LUKA 12:48 - Lacid Common Language Bible

⁴⁸ Houg: su" nghoid loug we' Aseing: da" nheigloem: ri asi loo za: gyoem thung" kham: zo: da" khyoo: ri shoid vhang: su: gi dajhi kyeing" da" gyoem thung" dam ri shau" kham: zoo: wa nghoid. Jeju" koid: da" khyoo: myoo" sho' kham: yu" su: gi yoovoin myoo" sho' boo wa. Je loem" jeing" ab nung" su: gi je gyi: da" voin vu, wa moo" je bo loo wa zi nghoid.

LUKA 12:48 Referans Kwoze

YAKU 3:1

Nga" da" mang nhung" yi we"- Sara koid mo, nanu" gi taraha" dang: phyed da" khyoo: byu gooje tho' moo je" shau" wa ziri se' nyid ge'. Houg: yoomo nanu" yug khang" moo" sara ade: koid nau nyid goo.

XOIN" NGEI" 5:17

Dayug yug gi pa: yhi: anghoid loo: za:Aseing da" amyeing" dang: daja: ja: ri shoid nghoid rigi nyang: gi yooboo yo" wigi yooboo aphoug" ri doem kham zoo: wa zi nghoid.

YOHAN 15:22

Ngoo gi jure" lho: nanu" ri akho" kyo" nghoid rigi nyangnu" yooboo shoid vhang goo" wa zi anghoid. Akhid" nyangnu" gi nyang: nya: da" yooboo ri shoid vhang: ci: boem yoomo ci" we' ayo" ga: boem loo.

MATHE 13:12

Daja: ja: yoo" su: gi hang" ri nghoid loug we' yoo" su: ri myoo" sho' doem poug lung: byid: lho: nyang: gi je yo" jo, loo wa zi nghoid. Ayoo" ajo, su: jang" mo koem gi nyang: yo" gu: dajhi' kyeing" zi lang" yu pyam byid: wa nghoid.

1 TIMOTHI 1:13

Ngoo koem' gi lid loo bye: da" ayo, moo Aseing: ri age khyo" yooboo foin:- juang" yi pyi: sho: shen" yhen ziyo' rue" lid lo yu" su: nghoid, nghoid loug we' Mangsoo gi ngoori nheig khyeug nyid shi"- Khasu" wim ga: ri ngoo moo loem" jeung da" myid, aboo shi" yoomo ngoo cikoid nyid ziri" ngoo nyang: asi.

ACTS 17:30

Mangsoo gi xangsu: byu yi nyang: ri asi loo: nyid lid: lo da" ayo, akhyeing: ri yu" lhai: kaid' bye- nghoid loug we' akhid" gi khyi khang" moo" mo xangsu: byu dangain" ri nyangnu" da" akhyeing" ashoeb, da" moozoo" dangain" jang" mo nheigloem: thed' lheung: loo wa shid re" amyeing" byid: kaid' bye.

1 TIMOTHI 1:11

Hau: jhau" mho' da" khyoo: gi myonhoo: phung" yoeb, bo lho: wigi ngi lho, da" Mangso jang" mo, ngei bu: lu dang: yo' dakhyoo" ti" nghoid- hau" ngei bu: dang: ri tid fu" wa shid mo Mangsoo gi ngoori ab, byid: too' bye.

LUKA 16:2

Sathi" phoo gi moo" pyeing" su: ri khe: yu lho: tid da" zigi re" da" khyoo: ngoo shaug" gyoo: bye. Khasu" koid: nyid? re" da" lo, mo nga" ziyoo jonu" zhayen" dangain" ngoori byid: we'. Khasu" wim gari nang gi nga" moo" ci: moo we' pyeing" wa zi amoin: yi" loo.

1 TIMOTHI 6:20

Timothi we"- nang ri ab, byid: to" da" aya: ri goolhoo: za: zoem: shoung: too" we'. Aco' ajhoid da" khoin" co, loeb, khyoo: ri we' phajhi" dang: nghoid ga:. byu jha" bang: tid shoid' myid da" akoo" afang: ga: ngeig goo" yang: go" dang: ri we' jang" pyam' nyid we'.

TITU 1:3

Ayo, bidnyid khyag byid: da" hau: apyaid ato: kangso' ri nya: mungdang moo pang shug to. Hau: mungdang: gi ngoori ab byid: bye: yoomo yha" da" khyoid yu Aseing: pyeung: to" Mangsoo mungdang: yo' dakhyoo" ti"- hau khyoo: ri ngoo kho" kyo" nyid.

GYUNG: SOO" 15:27

Dayug su: za: pa: yhi: akoid loo: yooboo shoid nghoid rigi nyang: gi yooboo khyoid xoin" khyoo" dazain byeung" da" coidbaid moo" dadu: ngei" byid: wa zi nghoid.

TARHA" TID POIN" 25:2

Yooboo shoug" yug ri baid wa yooboo dam byid: nghoid rigi tarha" agyi gi nyang: ri myidjang khyoo: shu: wigi goeb too" nhang: lho: baid zi shoug" nhang: ca" da:. Khanhoo' dam baid wa ein: zigi nyang: shoid da" yooboo moo cang wa zi nghoid.

LUKA 12:41

Peteru gi Aseing: we"- he: dangtu' gi ngoonu" ri tid la". houg: su" anghoid lang" gi byu dangain" bang: shid' re" la"» ga: myid.

LUKA 12:49

Ngoo gi he: mougmyid ri myi: nghe, kaid wa shid' re" jure" zi nghoid. Akhid" nyang: nghe, kaid noug bye.

MATHE 23:14

Ayid void ci: da" tarha" sara: yi yo" pharishe we"- nanu" gi joem: lo" abye: go. Nanu" gi cougmoo" myhi, yi da" yhoem: mo ziyoo joem ri atarha" khyo" lhoid yu boem lho: Subi" gyo: du wa khyo" akyu" sheing" sheing: mho' nyid ago". He: khyoo: yoomo nanu" gi gye" gyi: lid: da"- dam ri shau" kham: zo: boem wa.