LUKA 16:10 - Lacid Common Language Bible

¹⁰ Nge da" moo" moo deung main" su" gi gyi: da" moo" moo we' deung main" wa. Nge da" moo" moo adeung amain" su: gi gyi: da" moo" moo we' deung main" wa zi anghoid.

LUKA 16:10 Referans Kwoze

MATHE 25:21

Nya: yhoem: seing: gi gi bye: loemloug da" nga" deizoo: gi we"- nang gi nge da" moo" moo loem gi" su: nghoid yoomo gyi: da" moo" zeing moo we ngoo ab byid: wa ri" we'- ngoo yo' dage" gau yi ngei pyo: nyid loo: shang» ga: tid.

LUKA 19:17

Nyang: tid zigi-shoeb' su: we"- nang gi join, gi dayug nghoid. Nge da" moo" moo deungmain" yoomo nang ri voo zeing daxi: voo moo vhoeb nhang: wa ga: tid.

MATHE 25:23

Nya: yhoem: seing: gi «gi bye:. Loemloug da" nga" deizoo: gi, we" nang gi nge da" moo" moo loemloug su: nghoid yoomo gyi: da" moo" zing ri ngoo ab byid: wa. Ri" we' ngoo yo" dage" gau yi ngei pyo: nyid loo: shang» ga: tid.

HEBRE 3:2

Moshe gi Mangso da" yhoem: mo nya: moozoo" moo kyed koeb yhangti"- he: moo" ri zei: wa shid re" khyen: yu shau" su: we' Mangsoo moo jhug zug nyid.

YOHAN 12:6

Nyang: gi thang: phyang" Yesu ri gyivoo yi da" lo, moo ab pyam wa su: nghoid. Nyang: hid: su" tid da" zigi shojhen: mo, ri nheig khyeig yoomo tid zi anghoid. Khoug" su: nghoid. Nyang: gi ngei thung: voin su: nghoid yoomo ngei ri lhoung gau" khau" yhung: nyid.

YOHAN 13:27

Hau: zoo: yho' ri Yuda zo: kaid ziyo' dage" satan gi nya: nheigloem: khoug: moo vang loo" bye. Yesu gi nyang ri nang koid; wa da" moo" ri myab myab zei: we' ga: wigi tid.

YOHAN 13:2

Aseing Yesu yo' nya: cangzoo: yi gi myen" xoin: shoin" zo: nyid. Yu satan gi Simun Iskarud da" nya: zoo: Yuda da" nheig loem: moo vang lho: Yesu ri gyivoo yi da" lo, moo ab pyam' wa da" shid' re" phajhi" byid: too" gu nghoid bye.

MATHE 24:45

«Loem loug ziyo' phajhi" bo da" deizoo: gi hang" nghoid la". hau: yug gi nya: yhoem: seing: da" deizoo: gootu: ri vhoeb' khang" lho: ayo, ju" lang" zoo: shug thug byid: wa shid re" yhoem: seing: wigi khyen: nhang: too" su: nghoid.