LUKA 15:10 - Lacid Common Language Bible

¹⁰ Houg: yo' dakhyoo" ti"- ngoo tid da" zigi yooboo yoo" su: dayug yug- nheigloem: thid lo ri Mangso da" moug: lagyoo: yi gi gye gau yi nyid.

LUKA 15:10 Referans Kwoze

LUKA 15:7

Houg: yo' dakhyoo" ti" ngoo tid zigi nheigloem: thid anoo" lo da" myonhoo: ngilang: bo da" byu- goug: xe: goug: youg bang: da" tho' moo yooboo yo" mung" byu dayug nheigloem: thid lo ri Mougkhung: Mungdain: moo gau yi ngei pyoo: khyoo: jo, wa.

2~KORINTHU 7:10

Khasu" wim gari Mangsoo ci" yhoung: da" koug shu: khyoo: gi khyoid yu khyoo: shau" nhang: nyid› Houg: yoomo nheigloem: apyoo: joyoo aboo. Nghoid loug we' nheigloem: athid' loo: za: xangsu: lid khyo" kougshu: khyoo: gi-shid: loo" no lo" khyoo: ri ze" bui" nhang" nyid.

EZEKIEL 33:11

Ngoo yoem: moo" bo Aseing gi deing deing dei nyid ziyo' dayhang: ti"- yooboo yoo" bang: shid: lo" ziri ayu" gau ein: ziri nyangnu" ri tid kyoo" we'. Nyangnu" gi yooboo shoid ziri theing: pyam lho: kangso' dei nyid ziri ngoo je myid vho: da:. Israela we"- nang koid nyid da" akhyeing" moo" ri theing: pyam we'. Nang ciwim yoomo shid: nau la"

EZEKIEL 18:23

«Akhyeing" su: shid: ziri" ngoo yu" gau nyid ein: nanu" jhoo: go" rhe"» ga: Yoem: moo" bo Aseing myid:. «Anghoid- nyangnu" nheigloem: thid wigi dei nyid ziri je da myang nau.

LUKA 13:5

Nyangnu" gi yooboo je shoid mo, anghoid- ein: ngoo nanu" ri tid. Nghoidloug we' nanu" we' nheigloem: athid nghoid rigi Houg: bang yo' dakhyoo" ti"- shid: joem: loo" wa zi nghoid ga: tid.

MATHE 18:14

Houg: yo' dakhyoo" ti"- Mougkhung: tho' mo nanu" da" nya: phoo we' he: ngi, su: dayug we byug lam" loo" wa zi avhoo: ga: tid.

EZEKIEL 18:32

Yoem: moo" bo Aseing tid zigi «Ngoo gi hang" dayug ri we' ashid: nhang: nau. Nanu" yooboo mo lheung: tau" lo wigi kangso' dei nyid ge» ga: tid.

HEBRE 1:14

Hougsu" nghoid rigi moug: lagyoo: yi gi hang" nghoid lha". Nyangnu" gi khyoid yu shau" da" agyid asoo: kham: yu bang: ri pang" thoug wa shid mo Mangsoo nhang: kaid' zi shau" da" Mangsoo ri noku nyid Venyi joem nghoid ago".

ACTS 11:18

Nyangnu" gi hau: da" dang: ri shau" gyo: boem lang" gi Petru ri nyangnu" yooboo foin: nyid khyoo: zheung: theung: pyam' lho: Mangsoo ri coung" nghei byid: wigi Mangsoo gi tungbau byumyu" yi ri we' nheing loem: thed' lho: kang: yo" dei nyid wa khyoo: ri akhang" byid: too" bye: nhung- ga: tid nyid boem.

LUKA 7:47

Houg: su" yooboo mo loid lo" zigi Nya: da" gyi: thang jheddab nheigloem: gi sagse: kham: nyid. Yooboo dajhi' za: te: loid loo" su: gi dajhi' date: se' jheddab» ga: tid.

MATHE 18:10

«Nanu" gi ngi, su: khayug ri we' Byu ngi yoo ayu" wa shid re" lhid nyid ge'. Nanu" ri ngoo tid da" zigi hau: zooshang: me" da" moug: lagyoo: yi gi Mougkhung: Aseing nga" pho da" myonhoo: ri khanham we' dayu" nyid boem ago".

PHILIMON 1:15

Onesimo gi khanham we' nang yo' doem yo" nyid wa shid re" nang yo' dayo, daboin: za: gang: go" lo" zi date: nghoid wa

ACTS 5:19

Nghoid loug we' hau: da" myen" ri Aseing: da" moug: lagyoo: dayug gi thung: khoem" duang: joem ri phang pyam' byid: boem lho: lagyoo: yi ri nghe: shoid khyoo: shu" thu' lo" wigi

MATHE 10:32

«Hang" nghoid loug we' Sube" shidkhoin" moo ngoori yhen: yu ri Mougkhung: tho' moo nyid nga" pho, da" shid khoin" moo ngoo we' hau: yug ri yhen: yu wa.

LUKA 12:8

Nanu" ri ngoo tid zigi Nga" cangzoo: gyeing" nghoid ga: sube" shid' moo yhen: yu su: rigi Byu da" nya: zoo: we' Mangso lagyoo: yi da" shid' khoin" moo nya: cangzoo: agyeing" nghoid ga: yhen: yu wa.

LUKA 12:9

Ngoori su" da" shid' khoin" moo ngeig pyam su: rigi Byu da" nya: zoo: we' Mangso lagyoo: yi shid' khoin" moo ngeig pyam wa.

LUKA 15:9

Nyang: gi hau: ngei den" ga" ri shau" myang lang" gi bidnoem seing" cang" yhoem: kyoo" voo yoo ri khe: lho: byug lo" da" nga" ngei den" ga" doem shau" bye:- ngoo gau yi ngei pyoo: nyid bye. Houg: yoo mo nyang" nu" dage" gau yi ngei pyo: pui koid' shang:

LUKA 15:11

Yesu tid- shid phyang" byu dayug gi zooshang: eig yug yo.