Nghoid loug we' Aseing gi nyang: ri gung myhang: ziyo' khayhi' yung" nghoid loug we' khyen: khyo' pyam. Byu yi dang: phyed yhang: ti" ngoo aphyid yoomo nyang: ri ngoo khyen: wa zi anghoid. Byu yigi nghe: shoid avoid asam" ri za: dase' yu"- nghoid loug we' ngoo gi myid nheigloem: ri dayu" zi nghoid» ga: tid bye:.
LUKA 16:15 - Lacid Common Language Bible15 Yesu gi nanu" ri nyang: nya: da" gung du: ri byu gi yi nghoid ga: subi" ri myang nhang nau ago". Nghoidloug we' Mangsoo: gi nanu" da" nheigloem: ri se' nyid. Byu yi gye" vho: ngei jheddab nyid da" zigi Mangso da" shid' khoin" moo gi ce: phoug" adab da" zi anghoid. Gade chapit la |
LUKA 16:15
40 Referans Kwoze
Houg: su" nghoid yoomo ayo, aju" shi" ri- nanu" dayug yo' dayug gi hang" ri nghoid loug we' tarha" dang: aphyed byid: nyid goo. Lo" thang bidnyid moo: tarha" dang: phyed wa da" Aseing ju" ri" sho' dalang" nyid ge'. Nyang: gi moug: coid khoug: moo: yhoem" to" da" moozoo" ri we'- byu yi da" nheigloem: khoug: moo: zau" to" da" myid soin: khyoo: ri we'- thoid' shoug thu' loo wa zi nghoid. Hau: bidnyid ri byu yug khang" moo" gi nyang: yo' moin: yi" da" Mangso wigi: coung" nghei ngi: shab, khyoo: ri shau" kham: yu boem wa zi nghoid.
Nang gi yugkhang" moo" da" nheigloem: ri jham" yu" wigi nheigloem: phyu: bang ri nang vho: ngei ziri ngoo se'. Ngoo gi deingmain" da" myid- nheigloem: phyu: myid yo' he: gu: dangain" ri oung: lung bu tung" nang ri byid: too" bye:. Hid moo: zeing: foem: nyid boem da" re" byumyu" yigi nang ri shugbyid: wa khayhi' ngei bu: oung: loug boem ziri ngoo myang bye:.
Houg: yo' dakhyoo" ti"- nanu" zoolu: zoomyi: yi we' ludaid' yi da" dang: ri tam" gyo: nyid ge'. nyang: cang" nyang: zoem" khau: da" khyoo: moo nanu" dangain" mo, gi khyo, nyhoem: ein: da" khin' ri void, ci: lho: dayoug da" dei zoo: dayug koid nyid ge'. Khasu" wim ga: ri jhoem: mungdang: moo Mangsoo gi nghoid boin: mo, ri doin: khyo' pyam lho: nheigloem: nyhoem: mo, ri jeju" byid: nyid ga: lhid" to".
Nyangnu" koid: da" moozoo" dangain" gi mung" byu shid khoin" moo za: te: koid: shug boem. Nyang: nya: da" ngeilang: yo" lo, pu, moo tab ci: da" jhoem: dang: dab, du da" shooyid yho' ri je gyi: sho' koid: lho: void ci: boem ago". Byi: sheing: bain: byug thang: we' sheing" sheing: coeb' void to" ago".
Pharishe phoo gi nyang: kyeing" yab jo, lho: akyu" mho' zigi O"- phoo Mangsoo: we"- Byu goo" ji yi gi vhoo: boo mo adeung amain" mo sube" myi: lhoid mo, za: danghoid. Ngoo koem gi houg bang: yhangti" anghoid yoomo we' thei: da" kheing" khyu: zo: su: ti" anghoid yoomo we' re" da" jeju" ri boin: ga: tid.
«Nanu" akyu" mho' nyid nghoid rigi ayid void da" byu yi yhangti" akoid: goo. Khasu" wim gari subi" nyanu" nyang: ri yo" myang goo" baja" ga: tarha" jung yi yo' khyoo: kang" shoem: moo cang yab' lho: Akyu" mho' wa zi nyangnu" vho: boem da. Nanu" ri ngoo jhug jhug tid ba- nyangnu" gi aphoug" yo" yu abye: go.
Soem" lheing: ein: lheing: we' yesu gi Yohan nya: zoo: Simun we"- nang ngoori jheddab la"» ga: doem myid. Hid: su" soem" lheing: ju" sho' myid: nyid yoomo Petru gi nheig koug lo wigi Aseing: we" nang gi ce: noem ri we' dangain" si' su: nhgoid' - nang ri ngoo jheddab zigi nang se' ga: doem tid. Yesu gi nga" yang joem ri zung" nyid' we' ga: doem tid.
Ngoo nanu" ri tid wa Yesu tid zigi kheing" khyu: zoo: su: gi Mangso da" shid' khoin" moo deung main" su: dayug khyo" yhoem: khyoo: doem yo" tau" lo. Pharishe phoo gi houg: su" anghoid. Khasu" wim gari hang" we' nyang: nya: da" gung ri coung" byid: mo, gi doin: khyo, pyam zi shau" lho: hang" we' nyang: nya: da" gung ri khyo nyhoem: mo, gi tu: to' kaid zi shau" wa nghoid.
Piblisite