LUKA 12:4 - Lacid Common Language Bible

⁴ Nga" bidnoem yi we"- nanu" ri ngoo tid zi gi gung shoo" ri said tho' moo gootu: Ci" we ayo" koid: mo ri agyug goo.

LUKA 12:4 Referans Kwoze

MATHE 10:28

Hau: lho: daja: gi gung shoo" ri za: te: yo" said' pyam' lho: nheigloem: Venyi: ri ayo" said' pyam' mo, ri agyug goo"- gung du: yo" Venyi: ri dalheing: dam- ngarai" mung" moo yo" shoin pyam' su: Mangsoo ri je gyoug nyid ge'.

YEREMIA 1:8

Nyangnu" ri agyug- ciwim gari ngoo gi nang ri goem loem byid: wa shid re" nang yo' dage" nyid wa. Ngoo Aseing tid too" bye:.

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.

PHILIPI 1:28

Nanu" gi hau da" gyi voo joem ri agyug nyid goo" khanham we' yoem: zeing so' zeing bo nyid ge'- hougsu" koid da" yhe, khyoo; gi nyangnu" soem" joem: lo" lho: nanu" gi oung: doid lo" da" alhoo: sagsi: bue" nyid wa khasu" wim ga: ri nanu" ri oung: doid lo" da" khyoo: byid: su: gi Mangsoo nyang: nghoid nyid.

1PETERU 3:14

Nghoid loug we' gyeing" nyang: nanu" gi deungmain" deing byeung da" moo" zei: yoomo shid: gyoin, noo gyoin yo' shen" yhen zi: shau" nyid rilang"- nanu" gi khayhi' ngi lho, boem bye lha". hang" ri we' agyug nyid goo"- myid' we' amyo: nyid goo".

YAKU 2:23

Houg: su" nghoid yoomo Abraham gi Mangsoo ri loem" jeung" khyoo: yoomo Mangsoo gi nyang ri deung byeung" su:- ga: soin: byid bye ga: da" jhoem: mungdang: gi deung loo bye. Houg: yoomo Abraham gi Mangso da" bidnoem zeing ga: myheing byid: zi we shau" bye.

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

EZEKIEL 2:6

«Nghoid loug we' shid: se' da" byu nang gi nyangnu" ri we' nyangnu" citid ziri we' agyug ca". Nyangnu" gi nang ri aphoug" akhyoid- cishu: anhang: koid boem wa. Hau: zigi gung goug" joem phung: gung moo nyid yhang: ti" nghoid wa. Xo' lho: hau: thougtheung byu yiri yo' nyangnu" tid zi ci: ri we' agyug.

ACTS 4:13

Yuda tarha" yab, do, moo nyid mo, gi-Petru yo' yohan eig youg da" voem" nheigloem: ri zheung: myang boem yoomo nya: eigyug gi phajhi" abo da" yu" maya" byu nghoid ziri se' boem yoomo mau" hang" to" boem ago". Hau: thang: ri nyangnu" gi Petru yo' yohan eig yug gi shid phyang" Yesu da" luzoem" cang" yi nghoid ziri se' boem.

YEREMIA 1:17

Yeremia we"- ri ri soin' we' nang ri ngoo tid wa shid re" amyeing" byid: to" zi ja: khang" moo" nyangnu" ri yhe: tid kyoo" we'. Akhid" nyangnu" ri agyug- anghoid lang" ngoo gi nang ri nyangnu" yo' dage" nghoid uri je gyoug nhang: wa.

ESAIA 41:8

Nghoid loug we' nga" dei zoo: Israela we"- nanu" gi ngo wigi khyen: yu to" da" byumyu" yi nghoid ago". nga" byencang" Abraham da" amyed ashen yi nghoid da:.

SHOLUMON JIKHOIN" 5:1

Nga" nheig tei" nga" myhiseig we"- nga" khyam: khyoo: ngoo vang yhi: bye:. Nga" da" Mura yo' nam pyo: ja: ngoo khyau" zheing" too" bye:. Ngoo gi nga" byoo: yhid: yo' byoo: yho' ri zo: nyid bye:. ngoo gi nga" zabyid yhid: yo' nunoug" ri shoug nyid bye: zi nghoid. Jheddab bang: we" zoo: ge'. Nanu" gi jhed myid yo' yed: sho' shug nyid ge'.

SHOLUMON JIKHOIN" 5:16

Nya: nhoid gi babug bug ri gye" coug: nyid da:. Nya: gung shoo" dangain" zigi ngoo ri ngei nhang: nyid. Yerusalem mo myiyi: myhi' yi we" he: zigi nga" jhed yo' du nyid o".

DANG: ZHOEM 29:25

Subi" gooje, wigi nang ri ciga: goo" wa la"» ga: myid ci: khyoo: gi gyoug ci' ca" nyid. Nghoid loug we' Aseing ri loem khau: nyid nghoid rikoem gi nang gau: nyu: nyid wa nghoid.

YOHAN 15:13

Nyang: nya: da" bidnoem pho shid' re" kangso' ab pyam sho' jheddab da" tho' moo je gyi: da" jheddab nheigloem: gi hang" moo we' aboo loo.