LUKA 12:23 - Lacid Common Language Bible

²³ Kangso' gi zoo: noem tho' moo je yhoug: gyen:- Gungdu: gi byi: mi tho' moo je yhoug: gyen.

LUKA 12:23 Referans Kwoze

YOBA 2:6

Houg: yoomo Aseing gi Satan ri «Nghoid bye:. Nyang: gi re" yoem: so' akhoug: moo nghoid da:. Nghoid loug we' nyang: ri nang age said pyam wa» ga: tid da:.

DANG: ZHOEM 13:8

Yoo" zoo: su: gi nya: ngei sheing: yo' nyang: ri yo" khyoid yu nghoid loug we asho" ajhen: da" byu yi koem gi hang" wigi we' kyug nhain' da" khyoo: ajo.

YOBA 2:4

Satan gi «Byu dayug gi kangso' yo' dei nyid wa shid re" ja: khang" moo" ri too" kho' boem wa.

YOBA 1:12

Aseing gi Satan ri «Nghoid bye:. Nyang: yo" da" zi ja: khang" moo" gi re" yoem: so' khoug: moo nghoid da:. Nghoid loug we' Yoba nyang: rigi nang dam ayo" tab nhang: wa» ga: tid da:. Houg: lho: Satan we' to' lo" byug da:.

APOEM AYANG: 19:17

Hau: thang: moug: lagyoo: dayug su: gi «Nanu" kangso' shid re" gei phang: ge'. Atau" lheing: yu" goo". Pa: dam khoug: moo atheing: goo". Nanu" ashid: wa shid re" boem khyoo: gei ge'» ga: tid kaid.

ACTS 27:38

Nyang: nu" yug khang" moo" bain zo: gyi: thang: ri gyid sangphoo' soem" loo" wa shid re" nyangnu" da" sung: soo: cen: thung: joem dangain" ziri panglai gyid thoem" moo de" khyo, pyam' boem ago".

LUKA 12:22

Hau: thang: ri Aseing Yesu gi nya: cangzoo: yi ri tid zigi Houg: su" yoomo nanu" gi Ce: noem se' zoo: wa lha". ein: kangso' shid' re" seing" akho" nyid goo. Ce: noem sevoid wa lha". ein: wigi gung du: shid' re" seing" akhoo" goo" ga: tid.

LUKA 12:24

Ka" no, joem ri myid yu" ge'. Nyangnu" gi amyoug: ri we' asain" too. Ayham" ashab yu. Nyangnu" moo zei: kaid to" yhoem: zeing ajo, Jhi: moo we' ashoung: too. Nghoidloug we' Mangsoo gi nyangnu" ri zho" jhoug nyid. Nanu" gi ngho' joem tho' moo myoo" sho' aphoug" je dab nyid anghoid goo" la".