LUKA 14:13 - Lacid Common Language Bible

¹³ Houg: yoomo zoo: pui" shug pui" khe: nghoid rigi sho" jhen: mo, yuid mo, gang: mo, khyid: agi mo, myo, amyang mo, ri lhoung: khi: ge'.

LUKA 14:13 Referans Kwoze

LUKA 14:21

Hau: byu khi: nhang: da" dei zoo: phoo gi nya: jang" moo doem lo lho: houg: bang: tid khyo" dangain" lo tid kyo. Houg: lang" yhoem: seing: gi gyi" sho' nheig yo: lo wigi fu" moo" khyoo yo"- khyoo: zoo: khaid khang" moo" khyoo: thu' loo" nhang: lho: ashug" ajhen: bang:- khyid: gyoug myo, jid mo, -byu yoin byugang: yi dangain" ri myab khe: shu" loo ge" ga: dei zoo: yi ri doem nhang: kaid.

ESAIA 58:10

Zoo yoid bang: ri nanu" zoo: noem byid:- ca" nyid bang: ri nanu" nheugshid: nhang: boem nghoid rigi nanu" ri lheing khoem to" da" moug: coid gi bid gung tu: yo, moo zho: da" bid yhang: ti" bue" loo wa.

DANG: ZHOEM 14:31

Ashoug" ajhen: bang: ri nang doin: zeig zo: nghoid rigi nyangnu" ri: phain" so: to" Mangsoo ri nang aphoug" akhyoid koid nyid khyoo: nghoid- nghoid loug we' asho" ajhen: bang: ri nheig khyeug da" nheigloem: yo" toin" shed su: koem gi Aseing ri noku coung" nghei da" aved nghoid nyid.

ESAIA 58:7

Zoo yoid bang: yo' nanu" da" zoo: noem gam zo:- yhoem: ayoo" myung shoo" bang: ri nanu" yhoem: khoem" phang byid:- byimi ci: avoid bang: ri byimi gam byid:- nanu" nya: bidnoem seing" cang" yiri pang" thoug byid: da" khyoo: ri ahe: pyam' zi nghoid da:.

HEBRE 13:2

Nanu" da" yhoem: mo being" voo ri lhoem: kham: yu lho: byid: zhoo" byid: jhug wa ziri ato" myid' goo". Houg: su" byid: zhoo" byid: jhug mo, gi aboin: aso" zi moug: lagyoo: yi ri shau" doo" zho" kaid boem bye.

NEHEMIA 8:10

Akhid" yhoem: khyoo: lo" wigi zoo: shug pui" lo" koid ge'. Atham: zoo: shug bang: ri nanu" da" zoo: noem yo' zabyid yhid: ri kaid byid: ge'. Akhid" nyid" gi ngoonu" da" Aseing shid re" gyeung" shang: da" bidnyid nghoid. Houg: lho: akug goo". Ngoonu" ri Aseing byid: da" ngei pyo: khyoo: gi nanu" ri yoem: boo nhang: ri" wa» ga: tid ago".

MATHE 22:10

Dei zoo: yi gi khyoo: cang thu' yhe: lo" lho: shau" go" da" byu gi byugang: dangain" ri khe: shu" lo boem bye. Houg: yoomo loxo' da" yab, moo" khoug: moo meing" byu byeung" sho' zhoung: jo, boem bye.

TARHA" TID POIN" 16:14

Nanu" zooshang: yi dei zoo: yi yo' nanu" voo joem moo nyid da" Levi byu yi tungbau byu yi coug" zoo: cougmoo" yi yo' dage" ngei pyoo: tung" pui" koid nyid boem ge'.

1 TIMOTHI 5:10

Hau: tho' moo gootu: nyang: gi asam" avoid ge khyoo: moo we' myeing thu nmyid su- nya: myid: nya: zoo: yi ri we' voin: tang: se' shu" jhoug" shu" mho' nyid su- tungbau being" voo, yi ri nya: yhoem: moo goo" lhoo: zoo: kham: yu lho: doo" zhoo" doo" jhug su- Khristain mang: nhung" yi yo' sen: lho: zei: ca" da" khyoo: joem ri khyo, nyhoem: da" myid yo' zei: so' voin vu, si su- yau: khe" jam jau shau" nyid bang: ri-se' pang" thoug su- ge da" moozoo" joem ri voin, vu, xoin" yo" to' su: nghoid ca" nyid.

TARHA" TID POIN" 16:11

Aseing da" shidkhoin" moo nanu" zooshang: yi dei zoo: yi yo' nanu" voo joem moo nyid da" Levi byu yi tungbau byu yi coug" zoo: cougmoo" yi yo' dage" ngei ngei pyoo: pyoo: nyid boem ge'. He: ziri noku joyoo daloem: moo kyeing" koid ge'.

TARHA" TID POIN" 14:29

He: zoo: noem joem gi nyangnu" seing: wa mougmyid jonu" ayoo" nghoid da" Levi byumyu" yi yo' nanu" voo moo nyid boem da" tungbau byumyu" yi coug" zoo: yi cougmoo" yi shid re" nghoid da:. Nyangnu" gi nyangnu" vho: gu: dangain" zheing: re" yu boem wa nghoid ago". Hougsu" koid ge'. Houg: lang" Aseing Mangsoo gi nanu" koid da" moo" ja: khang" moo" moo nanu" ri mainkaid byid: loo wa.

1 TIMOTHI 3:2

Phung moo vhu" jhung: koid su: dayug gi yooboo adab su- myi: dayug za: yoo' su- se' zed" lhid' nyid su- nyang: nya: da" gung du: ri yo" khang" su- akhyoo" joo joo kang: so' se' dei nyid su- nya: yhoem: moo tungbau being" voo ri doo' zhoo" doo" jhug noug su- se' jhoug" se' mhoo, byid: su: nghoid ca.

YOBA 29:13

Lo" thang sho' kyi" khyeug shoug" bang: ngoo ri coung" boem. Houg: lho: cougmoo" yi goem loem sho' ngoo pang" thoug byid: bye:.

NEHEMIA 8:12

Houg: yoomo mung" byu yigi yhoem: khyoo: lo" wigi ngei pyo: tung" zoo: shug pui" koid ago". Nyangnu" yo" ziri gootu: byu yi yo' gam zo: wigi nyid ago". Ciwim gari nyangnu" gi nyangnu" ri nghab kyo" ziri se' gyoo: yoomo nghoid ago".

2 KHOKHAM MHOOMYID: 30:24

Khokham Hezekia gi mung" byu yi said zoo: wa shid re" nuloo: 1000 du:- yang 7000 du: ri jhungshug byid: wigi gyizoug: yigi gootu: nuloo: 1000 du: yo' yang 10,000 du: byid: ago". Khainjung yi myoo" sho' bang: thung" khyo" kyeing sain' khyoo: koid ago".

2 SAMUELA 6:19

Nyangnu" dangain" ri zoo: shug gam byid: bye:. Nyang: gi Israela byumyu" yuggi myiyi: dangain" ziri zooyho' daloem: loem: shoo" dakhyi' khyi' yo' zabyid shi" kyug dajhi' jhi' byid: bye:. Hau: thang: yugkhang" moo" yhoem: khyoo: loo" khari" bye:.

TITU 1:8

Nyang: gi being" doo" noug su:- ge da" khyoo: ri se' jheddab su:- nya: gung ri se' vhoeb khang" su:- akhyoo" cang lho: deing byeung" su:- gyeungshang: su: tarha" ri cang su: nghoid ca".

PHILIMON 1:7

Mang: nhung" phoo we"- re" da" jheddab nheigloem: gi ngoori gye" gau yi nhang: lho: nheigloem: yoem: vhoo" azeing yo" yu nhang: nyid. Nang gi Mangso byu yi da" nheigloem: ung: khoug: dangain" ri shangei shapyoo: byid: abye:.

ACTS 9:39

Houg: yoomo Petru gi hau: eig yug yo' dage" yhe: loo" bye- Petru gi ju" yhi: lang" nyangnu" gi Petru ri atho' pyam: khyoo: shu" do' lo" ago". Cougmoo" yi dangain" mo, gi ngau, zoore" Petru da" gung yam, moo zeung: foem: lo lho: Dorka nyang: dei nyid shi" ayo, moo coeb, too" khare" da" byimi dangain" ri Petru ri ci: shug ago".

LUKA 11:41

Houg: su" nghoid loug we' Nanu" da" bain khu, moo bo ziri sho" jhen: mo ri byid: pyam ge'. Houg: lang" zi dangain" gi Nanu" shid' re" dangain" gyeungshang: loo wa.

DANG: ZHOEM 22:9

Agoin' ayu: gam, byid" we' re" da" zoo: noem ri myoung shoo" bang: yo' gam zoo: goo" ge'. houg: lang" nang ri mainkaid byid: zi shoug" wa.

MATHE 15:30

Byu phung: moo" gi nya: jang" moo ju" re" boem ri khyid: yoin" mo myo, amyang mo dang: ase tid mo gootu: noophyoo" aja: ja: shau" mo ri shu" ju" re" boem wigi Yesu da" khyid: yang: moo nyhed: to" ago". Yesu gi hau: noophyoo" shau" mo, ri zheung: ge loo" nhang: kaid.

LUKA 14:12

Hau: thang: ri Yesu gi Yhoem: seing: ri Nang gi nab xi" nghoid loug myen" xoin: nghoid loug doo" zhoo" wa ein: soin da" uri re" byen cang" yi bidnoem yi mang: nhung" yi nya: byumyu" zoo mo, yug phoo- yoo" zo: yoo" shug da" yhoem: kyoo" cang" yi ri akhi:- khi: nghoid loug nyangnu" we' doem khe: lho: jeju" doem yo" toug" goo" wa zi nghoid.

LUKA 14:14

Houg: su" khi: lang" gi nang ngi lhoo wa. Khasu" wim gari houg: bang: gi nang ri jeju" yo" phug wa yoem: aboo mo, nghoid. Deung main" mo, shid: jang" mo doem dei to'' lo da" uri Mangsoo gi nang ri jeju" doem toug" byid: zi shau" wa ga: tid.