LUKA 22:42 - Lacid Common Language Bible

⁴² O"- nga" phoo we"- nang nau nghoid rigi he: da: shen" yhen kyi" khyeug da" goem ri nga" jang" mo ve, pyam byid: we'. Nghoidloug we' ngoo vho: khyo" anghoid nang myid: vho: khyo" za: bue" loo baja".

LUKA 22:42 Referans Kwoze

MATHE 26:39

Hau: thang: ri shed khyoo dajhi' jhen" yhe: lho: myidjang: moo goeb' mhoug to" wigi «O nga" pho Mangsoo we"- ge, bue" nghoid yoo: gi he: kyi" khyeug da" goem ri nga" jang" mo yo" led lo" rigi led' loo" nhang: we' nghoid loug we' ngoo vho: khyo" anghoid. Nang vho: khyo" nghoid baja"» ga: akyu" mho' nyid.

MATHE 26:42

Houg: mo Yesu gi da lheing: doem yhe: lho: «nga" phoo we" he: kyi" khyeug da" goem ri ngoo mo ayo" lhed: kaid lang" gi nang vho: khyo" za: nghoid baja"» ga: akyu" doem mho' nyid.

MARKU 14:36

Nga"- phoo we"-nang gi dangain" ri yo" ze" bui" su: nghoid nyid-houg: yoomo hid: yaukhe" kyi" khyeug da" goem ri nga" jang" mo yu pyam byid we-nghoid loug we' ngoo vho: khyo" anghoid nang vho: khyo" za" nghoid baja"-ga: akyu" mho' nyid.

COUNG" NGHEI 40:8

Nga" da" Mangsoo we"- nang myid vhoo: khyoo: ri koid wa ziri ngoo khayhi' vho: ngei nyid lha". Re" da" jhoug" myeing" jhoug" thui: joem ri nga" da" nheigloem: ung: khoug: moo ngoo xoin" to' ein: ngoo phoug tu" bye:.

YOHAN 18:11

Aseing Yesu Petru ri tid zigi sham: ri sham: byang moo doem xang too" we'. Nga" Phoo gi ngoori shug nhang: da" kyi" khyeug goem ri ngoo ashug wa ein: nang soin: rhe"

MATHE 20:22

Yesu gi «nanu" ce: noem mho' nyid zi nanu" nyang: asi nghoid ago". Ngoo shau" wa da" kyi" khyeug goem ri nanu" yo" shug wa go" la"» ga: wigi myid: nyangnu" gi «ngoonu" yo" shug wa» ga: phoug tu".

YOHAN 5:30

Ngoo gi ngoo nyang: vho: khyo" ce: moo" we' ayo" zei:- Phoo Mangsoo toin" shid' khyo" za: dang: daphyed' dakho. Ngoo gi ngoo nyang: vho: khyo" acang- ngoori nhang: kaid su: vho: khyo" dacang yoomo Nga" da" tarha" dang: phyed' da" khyoo: gi jo nyid.

YOHAN 6:38

Khasu" wim gari ngoo gi ngoo nya: myid khyo" voin vu, wa shid' re" mougkhung: khyo" gyoo" lo zi anghoid. Ngoori nhang: kaid su: Aseing: vho: khyo" zei: voin vu, wa shid' re" gyoo" lo zi danghoid.

YOHAN 4:34

Yesu gi ‹‹Nga" da" zoo: noem gi Ngoo ri nhang: kaid' su: vho: khyo" cang pyeing lho: Hau: Aseing: byid: to" da" moozoo" ri bain sho' voin vu, khyoo: gi nga" zoo: noem nghoid bye:» ga: tid.

ESAIA 51:22

Nanu" Aseing Mangsoo gi nanu" ri goem loem byid: wigi «Ngoo nheig yo: wigi nanu" ri byid: to" da" khu ri ngoo yu pyam nyid bye:. Nanu" ri apyi: akam" bui" nhang: da" zabyid yhid: ri nanu" ashug ca" loo: wa.

MATHE 26:44

Yesu gi nyangnu" jang" mo, doem yhe: lho: akhang: mho' yhangti"- soem" lheing: lheing: akyu" yhe: doem mho'.

YEREMIA 25:15

Israela da" Aseing Mangsoo gi ngoo ri «Nga" nheig yo: zi byeung" jo, da" zabyid yhid: goem hid: moo nghoid da:. Hau: ziri yu ci: wigi nang ri ngo wigi nhang: kaid byid: da" byumyu" dangain" ri houg: mo nyangnu" ri shug nhang: we'.

ESAIA 51:17

Yerusalem we"- boin: to' loo we'. Nanya: gung ri nhoug" lho: too' we'. Nang ri shug wa byid: da" Aseing nya: nheig yo: da" Yooboo dam byid: khu ri nang shug abye:. Nang hau ziri shug khyo' kaid lho: apyi: akam" so" leung yen" nhang: bye:.

MATHE 6:10

Re" mungdain: we' ju" loo baja". Mougkhung: tho' moo nang nheig deig nyid yhangti"- myidjang: tho' moo we' re" nheig deig jang: bue" loo baja".

MATHE 11:25

Houg: lang" Yesu gi «Mougkhung: yo" myidjang ri vhoeb da" nga" phoo we"- Phajhi" byen ya yo" nheigloem: yeig kung mo jang" mo he: da" khyoo: ri nang yhoem" nghoeb to" lho: ci: asi mo, ri phang shug yoomo ngoo nang ri jeju" boin.

MATHE 11:26

Nghoidbye: nga" phoo we"- Nang vho: da" khyoo: gi hid: su" nghoid nyid.

LUKA 23:34

Yesu tid zigi O" nga" phoo we"- hid: bang: da" yooboo ri khyoid pyam byid: we'. Nyangnu" zei: da" moo" ri nyangnu" ase' boem ga: mho' tung" pain: byid. Byu yi gi nya: da" atho' byi: zeing ri me" lab lho: gam, go" boem.

ACTS 21:14

Ngoonu" gi nyang: ri nukhyab' moo vang sho' - ayo" tid loo: yoomo «Aseing vho: khyo" dajha" nghoid loo: baja"» ga: tid lho: sam zoo: nyid pyam' boem bye.