LUKA 16:26 - Lacid Common Language Bible

²⁶ Hau: tho' moo gootu: nanu" yo" ngoonu" da" agyoo: moo no, thang da" lang: khoug: daloem: kyo: to. Houg: yoomo nanu" tab mo zi ngoonu" tab khyoo:- ngoonu" tab mo zi nanu" tab khyoo:-gu: lid noug mo, hang" we' ayo" gu: lid ga: wigi tid.

LUKA 16:26 Referans Kwoze

YOHAN 3:36

Hou zoo: shang: ri loem" jeing" su: hang" nghoid loug we' apyaid ato: kangso' yoo" wa zi nghoid. Nghoidloug we' nya: zoo: da" dang: ri atam" gyoo: su: gi kangso' ayo" yu Mangso da" yoobo dam byid: zigi hau: youg tho' moo dajo, jo, nyid wa zi nghoid.

COUNG" NGHEI 49:14

Nyangnu" gi yang joem yhang: ti" shid: loo" wa bang: za: danghoid. Shid: zoug: gi nyangnu" ri zung" da- yang zung" su: nghoid wa. Nyangnu" da" gung du: gi nyangnu" da" yhoem: yoo yo' ve: da moo: vo moug: moo myab myab boeb loo" wa zi nghoid.

COUNG" NGHEI 50:22

Ngoo ri: asi, goin koid su: nang we' he: da" dang: khoin" ri tam" gyo: yu" we'. Hougsu" anghoid rigi ngoo nanu" ri lhu: phyo' sain" pyam, byid: wam: bye:. Nang ri khyoid yu wa zi dayug we' nyid loo: wa zi anghoid.

Pang Shug 20:10

Hau: thang: rinyang: nu" ri mhau' da" main: yu we' myi: yo' fang nge" nyid da" thoem" khoug: khyoo:- du" khyo' kaid' zi shau" bye- hau: jang" moo hau" akhyeung" da" gougnyhoug ni zeing yo' mhau' da" lapi: joem we' loung" jo. Nyang: nu" ginyid" rimyen" ri kyi" kyeig shau" nyid ziyo' apyaid' atoo: moo daloung" jo, boem wa nghoid.

MATHE 25:46

Houg: yoomo houg: bang: gi apyaid ato: da" yooboo dam shau" kham: zo: wa jang moo ju" lo" boem wa. Nghoid loug we deung byeung" mo, koem gi apyaid ato: da" kangso' khyoo shau" vang lo" boem wa".»

MALAKHI 3:18

Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.

LUKA 12:59

Hau: jhen: dangain" pyai" pyam sho' axab xab gi nang gi thung: mo yo" thu' loo lho: wa zi anghoid. ein: wigi ngoo tid.

EZEKIEL 28:24

Aseing tid zigi «Israela byumyu" yiri yu" juang" nyid da" aqei: ayam mo byumyu" kha: ja: we' Israela ri dam tab da" zu: kyin: yoo zugam joem yhang: ti" khanham we' adoem bui" loo goo" wa. Houg: lho: nyangnu" gi ngoo yoem: moo" bo Aseing nghoid ziri se' loo goo" wa» ga: tid.

1 SAMUELA 25:36

Abigela gi khokham shid re" zoo: shug pui" koid byid: wa yhang: ti" nya: yhoem: moo: pui" koid nyid da" Nabala jhang khyoo: doem tau" loo" bye:. Nyang: gi yhid: yed lho: gye" pyo: nyid yoomo thang: nab kyoo ju" sho' ciwe' atid loo: nyid da:.

Pang Shug 22:11

Adeung amain" su: gi adeung amain" khyo" cang nyid shi" baja"- agyeungshang: su: gi agyeungshang: khyo" nyid shi" baja" - gyeungshang: su: gi gyeungshang: nyid baja",, ga: ngoori tid.

LUKA 16:25

Nghoidsho' loug- Abraham gi nga" zoo: we"- nang dei nyid shi" uri nyid di nyid ge shau" void shau" zo: da" khyoo: ri we' Lazaru gi sho" jhen: jamjau kham: kho" da" khyoo: ri we' myid boin: re. Akhid" koem nyang: gi myenjham" ngei pyoo: khyoo: shau" kham: zo: wigi nang koem gi kyi" khyeug shau" nyid bye.

LUKA 16:27

Sathi" phoo doem tid zigi phoo Abraham we"- houg: su" nghoid lang" Lazaru ri ngoo me yhoem: khyoo: nhang: kaid byid: we'.