LUKA 2:41 - Lacid Common Language Bible

⁴¹ Nya: myhi' yo' nya: phoo gi zain khang" moo" lhed: kaid pui" loem wa shid' re" Yerusalem voo khyoo: lhoung yhe: ago".

LUKA 2:41 Referans Kwoze

TARHA" TID POIN" 12:18

Nanu" yo' nanu" nya: zoo: yi nanu" dei zoo: yi yo' nanu" voogung joem moo nyid boem da" Levi byu yigi dage" za: nanu" Mangso wigi khyen: to" da" noku joyoo nanu" Aseing Mangso da" shidkhoin" moo za: hau: xoin" joem ri zoo: wa nghoid ago". Nanu" gi hau: joyoo moo nanu" koid bye: da" lo, moo" ja: khang" moo" adang moo ngei bu: goo" wa zi nghoid.

YOHAN 2:13

Yuda byu yi da" lhed: kaid' pui" jhang lo da" uri Aseing Yesu gi Yerusalem voo khyoo: yhe: lo.

1 SAMUELA 1:21

Ayo, akhyeing: doem ju" lo uri nyang: gi dangsoo" byid: to" ziyo' dakhyoo" ti"- Elakana yo' nya: myi' zeing gi Shilo voogung khyoo: do, lo" wigi zain khang" moo" ngei" byid: da" xoin" yo' gooki' lid da" xoin" Aseing jang" moo ngei" byid: boem ago".

1 SAMUELA 1:3

Elakana koem' gi myhang: thang Aseing ri noku wigi xoin" ngei" byid: wa shid re" Aseing da" khainjung tang: nghoid da" Eli nya: zoo: Hobni yo' Phineha tang: nyid da" Rama khyoo: zain khang" moo" lhoung yhe: da:.

TARHA" TID POIN" 16:16

Nanu" byumyu" mo yuggi dangain" bang: gi daloem: kyeing" da" noku joyoo moo dazain ri soem" lheing: Aseing ri yhe: noku wa nghoid ago". Hau: zigi lhid: kaid pui" Gug seig zoo: pui" yo' zoem" pui" joem nghoid. Yugkhang" moo" gi

TARHA" TID POIN" 12:11

Aseing gi nyang: ri noku wa joyoo daloem: ri khyen: yu wa. Nanu" gi hau: joyoo khyoo: ngoo amyeing" byid: to" da" gu: ja: khang" moo" ri nya: jhang ci: yhi: ca" wa zi nghoid. Nghe' ngei" da" xoin" nanu" da" gootu: xoin" nanu" da" daxi: boem daboem nanu" da" jhungshug joem Aseing ri nanu" dangsoo" byid: to" da" hau: goo" ki" lid jhungshug joem ri shugbyid: wa zi nghoid.

GYUNG: SOO" 28:16

Zain seig khyab daxe: myid: nyid" nyid" ri Aseing ri phoug" tab ngi: shab khyo" lhid: kaid pui" ri koid ca" da:.

XOIN" NGEI" 23:5

Aseing ri phoug" tab ngi: shab byid: khyo" koid da" lhid: kaid pui" ri lhammoo" xang: shi" khyab daxe: myid: nyid" ein: nyid" bidvang zoo" mo koid shid" ge'.

THU' LO" MOUGSOUG" 34:23

Ngoo Israela byumyu" yi da" Aseing Mangsoo ri dazain ri soem" lheing: re" noku ca" wa zi nghoid.

THU' LO" MOUGSOUG" 12:14

Nanu" hau: nyid" ri ngoo Aseing cakoid loo bye: ein: ziri boin: nyid wa shid re" laloem lakhoug: pui" ri koid zi nghoid. Hau: ziri ju" loo wa ayo, dangain" mo we' koid nyid wa zi nghoid.

YOHAN 13:1

Lhed: kaid da" pui" ju" wa ayo, gi danyid" ca" shi" ri Aseing Yesu gi He: mougmyid mo thu' lo" lho: phoo jhang khyoo: loo" wa da" ayo, ju" loo bye: ziri se' boin: loo bye. Yesu gi he: mougmyid moo nyid da" nya: thang cang mo, ri jheddab lid lo bye. Nyangnu" ri lo" thang bidnyid ju" sho' jheddab bye:..

YOHAN 11:55

Yuda byumyu" yi da" lhed: kaid pui" we' jhang loo bye: yoomo voogung khang" moo" mo byu yi myoo" sho' Pui" aju" shi" ri cid" shang: kham wa shig re" Yerusalem voo khyoo: zeing: re" boem bye.

YOHAN 6:4

Hau: uri lhed: kaid da" pui" zeing we' jhang loo bye.

THU' LO" MOUGSOUG" 12:11

Nanu" hau: ziri gyung soo" wa shid re" khyid: zhung" zhung"- lhamdung: lo, moo ci: wigi void mi void byi: soin' void lho: myab myab zoo: wa zi nghoid. He: zigi ngoo Aseing ri ngi: shab da" lhid: kaid pui" nghoid.

LUKA 2:42

Zooshang: Yesu gi apyaid daxe: eig zain bo uri we' Yerusalem voo khyoo: yhe: lo" ago".