LUKA 22:19 - Lacid Common Language Bible

¹⁹ Hau: thang: ri nyang: gi zooyho' ri yu lho: Mangso da" jeju" ri bain coung" byid: lang" zooyho' ri phe, yu wigi cangzoo: yi ri byid. He: zooyho' gi nanu" shid' re byid: pyam da" nga" gung nghoid. Ngoori myid: boin: nyid wa shid' re" hid: su" koid: ge" ga: tid.

LUKA 22:19 Referans Kwoze

1Korinthians 10:16

Ngoonu" gi Mangso jeju" ri coung" nghei lho: wigi- Aseing da" myen" xoin: zo: da" zoeb, phung: mo goem ri yu shoug nyid uri- Khristu suid" yo' zoem" khau: da" khyoo: nghoid. ngoonu" gi zooyho, ri we' ajab, amoin" phe, yu lho: hau: ziri: zo: da" ayo, moo- ngoonu" gi Khristu da" gung doem: yo' zoem" khau: da" khyoo: nghoid.

LUKA 22:20

Houg: yo' dakhyoo" ti" myen" xoin: bain zo: thang: ri zabyid khu, ri doem yu lho: he: da" khu, gi nanu" shid' re shoin: pyam da" nga" suid" moo zhoug: to"- Mangso da" dang: theing" tarha" seig nghoid ga: tid.

1Korinthians 10:4

Nyangnu" gi nyangnu" yo' dage" so" lo da"- Venyi lung moo" boem' mo gyid ri shoug" shoug ago". Hau: Venyi: lung: moo" boem gi Khristu nyang: nghoid bye.

COUNG" NGHEI 111:4

Aseing gi nya: da" mau" pho" moo" zoo" joem ri ngoonu" to" myhed pyam wa da" akhang" abyid. Nyang: gi jheddab ziyo' nheug khyeug shoo" gyoo: su: nghoid nyid.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

1PETERU 2:24

Ngoonu" gi youg: noo yooboo ri she: pyam kho lho-deing main" mo, khyo" kangso' yo" dei nyid wa shid re" nyang: gi ngoonu" da" yooboo ri nya: gung du: moo nyang: voin, lho: pyang" zeing tho' khyoo: yhe: loo" bye-

Ephesu 5:2

Khritstu gi nanu" ri jheddab ziyo' nanu" da" shid re" nya: da" gung ri Mangsoo vho: ngei da" nam, pyo: xoin" to' pyam wigi ab, nung" byid: pyam yhang: ti"- nanu" da kangso' khyoo: ri jheddab da" nheigloem: yo' vhoeb khang" nyid ge'.

GALATI 1:4

He: da" pyaid mo akhyeing" ashoeb khyoo: mo ngoonu" ri yo" khyoid yu baja"- ngoonu" da" Phoo Mangsoo myid vho: ziyo' dakhyoo" tam" gyo: zoore"- ngoonu" da" youg: noo yoobo shid mo Khristu gi nya: gung du: nyan: ab, byid: pyam' bye.

YOHAN 6:51

Ngoo gi mougkhung: mo, gyoo" lo da" kangso' zoo yho' nghoid. Nang he: zoo yho' ri shau" zo: ri khanham we' dadei nyid wa ngoo nanung" ri byid: wa zoo yho' gi mougmyid byu xangsu: yi dei nyid wa shid' re" ngoo byid: da' nga" shoo" nghoid.

LUKA 24:30

Zoobui" moo nya: eig yug yo" dage" zhoung: jo, lho: zooyho' ri yu lho: mainkaid byid:. Hau thang: myang gi zooyho' ri phe, lhoi nya: eig yug ri gam byid: bye.

MATHE 14:19

Houg: lang" byu phung: moo" ri vu, fu" yoo moo zheung: zhoung: jo, nhang. Hau: thang: ri zooyho' wim: loem: yo"- ngoo: zoo: eig du: ri yu lho: wigi Moug: khyoo yu" lho: Mangso jeju" ri coung" byid. Hau: thang: ri zooyho' ri lang: phe, yu wigi nya: cangzoo: yi ri byid. Nya: cangzoo: yi gi byu phung: moo" yi ri gam, byid: ago".

YOHAN 6:23

Nghoid sho, loug we-Tiberi voo mo lo da lhid joem giAseing Yesu da Jeju" ri coung" nghei lho:-Byu phung: yi ri zooyho, gam, zho" da jo, yoo nam moo-ju" lo" abye: go".

LUKA 22:17

Hau: thang: ri Yesu gi zabyid khu, ri yu lho: Mangso da jeju" ri bain coung" nghei lang" he: zabyid yhid khu, ri yu ge' nyang: cang" nyang: gam shug goo" ge ga: tid.

SHOLUMON JIKHOIN" 1:4

Nang yo' dage" ngoo ri khe: yu wigi nyha" tang: phang: shang. Nga" khokham bue" lho: ngoo ri re" yab khyoo: shu" loo" we'. Nyha" tang: dage" pyoo: shang. Zabyid yhid: yed sho' shug lho: pyo: nyid shang. Myiyi: myhi' yi dangain" nang ri jheddab zigi ce: moug" cang aboo.

1THESALONI 5:18

Khyoo khaid gu khang" moo" moo jeju" boin: lho: coung" nghei nyid ge' hau: zigi Khristu moo nanu" da" kangso' dei da" khyoo: yo' sen: lho: Mangso d" myid vho: khyoo: nghoid nyid.

DANIELA 2:38

Nyang: gi nang ri mougmyid dang moo nyid da" byu dangain" ri vhoeb wa khokham yo' gougnyhoug joem ngho' joem dangain" dang moo vhoeb da" khokham bui" nhang: da:. Nang gi sheing: vhuloem nghoid da:.

GALATI 4:25

Hagara gi Arabi mung" moo jo, da" Sina boem, gung thid' nghoid nyid nyang: gi akhid" join, bue" nyid bye- Yerusalem voomoo" yo' voobyu yi dangain" bang: shid re" alhoo: again bui" byid: nyid.

EZEKIEL 37:11

Mangsoo ngoo ri tid zigi «Shid: se' da" byu we"- Israela byu yigi he: shooyoug: joem yo' du ago". Nyangnu" gi kyug byug wigi myid byu jang ayo" ziyo' ju" lo wa ayo, ga: zi ajo, loo ga: tid ago".

MATHE 15:36

Zooyho' nyhed yho' yo" ngoo: ri yu lho: Jeju" ri coung" nghei lho: zooyho' yo ngoo: ri phe yu wigi Nya: cangzoo: yi we' Byu phung: yi ri zheung: doem gam byid.

EZEKIEL 5:5

Yoem: moo" bo Aseing tid zigi «Yerusalem ri yu" yu" we'. Ngoo gi hau: ziri mougmyid agung moo gootu: mungdain: joem dangain" wigi to" jang" moo to" too" bye:.