LUKA 21:25 - Lacid Common Language Bible

²⁵ Bid kyi: lham" moo" joem moo mau" pho" alhoo: again bue" thu' loo wa. Mougmyid tho' mo byumyu" bain sho' mo, gi Panglai gyid mung" mo being mhoid baid poug myheing go" da" thui:- shaug" gyoo: boem yoomo nheig coid coid lo" boem wa.

LUKA 21:25 Referans Kwoze

ESAIA 13:10

Kyi: cab khang" moo" yo' kyi: phung khang" moo" bang zi theing: pyam boem goo" wa. Bid thu ri" loug moug: coid loo" khari" wa. Lhammoo" gi bang loo: wa zi anghoid.

DANIELA 12:1

Zin: yung" pain" byimi void ci: da" moug: lagyoo: tid zigi «Hau: ayo, moo re" byumyu" yiri lhoug zung" da" moug: lagyoo: moo" Mikhaela gi nyid thu loo wa. Hau: thang: hau: zigi yau: khi" ayo, nghoid wigi byumyu" yi xang: shi" nyid re" da" ayo, mo zi akhid" ju" sho' moo yau: thang nghoid wa. Hau: ayo, ju" lo ri Mangso da" mougsoug" pug moo myeing lhid" to" da" re" byumyu" yi dangain" gi khyoid yu zi shau" boem goo" wa.

ESAIA 24:23

Lhammoo" no, loo" khari" wa. Bid azhoo: loo: wa. Ciwim gari myhang: thang Aseing gi khokham bue" loo wa. Nyang: gi Yerusalem ri Ziun boem mo vhoebkhang" wa. Byumyu yi da" vhujhung: yigi nya: da" phung" yoeb ri myang loo goo" wa.

Pang Shug 20:11

Hau: thang: moo phyu: da" zhung: tang yo' hau: tho' moo zhoung: jo, su: ri ngoo myang- Nya: da" myo, shid' ti: mo wigi mougmyid yoosoo" yo' moug: khung: moug di gi bei: loo" khare" lho: hau: eig ja: gikhanham we' adoem myang loo.

ACTS 2:19

Ngoo gi moug: khung" tho' mo-mau" pho" alhoo: again ri koid shug wigi vho: myed jang: gyab moo gi-mau" pho" moozoo" ri koid shug wa houg: moo suid" myi: yo' no, thu: da" myikhoug" ri shau" myang boem wa nghoid.

ESAIA 51:15

Ngoo gi nanu" Aseing Mangsoo nghoid. Panglai: ri ngoo lhu: zhang" kaid wigi hau: da" being: lhoung" ri myeing nhang: da:. Nga" myeing gi myhang: thang Aseing ga: zi nghoid.

MARKU 13:26

Houg: lang" byu nya: zoo: gi yoem: so' phung" yoeb yo' dage" jhoem: moug khyoug: moo re" ziri nyangnu" myang boem wa.

MARKU 13:24

Hau: lho: hau: da" yaukhe" kyi" khyeug zi shau" thang: ri bid, gi no, lo" byug wa lham" moo" we' azhoo: loo: wa.

MATHE 24:29

«Houg: te" da" gyoug dain' jam joug khyoo: bain thoug" shau" da" hau: nyid" ri Bid gi moug: coid bue" loo" khari" wa. Lham" moo" we bang loo: wa zi anghoid. Kyi" joem gi mougtho' mo byid gyoo" lo boem wa. Mougkhung: moo jo, da" yoem: so' dangain" we' nyangnu" da" khyoo" mo nain" yu: phang: lo" boem wa.

COUNG" NGHEI 46:3

Panglai: gyid yi dei, ga: myeung to' lo ziyo' being: mhoid joem vung ga: to' loo yoomo bouggung joem gi danain" nyid loo: nghoid loug we' ngoonu" gyoug wa zi anghoid.

MARKU 15:33

Houg: su" wigi bid gung tu: lo ayo' mo zi myenthang: soem" nayi ju" sho' damung" goin" no, seing" kyid: moug: coid coid lo" byug.

YEREMIA 4:23

Ngoo gi mougmyid gyab khyoo: yu" kaid ri. Hau: zigi jham" coug: youg kyug jo, da:. Mougkhung: khyoo: yu" kaid ri houg moo bidbang ajo, nghoid da:.

ESAIA 5:30

Hau: bidnyid ju" lho: panglai: myeing thui: yhi' gyi: da" thui: yhang: ti" Israela ri nyangnu" kyi: nyho: loo goo" wa. He: mungdain: ri yu" ge'. Moug: coid jo, ziyo' nheigloem: thang pho" zi nghoid da:. Moug: bo" ri moug: coid wigi myhau: pyam zi shau" abye:.

MATHE 27:45

Nyid gung tu: jang" mo- soem" nayi: ju" sho' damung" goin" moug coid teing: no, jo.

MIKHA 7:4

Nyangnu" mo ge thang mo, yo' deing byeung" thang mo, lang" vu, fu" myo, joem yo' dakhyoo" ti" ce: phoug" adab boem nghoid ago". Hau: byumyu" yiri Mangsoo gi dam byid: wa da" bidnyid gi nyangnu" ri zung" yu" nyid da" lapi: yi khyo" tid poin" lid lo ziyo' dakhyoo" ti" bain ju" lo nyid abye:. Akhid" nyangnu" gi anhung akhoid zheung: bue" nyid boem bye:.

ESAIA 17:12

Yoem: moo" bo da" byumyu" yigi panglai: gyid myeing thui: yo' dakhyoo" ti" myeing lho: panglai: being: lhung baid myheing thui yo' dakhyoo" ti" myeing nyid ago".

LUKA 21:24

Byu dayham" gi sham: dam yo" said pyam zi shau" boem wa. Dayham" bang: rigi join khyo" myheig shu" lo" boem wigi mung" zoo: mung" zeing: moo byo sain" lo" boem wa. Tungbau Byumyu" yi gi nyang: nya: vhoeb khang" da" pyaid athang thang gi Yerusalem voo moo" ri khyidvoo: khoug: moo nang zeug ci: boem wa.

LUKA 21:26

Mougkhung: tho' mo yoem: vhoo" joem ri nyangnu" da" moozoo" mo khaid khyo' kaid zi shug yoomo myidjang: tho' moo bue" loo wa shid' gyoin noo gyoin ri myang yoomo byu yi gi gyoug dain coid leung lo" boem wa.