lan lo" da" yang phung: yhangti"- myid myoo: ung: loug nyid boem ziri nyang: myang.

Pang Shug 18:20

Moug: khung: moug: di we"- hau voomoo" byo, yoin" pyam' bye: yoomo gau, yi nyid loo: ge'. Mangso byu yi yo' lagyoo: yi, lapi: yi we"- gau, yi nyid ge' Khasu" wim gari Mangsoo gi nanu" ri nyang: koid lid lo ziyo' dakhyoo" ti"- hau: voomoo" ri yoobo dam, kaid' bye.

Pang Shug 12:1

Hau: thang: ri moug: laid' phyoo" moo mau" pho" da" aved alhoo: zeing daja: doem, bue" thu' loo ziri ngoo myang- houg: moo myi: yi: myhi, dayug gi-Bid' ri gang" ci: lho: lham" moo" tho' moo nang: zeug ci: wigi kyi: daxe: eig cab, dab, da" bidmug ri zhoung" ci.

2PETRU 3:2

Gyeungshang: da" lapi: yi shid phyang" tid kyo" to" dang: ri we'-nanu" lagyoo: yi da" lo, khyo" wigi khyoid yu da" Aseing: tid to" amyeung" dang: joem ri we' ngoo nanu" ri doem myed boin: nhang: nau nyid.

HEBRE 3:1

Mangso khyen: khe: yu zishau" da" nga" Khristan mang: nhung" yi we"- ngoonu" yhen: kham: yu bye: da" noku thung" laloem lakhau: da" khainjung moo" zeung bue" loo wa shid re" Mangsoo nhang: kaid da" Yesu ri myid yu" ge'.

Ephesu 2:20

Nanu" gi lagyoo: yi yo' lapi: yi zhoug to" da"-apoem: ayang: moo poug zhug do, loo" shau" mo, we' nghoid- Khristu Yesu nyang: koem gi hau" yhoem: mo geung: teung ayang: lug boem nyang: nghoid bye.

ACTS 1:13

Nyangnu" gi voomoo" khoug: moo vang lo" lho: nyangnu" lhoung nyid da" yhoem: tho' pyam: khyoo: do, lo" ago". Nyang: nu" gi Petru Yaku Ander-philib thoma Batholume- Mathe Alphe nya: zoo: Yaku myu" jhed nheugloem: gyi: da" Simun yo' Yaku nya: zoo: Yuda zheung: nghoid ago".

LUKA 22:30

Nanu" gi nga" mungdain: khoug: moo-zo: shug nyid doem wa. Hau: tho' moo gootu: Tarha" zhungtang tho' moo zhoung: lho: Israela byu daxe: eig koung: bang: ri yo" vhoeb khang" ci: boem wa zi nghoid.

LUKA 11:49

Houg: su" nghoid yoomo Mangsoo gi nya: nyan: phajhi" yo" tid zigi Byu yi moo Lapi: yi yo" lagyoo: yi moo ngoo nhang: kaid wa dayham" ri nyangnu" shen" yhen lho: dayham" rigi said pyam wa nghoid ga: tid.

MATHE 19:28

Yesu gi «ngoo gyeing" gyeing" tid ba: ju" loo wa da" mungdain: seig moo Byu da" nya: zoo: gi myonhoo: yoeb' bang joeb byeung" da" zhungtang tho' moo zhoung: jo, da" uri nga" cangzoo: yi nanu" we' zhungtang daxe: eig loem: tho' moo zhoung: jo, lho: Israela daxe: eig kung: mo mo, dangain" ri yo" vhoeb' khang" wa zi nghoid.

MATHE 10:2

cangzoo: daxe: eig youg mo, da" myeing gi shid phyang" Petru ga: tid da" Simon yo' nya: nhung" Andre- Zebedi da" nya: zoo: Yaku yo" nya: nhung" Yohan.

LUKA 6:14

Hau: daxe: eig youg bang: gi Peteru ga: Aseing: wi myeing myheing byid: da" Simun- yo" Simun da" nya: no, Andre- Yaku yo" Yohan- Phili yo" Batholume-

YOHAN 4:33

Houg: yoomo cangzoo: yi gi Yesu ri ‹‹zoo: noem dayug yug ci: ri" bye: la'» ga: nyang: cang" nyang: myid: go" nyid.