LUKA 3:8 - Lacid Common Language Bible

⁸ Nheugloem: thid bye: ziyo' moin: yi" da" asam" aved ri toin" shid ge' Abraham gi ngoonu" da" nya: phoo nghoid ein: atid goo. Mangsoo gi he: da" lugloem: joem ri Abraham da" nya: zoo: yi bui" wa shid' re" yo" phain" byid: ein: wigi nanu" ri ngoo tid.

LUKA 3:8 Referans Kwoze

ACTS 26:20

Ngoo gi xang: shed" ri Damasku voogung moo Yerusalem voomoo" moo hau: thang: ri yuda mung" goin" jang" moo we' tungbau byumyu" yi ri we' nyangnu" da" yooboo mo nheigloem:" thed' lo boem wigi Mangso shoid khyoo: lheung: loo ca"- houg: su" nyangnu" nheigloem: thid' bye"- ga: ziri lo, moo" khyo" - aved, asam" yo' zei: shug khyo" toin" shid' ca- ein: ngoo cang kho" kyoo" bye.

MATHE 21:43

Yesu doem tid «houg: su" nghoid yoomo nanu" ri ngoo gi athang agoin da" Mangso Mungdain: ri nanu" jang" mo yu pyam lho: hau: mungdain yo" moin: yi" da" ashi" yo zei: byid: wa da" Byumyu" yi da" lo, moo byid: pyam wa nghoid.

PHILIPI 1:11

Nanu" da" kangso' dei khyoo: moo Yesu Khristu za: date: yo" byid: da" ge, da" aved asam" ein: da" ashi" yo' joeb byeung" lo wigi mangsoo da" myonhoo: phung" yoeb, ri coung" nghei tu: to' zi shau" wa nghoid.

Roma 9:7

Hau tho' moo Abraham: mo ko' gyoo" loo mo dangain" mo gi Abraham: nya: myid: nya: zoo: gyeing" yi anghoid. Mangsoo: gi nang gi Isag mo za amyed ashen yi yo" loo wa ga wigi Abraham: ri tid to".

Roma 4:16

Hougsu" nghoid yoomo Abraham: da nyamyid nyazoo: yi dangain" mo gi - Mangso: da" dang: soo" khoin" aphoug" asang: loo: kham: zo: da" akhang" jo da" khyoo: sagsi yo" kham: - loem" jeung" da" tho' moo ayang: qei" lho: dang: soo" khoin" too" byid bye. Hau: dang: soo" khoin" gi Moshe da" tarha" ri cang mo shid' re" za nghoid. Abraham: yhang: ti" Mangsoo: ri loem" jeung" mo shid' re" we' nghoid. Khasu" wim ga: ri Abraham: gi ngoonu" dangain" mo da" venyi: phoojhung: nghoid.

LUKA 19:40

Yesu gi nanu" ri ngoo tid nau zigi hid: bang: sam: zoo: nyid lang" gi lug zeing joem nyho: phau: lo boem wa ga: tid.

YOHAN 8:33

Hau: da" byu yi gi Ngoonu" gi Abraham da" nya: myid nya: zoo: yi nghoid. Khanham we' sube" join, abue" yu" boem- Nanu" ri lhoid pyoin kaid wa ein: nang ci: koid; tid ga: myid boem.

YOHAN 8:39

Nyang: nu" phougtu zigi ngoonu" dangain" mo, nya: phoo gi Abraham nghoid ga: tid boem. Aseing Yesu gi Nanu" gi Abraham da" nya: myid nya: zoo: yi nghoid boem rigi Abraham yhangti" koid; boem zi nghoid.

EZEKIEL 33:24

Nyang: tid zigi shid re" da" byu we"- Israela moug: mo byo, yoin" jo, da" voomoo" joem moo nyid bang: gi hid: su" ga: tid nyid ago". ‹Abraham gi dayug kyeing" nghoid loug we' nyang: ri damung" goin" byid: to" da:. Ngoonu" gi myoo" sho' bang: nghoid. Houg: yoomo hau: mougmyid akhid" ngoonu" da" zi nghoid bye:›.

MATHE 3:8

Houg: yoomo nheigloem: thid da" ashi" zei: ge'

MATHE 3:9

Abraham gi ngoonu" da" nya: phoo nghoid ga: wigi ajho: nyid goo. Nanu" ri ngoo tid kyoo" ba:- Mangsoo gi he: da" lug loem: mo Abraham nya: zoo: yo" phain" thu' byid: wa.

LUKA 5:21

Tarha" sara: yi yo"- Pharishe bi gi He: yug gi hang" nghoid la". Nyang: gi Mangsoo ri shoid da" dang: tid nyid bye. Mangsoo mo led lho: yooboo ri hang" yo" se' khyoid pyam byid: wa ga: myid yu" nyid boem.

LUKA 13:25

Yhoem: seing: gi khoem" ri myhid" pyam lang" nanu" gi nghe: shoid moo shau" nyid moug myang boem wa. Houg: lang" nanu" gi Aseing: we"- Aseing: we" khoem" phang byid: shi" we' o"- ga: khoem" moo ko, yoid nyid loug we' yhoem: seing: gi nanu" kha: khyo" re" zi ngoo asi ga: tid pyam wa.

LUKA 13:26

Houg: lang" nanu" gi ngoonu" gi Aseing: yo" dazo: dashug nyid yu" mo, nghoid. Aseing: gi ngoonu" da" voogung moo tarha" we' kho" kyo" yu" bye: the,- ga: tid boem wa.

LUKA 14:9

Pui" seing: gi re" jang" moo re" lho: He: zoug: phoo ri joyoo shu byid: we' ga: tid wa. Hau: uri nang gi sho' thu' lho: nyhoem: gyo" da" joyoo moo shau" zhung: wa.

LUKA 19:9

Yesu gi «He: yug we' Abraham da" nya: myid: nya: zoo: nghoid yoomo khyoid yu da" jeju" gi akhid" nyid" nyang:- he: da" yhoem: moo ju" ri" bye.

NEHEMIA 5:11

Nyangnu" wigi nanu" ri xab ca" da" jhen: ngei nghoid nghoid- gug zoo nghoid nghoid- zabyid nghoid nghoid- zhainloin: xu: nghoid nghoid dangain" ri khyoid byid: pyam loo we'. Houg: lho: nyangnu" da" yoo joem zabyid khyam: joem zhainloin: yoo joem yo' yhoem: joem ri akhid" nyang: nyangnu" ri doem tau" byid: ge'» ein: tid bye:.