LUKA 20:22 - Lacid Common Language Bible

²² Ngoonu" gi Roma khokham" ri khaug" dug kaid ri yha" tarha" ri thougtheung zi nghoid wa la". Houg: su" anghoid lang" akaid loo: nyid wa la". ngoonu" ri tid kyoo" we'.

LUKA 20:22 Referans Kwoze

NEHEMIA 9:37

Hau: mougmyid mo zei thu lo da" shivoo: joem gi nang wigi ngoonu" adang moo vhoeb zoo: nhang: da" khokham yi jhang ju" lo" da:. Ciwim gari ngoonu" yooboo shoid yoomo nghoid. nyangnu" gi ngoonu" yo' ngoonu" da" gougnyhoug joem ri nyangnu" vho: khyo" koid ago". houg: lho: ngoonu" gi xoo: sho' nheigloem: thang nyid boem bye:»

ACTS 5:37

Hau: thang: ri gam gung zhayen" ri koid: yu da" ayo, moo Galile byu Yuda ga: su: doem thu' lo wigi mung" byu yi ri nya: thang: moo cang boem wa shid re" shu" pe: bye. Nghoid loug we' nyang: ri said pyam thang: rigi nya: thang: cang bang: we' dayug dagang byo sain" lo" byug boem bye.

MATHE 17:25

Petru gi «kaid nyid» ga: tid. Petru yhoem: khoug: khyoo vang loo" lang" Yesu xangshid" tid zigi «Simon we" nang khasu" myang nyid Mougmyid khokham" yi gi akhoin: kheing" hang" jang" mo khyu: yu nyid ago" lha". Nyangnu" da" nya: zoo: yi jang" mo khyu: yu la". houg: su" anghoid lang" gi gootu: da" byu yi jang" mo nghoid la".»

NEHEMIA 5:4

Houg moo gootu: dayham" gi «Ngoonu" gi khokham ri ngoonu" da" yoo yo' zabyid khyam: joem shid re" kheing" kaid wa shid re" ngei jhid" ca" da:.

EZRA 9:7

Ngoonu" phoug" phyid" da" pyaid mo akhid" nyid" ju" sho' re" byumyu" yi nghoid da" ngoonu" gi yooboo gye" myo: sho' koid bye: zi nghoid. Ngoonu" yooboo yoomo ngoonu" gi said toem" pyam zi shoug" wa shid re" lhoid zoo: lhoid shug zi shoug" wa shid re" tungbau: khokham lo, khoug: moo thung: byu khyo" wigi ngoonu" khokham yi yo' ngoonu" khainjung yi shu" lo" zi shoug" bye:. Ngoonu" gi akhid" nyid" ju" sho' sho' gye" phu" bang: bue" loo" bye:.

EZRA 4:13

Nyangnu" gi voogung yo' vang khyam: lugxi' bain xi' lo" nyid nghoid loug we' gam" boem" akaid yoomo re" khokham vang" moo akyu" yoem" wa zi khokham nang si' baja".

TARHA" TID POIN" 17:15

Nanu" wigi khokham khyo" khyen: too" yug gi Aseing khyo" khyen: yu yug nghoid ca" wa. Nyang: gi nanu" nya: byumyu" mo nghoid ca". Tungbau byu ri nanu" khokham khyo" age koid nhang:.

LUKA 20:21

Hau: da" jooyu" mo, gi Sara: we" nang kho" kyo" da" mungdang: joem gi deung main" nyid ziri ngoonu" se' Aseing: gi myonhoo: vhu" zung akhyen- nghoid da" main" da" ziyo' dakhyoo" ti"-byu xangsu: shid re" Mangsoo da" deungmain" khyoo: ri jhoug" byid ga: Yesu ri tid.

LUKA 20:23

Yesu gi houg: bang: da" nheigloem: guid" da" khyoo: ri se' yoomo

LUKA 23:2

Hau: thang: ri nyangnu" gi he: yug gi byu phung: yi ri khyoo: vhang: nhang: wa shid' re" Ketha khokham" ri khang" dug ayo" kaid ga: tid khyoo: ri we' ngoonu" nyang: myang boem bye: ga: tid - Hau: lho:» ga: tid yoomo ngoonu" nyang;r i: myheig lho: nyang: ri yooboo foin boem.

Roma 13:7

Houg yoomo Asuya zoug: yi ri byid: eung: da' zi ri byid: nyid ge'. Kheing" kaid' eung: su: kheing" - khang" dug kaid' eung: su: khain" dug kaid' nyid ge' - amyeing" a: na: yoo" mo dangain" ri gyoug phau" myang: nyid ge'.