LUKA 23:14 - Lacid Common Language Bible

¹⁴ Hau: thang: ri He: yug gi mung" byu yi ri khyoo: shu" vhang; su: nghoid nyang: ri nga" jhang khyoo: khe: shu" re. Nanu" da" shid' moo ngoo cid" kyeing yu" bye. Nghoidloug we' nanu" tid ziyo' dakhyoo ti"- hau: yug ri yooboo foin: wa khyoo: daja: we' ngoo amyang.

LUKA 23:14 Referans Kwoze

DANIELA 6:4

Houg: lang" hau: gootu: moo" pyoo: bang: yo' mung" zoug: yigi Daniela mung" vhoeb moo" zei: jang" mo yooboo shoid zi daja: ja: shoug" sho' zheing: sho: nyid boem ago". Nghoid loug we' Daniela gi loem ge" ziyo' shoid zi anghoid lang" adeing amain" zi daja: we' akoid yoomo yooboo amyang boem nghoid ago".

HEBRE 7:26

Hougsu" wigi Aseing Yesu gi ngoonu" moo bue" nyid da" ca" vho: khyoo: joem ri pang" byid: thug byid: wa ngoonu" shid re" gye" yhoug: gyen: da" khainjung agyi moo" nyang nghoid bye. Nyang: gi gyeungshang: su: nghoid nyid wigi-nyang: moo shoid vhang: zi youg: noo yooboo ci" we' aboo. Nyang: gi yooboo yoo" mo, phung: moo aboo- gooki" led' da" moug: khung: moug di moo ju" sho' coung" nghei tu: to' kaid zi shau" su: nghoid.

ACTS 13:28

Nyang: nu" gi nyang: ri shid: wa da" yoobo dam kaid' wa zi ci" we' amyang to" boem nghoid loug we' -nyang: ri said' pyam' wa shid mo nyangnu" gi Pilaid' zoug: phoo ri damho, nyid ago".

MATHE 27:54

Dab vhoib zoug: phoo yo" dage" Yesu ri zung" nyid mo, gyizoo: yi gi myid leig leig zi we bue" lo khyoo: aja: ja: ri myang lang" gi gye" gyoug dain boem ziyo' «he: yug gi gyeing" gyeing" nyang: Mangso da" nya: zoo: nghoid» ga: tid boem

MATHE 27:24

Hau uri Pilai gi khasu' ase' xo' tid loo khasu" we' ase koid: lol. Meing: byu yi lu: fu: loo wa ziri za: myang yoomo gyid khu, yu lho: «he: yug shid: lo" da" khyoo: gi nga" yooboo anghoid. Nanu" da" moo' za: danghoid wa» ga: byu yi da" shid khoin" moo nya: lo, ced.

MATHE 27:19

Pilaid mung" zoug: gi «Tarha" zhung: tang moo zhoung jo, da" uri nya: yhoem: seing: myhi' gi byu dayug ri nhang: kaid lho: hau: yooboo adab su: yo" sen: lho: nang ci" we' abo koid. Ngoori amain damyen goin' yhoeb' mo, moo nyang: yoomo nga" shid re" gye" jam joug bye:» ga: pyeung: kaid.

MATHE 27:4

«Ngoo gi yooboo aboo su: ri ab byid: shoid bye:» ga: tid. Nghoidloug we' houg: bang: gi «ngoonu" yo" ci: asen: loo. Houg: re" yoovoin za: danghoid lo:» ga: tid boem.

ACTS 17:11

Beria voobyu yi gi Thesaloni voobyu yi da" tho' re- khoin: lheing: mo, nghoid boem. Nyang: nu" gi mungdang: ri nheigloem: zhug zhug za: tam" gyo: yu boem wigi Polu kho" kyo" da" mungdang: gi deung adeung ziri si' wa shid re" nyid" khang" moo" jhoem: mougsoug" ri nghab xoin: se' nyid ago".