LUKA 18:7 - Lacid Common Language Bible

⁷ Khyen: yu shau" nya: byu yi da" nyid" myen" bo pang" wa shid' re" yoid mho' ngau nyid boem nghoid rigi Mangsoo gi dang: akho: byid: loo: nyid wa la". nyang: gi houg: bang: ri pang" thoug byid: wa shid' re" nhe" nyid wa la".

LUKA 18:7 Referans Kwoze

2PETRU 3:9

Byu dayham: bang: myed ziyo' dakhyoo" ti"- Mangsoo gi nyang: dang: soo" khoin" byid: too": bye: ziri cang" zei: pyeung wa shid re" ayo' ri lang" lho: nhe" nyid zi anghoid. Nghoid sho' loug we' byu xangsu: dangain" mo, youg: noo yooboo mo lheung: lo wigi hang" we' byo, yoin" lo" zi ashaoug" baja" ga: nyang: vho: nyid yoomo nyang: nanu" tho' moo gyi: sheung: da" nheug loem: toin: shed; nyid.

LUKA 11:13

Nanu" akhyeing" mo lang" nya: zoo: yi ri ge zi se' byid: rigi Mougkhung: Aseing:- Nanu" da" nya: phoo gi mho' mo, ri gyeungshang: Venyi: je wigi byid: wa anghoid goo" la"» ga: tid.

1 TIMOTHI 5:5

Lo, ti" phyeug lhoo: nyang: ri yu" goin, coung: wa byu hang" aboo lo: da" cougmoo" myhi, gi Mangsoo ri myid' loin" nyid ziyo' nyid" ri myen" ri akyu mho' nyid wigi Mangso pang" thoug wa ziri vho: ngei nyid.

Pang Shug 6:10

Nyangnu" thui: zeing yo' nyho: tid nyid zigi gyeungshang: da" yoem: moo" bo ziyo' deingmain" da" Aseing: we"- myidjang: tho' moo nyid mo, ri ngoonu" shid re" suid" phoug" latoo: phug byid: wa Nang khamyhang ju" sho' dang: aphyed ashen" yhen, loo: za: nyid nyid wa la"» ga: myed: nyid boem.

2 THESALONI 1:6

Mangsoo gi tarha" dain: khyoo: ri koid wa zi nghoid yoomo nanu" ri kyi" khyeug jam jau shau" nhang: mo, da" atho' moo kyi" khyeug jam jau doem toug" byid: wa zi nghoid.

MATHE 7:11

Houg: su" wigi nanu" lang" akhyeing" ashoeb nyid mo, nyang: nya: da" zoo: yi ri ge da" jhung: shug se' byid: nghoid rigi hau: tho' re" je ge da" mougkhoung: tho' mo nanu" da" nya: phoo gi nyang: ri mho' mo, ri ge da" jhung: shug abyid: wa ein: go" la".

COUNG" NGHEI 88:1

Ngoo ri: khyoid yu Aseing Mangsoo we"- dangain" goin" ngoo nang ri yoid mho' nyid wigi myen" ri we' re" shidkhoin" moo: yu: re".

HABAKU 2:3

Hau: zigi bue" loo wa ayo, aju" shi" yoomo lhid" cab yo' nyang: lhid" too" we'. Nghoid loug we' hau: ayo, gi myab myab ju" lo nyid lho: ngoo nang ri toin" shed khyoo: gi gyeing" nyang: bue" loo wa. Bue" loo wa khyoo: ne" nyid yhang: ti" nghoid loug we' dalang" nyid we'. Hau: zigi deing" deing ju" loo wa zi nghoid wigi ne" thang: gyo" nyid wa zi anghoid.

Pang Shug 18:20

Moug: khung: moug: di we"- hau voomoo" byo, yoin" pyam' bye: yoomo gau, yi nyid loo: ge'. Mangso byu yi yo' lagyoo: yi, lapi: yi we"- gau, yi nyid ge' Khasu" wim gari Mangsoo gi nanu" ri nyang: koid lid lo ziyo' dakhyoo" ti"- hau: voomoo" ri yoobo dam, kaid' bye.

1THESALONI 3:10

Ngoonu" gi nanu" yo' myo, moo gyo, nyang: shau" myang goo" wa ziyo' nanu" da" loem" jeung" khyoo: moo ca" nyid shi" gu: ri joeb, byeung" loo nhang: wa shid re" ngoonu" da" e" myed, dangain" ziyo' nya: jhang mho' nyid boem.

KOLOSE 3:12

Nanu" gi Mangso byu yi nghoid boem bye: yoomo nyang: gi nanu" ri jheddab wigi nya: shid re" khyen: yu shau" bang: nghoid- houg: yoomo nanu" gi jhed' thang kang: athang- nheig khyeig shoo" myen: zi nheigloem: nyhoem: zi sam" dab, nu" nham, ziyo' nheigloem: gyi: sheung: ziri void. ci: ge'.

Roma 8:33

Mangsoo: khyen: to" da byu yi ri - yooboo hang" yo" foin: wa lha". Nyanu" moo yooboo abo da" khyoo: ri Mangsoo: nyang: thoid' shid' tid fu" too" bye.

Pang Shug 7:15

Houg: yoomo nyangnu" gi Mangso zhung: tang shid khoin" moo zheung: yab, jo, lho: nya: da" Mangsoo yhoem: moo" moo nyid" ri myen" ri coung" nghei noku nyid boem. Zhung: tang tho' moo zhoung: jo, su: we' nyangnu" yo' dage" nyid lho: nyangnu" ri yu" goin, yu" coung: nyid.

TITU 1:1

Mangso join yo, Yesu Khristu da" lagyoo: ngoo Polu gi mougsoug" lhid" kaid. Mangsoo gi nyang: khyen: yu byu yi da" loem" jeung" khyoo: ri pang" thoug byid: wa shid re" we' Yha" da" loem khau: khyoo: moo jhoug" byid: da" deingmain" khyoo: ri shau" se myang sho' khyoo: toin" shid wa shid re" we' ngoori khyen: yu lho: nhang: kaid bye.

2 TIMOTHI 1:3

Nga" phoug" phyid" yi koid yhang: ti" gyeungshang: da" e" myed yo' ngoo loemkhau: nyid da" Mangsoo ri ngoo coung" byid: nyid ngoo gi nyid" ri myen" ri akyu' mho' da" jang" moo nang ri ajang" daboin: so" nyid ziyo' Mangso jeju" ri boin: coung" nyid.

COUNG" NGHEI 9:8

Nyang: gi deing: byeung" khyo" mougmyid ri vhoebkhang" nyid lho: nyeung veung" khyo" byumyu" cang: joeb bang: ri dang: phyed byid: nyid.

THU' LO" MOUGSOUG" 22:23

Nanu" koid nghoid rigi nga" jhang bo pang" wa shid re" nyangnu" yoid mho' uri ngoo Aseing tam" gyo: byid: wigi

ESAIA 40:27

Israela we"- re" yau: khi" ri Aseing asi byid: ein: anghoid lang" nang adeingmain" khyo" kyi" khyeug kham zo: ziri ci: ajhoo: nghoid da: ein: ciwim nanu" myeing" myoo: wa la".

MATHE 24:22

Nghoidloug we' Mangsoo: gi hau: ayo, bidnyid ri ashoung" kaid nghoid rigi xangsu: byu yi hang" kangso' we yo" loid wa zi anghoid. Nghoidloug we' Mangsoo gi nyang: khyen: yu too" mo, shid re" hau: ayo, bidnyid ri shoung" kaid byid: wa nghoid.

MATHE 24:24

Khasu" wim gari mhau' da" Meshia yo" mhau' da" Lapi: po" thu' lo lho: ge bue" rigi Mangsoo khyen: yu too" bye: mo, ri lang" khyoo yo" shu" vhang: sho'- alhoo: again mau" pho" moozoo" zeing yo"- zei: shug lo boem wa zi nghoid.

LUKA 21:28

He: da: moozoo" bue" thu' lo da" uri nanu" da" khyoid yu khyoo: gi jhang loo bye yoomo to' yab lho: nanu" da" vhuloem joem tu" yu" ge' khasu" wim gari nanu" da" khyoid yu khyoo: gi jhoug loo bye.

2 TIMOTHI 2:10

Hougsu" nghoid nyid yoomo ngoo gi Mangso khyen: yu shau" nyid da" byu yi shid re" kyi" khyeug yau: khe" zi: kham' zo: nyid hougsu" kham, zo: nyid da" khyoo: gi nyang: nu" we' Khristu Yesu da" khoug: moo khyoid yu da" jeju" yo' hau: apyaid' atoo: mo da" myonhoo: phung yoeb, ri shau" kham: yu wa da" khyoo: nghoid.

1PETERU 1:1

Aseing Yesu Khristu da" lagyoo: Peteru jang" mo Puntu: Galati- Kapadoki Asha mung" yo' Bethuni mung" joem moo byo sain" nyid mo, Mangsoo khyen: yu to" da" byu phung: yi jhang khyoo: mougsoug" lhid" kaid.