LUKA 5:22 - Lacid Common Language Bible

²² Aseing Yesu gi houg: bang: houg: su" myid nyid ziri si' yoomo nanu" ci: yoomo houg: su" myid nyid go" lha".

LUKA 5:22 Referans Kwoze

LUKA 24:38

Nghoid loug we' nyang: nyangnu" ri tid zigi ciwim gyoug nain" nyid go"- ce: noem wim nanu" da" nheing loem: khoug: moo loem" shoid lho: aloem" akhoo: koid: nyid go" lha".

ACTS 5:3

Petru tid zigi Anani we" nang gi yoo moug: myed ri oung" pyam' da" ngei- dayham" ri myho, yhoem" to" lho: gyeungshang: da" Venyi ri mhau' pyam bye: da- Re" gung du: ce: noem koid wigi zha: dain ri vhoeb, khang" nhang: lha".

MARKU 8:17

Nyangnu" hougsu" jho: lho: tid go" nyid uri Yesu si' lang" nyang: gi Nanu" ciwim wigi zooyho' atham: voin khyoo: ri tid go" nyid go" akhid" ju" sho' ase' gyoo: shi" goo" la".

MATHE 12:25

Yesu gi houg: bang: da" nheigloem: ri si' byid: yoomo hid: su" ga: tid. Kha: Mungdain: moo nghoid loug we' nyang: cang" nyang: aveing" goo" loo: said go" nyid nghoid rigi amyang" ri hau: mungdain: byo, yoin" loo" wa zi nghoid. Houg: yo" dakhyoo" ti"- sham: ashoin" loo: byo, go" nyid da" Voogung- ikoin deungkhu: yi we' byo, yoin" loo" wa zi za: nghoid.

MATHE 9:4

Yesu gi nyangnu" da" nheigloem: ri si byid: lang" «nanu" da" nheigloem: moo ciwim wigi age da" khyoo: ri myed nyid go".

ESAIA 66:18

Ngoo gi nyangnu" da" myid soin' khyoo: yo' lo, moo" joem ri si' byid: da:. Byumyu" dangain" ri zheing" yu wa shid re" ngoo re" lo nyid bye:. Nyangnu" zeing: ri" lang" nga" yoem: so' ci: yo" koid ziri se' loo goo" wa.

COUNG" NGHEI 139:2

nang gi ngoo koid khyoo: dangain" ri myang se' nyid. Vi: mo nyang:- ngoo myid soin: khyoo: dangain" ri se' gyo: nyid.

Pang Shug 2:23

Nya: thang: cang mo, ri we' ngoo said' pyam loo wa. Houg: lang" ngoo gi yug khang" mo" da" nheigloem: yo' myid soin: khyoo: joem ri myang kyang nyid su: nghoid ziri phung yi dangain" se' lo boem wa zi nghoid. Nyangnu" nya: da" lo, moo" yo' dakhyoo" ti"- aphoug" ri ngoo byid: loo wa zi nghoid.

HEBRE 4:12

Khasu" wim gari Mangsoo mungdang: khoin" gi dadei nyid ziyo' - sham: soo" eig shoid tho' lho: ce: ja" lhab, sham: tho' mo we' je, tho' jo.Hau: zigi kangso' venyi yo' nheigloem: shau" go" da" joyoo ju" sho' we' shoo" youg xeig yo' youg: khyang: khau: moo ju" sho' we' dangain" ziri yo" kho' khyam" lo" wigi byu yi da" e" myed nheigloem: khoug: mo myed soin' lo" khyoo: dangain" ziri dang: yo" phyed' pharan byid: nyid.

1 KHOKHAM MHOOMYID: 28:9

Houg: lho: nyang: Sholumon ri «Nga" zoo: we"- re" phoo Mangsoo ri yhen: yu lho: nheigloem: dakhaid za: yo' oung: lung bu myid yo' nyang: ri dei byid: wa shid re" ngoo tid jhoin" da:. Nyang: gi ngoonu" da" myid soin: khyoo: yo' myid vho: khyoo: dangain" ziri se' da:. Nang nya: jhang yhe: nghoid rigi nyang: nang ri khab yu zi nghoid. Nghoid loug we' nang nyang: mo gang: lo" byug nghoid rigi nyang: gi nang ri apyaid atoo: she: pyam loo wa.

EZEKIEL 38:10

He: zigi Goga ri yoem: moo" bo Aseing tid zi nghoid da:. «Hau: ayo, ju" lang" nang gi akhyeing" da" moo" zoo" ri myid shid" thu loo wa.

DANG: ZHOEM 15:26

Aseing gi akhyeing" ashoeb khyo" myid soin: khyoo: ri ngheung" nyid. Nghoid loug we' ngei pyo: dang: tid ziri loem gi nyang: vho: ngei nyid.

MATHE 12:15

Nyang: ri said pyam wa phajhi" khyau" nyid ziri Yesu se' wigi joyoo gootu: khyoo: lo" ri Byu ajoem' ayo mo, gi nya: thang: moo cang lo ago". Yesu gi nyangnu" mo noophyoo" shau" mo, dangain" ri ze: ge pyam byid: bye.

LUKA 5:21

Tarha" sara: yi yo"- Pharishe bi gi He: yug gi hang" nghoid la". Nyang: gi Mangsoo ri shoid da" dang: tid nyid bye. Mangsoo mo led lho: yooboo ri hang" yo" se' khyoid pyam byid: wa ga: myid yu" nyid boem.

LUKA 5:23

Re" yooboo ri khyoid pyam byid: bye: ein: je tid lei la". Houg: su" za: anghoid joyoo mo to' lho: so" loo" we' ein: tid wa je lei la".