LUKA 12:43 - Lacid Common Language Bible

⁴³ Koid: nhang: da" yoovoin ri zhug zhug zei: nyid ziri Aseing: lo myang lang" hau: da" dei zoo: gi khayhi' ngi lho' wa lha".

LUKA 12:43 Referans Kwoze

LUKA 12:42

Yesu gi dang: zung" lho: phajhi" se' da" dei zoo: gi hang" nghoid la". Yhoem: seing: gi dei zoo: yi ri vhoeb khang" wa shid' re" yo"- ayo, ju" lang" vhu" kung: phoug" thug byid: wa shid' re" vhu" jhung: dayug nyeing to" ein: shang.

LUKA 12:44

Ngoo nanu" ri deung" deing tid zigi Yhoem: seing: gi nya: ziyoo jonu" jo, moo jo, ri vhoeb khang" nhang: wa shid' re" ab byid: wa zi nghoid.

COUNG" NGHEI 101:6

Mangsoo moo: loem: jeung" nyid mo, ri ngoo lhoem: yu lho: nga" khokham vang" moo: nyid nhang: wa zi nghoid. Nheigloem: bain sho' phyu: yung" mo, nyangnu" gi nga" dei zoo: bui" wa da" akhang" yo" yu boem wa zi nghoid.

DANG: ZHOEM 27:18

Lafoem, gam ri nyheung coung: kaid we' houg: lang" gi lafoem, shi" ri shoug" phyo' zoo: wa. Yhoem: seing: ri yu" coung: da" dei zoo: gi ngi: shab zi shoug wa nghoid.

ESAIA 56:2

Dougno: Bidnyid ri khanham we' cang nyid bang: yo' hau: ziri anghoid da" khyo" akoid bang: ri ngoo mainkaid byid: wa. Akhyeing" da" moo" ci: we' akoid bang: ri ngoo mainkaid byid: wa» ga: zi nghoid.

MATHE 24:46

Yhoem: seing: doem ju" lo da" ayo, moo moo" loem loug zei: nyid lang" zi lo shau" myang da" deizoo: koem gi ngilho' nyid.

LUKA 12:37

Dei zoo: yi zung" nyid da" khyoo: ri Aseing: doem ju" lo da" uri gyeing: boin: lhed nyid zi lo myang nghoid ri houg: bang: khayhi' ngi lho: boem wa lha". Nanu" ri ngoo deung" deing tid zigi Aseing: gi hau: da" dei zoo: yi ri being" voo agyeing" khyo" zoobui" moo zhung: nhang: lho: Aseing: nyang: atho' byi: khyoid ci: lho: dei zhoo" dei jhug wa zi nghoid.

2PETRU 3:14

Hougsu" nghoid yoomo nga" byen, cang" yi we' nanu" hau: bidnyid ri lang" nyid da: ayo, moo Mangso shid moo nanu" da" nheigloem: yung" lho' lho: wigi yooboo adab boem baja"- nyang: moo ngei pyo: myenjham" nyid boem wa shid re" yoem: goin' sho' shakoid yoem: kaid nyid ge'.