LUKA 12:19 - Lacid Common Language Bible

¹⁹ Houg: lang" nang gi zain ved myoo" sho' zo: shug wa shid' re" ziyoo jonu" ri young: too" bye: yoomo nheigloem: pyoo" pyoo: danyid re'- zo: pyoo shug pyoo: nyid re- ein: ngoo nga" gung ri tid wa" ga: tid.

LUKA 12:19 Referans Kwoze

DANG: ZHOEM 27:1

Nab yo nyid" yo' sen: lho: khanham we' aphau: akhuang nyid akhid" hau: ayo, aju" gyoo: moo: cibui" wa zi nang asi, nghoid da:.

1Korinthians 15:32

Byu da" myeing" khyo" tid rigi- Ephesu voo moo" mo da" myeing khuid" zeig ni joem yo' ngoo zain: go" zigi: nga" shid re"- ce: akyu" bo la" shid: byug bye: bang: ri adoem tu: to' dei loo nhang: nghoid rigi- dang: khyang jo, ziyo' dakhyoo" ti"- nyangnu" zoo: pyo: shug pyo: nyid boem shang ci yoomo ga: ri- nab, yo nyid" ngoonu" shid: lo" boem wam: bye.

ESAIA 5:11

Nanu" gi joem: lo" abye: go". Nanu" gi yhid: shug wa shid re" nab soin: no’ mo to' wigi myen" thang: ju" sho' yhid: shug yid wigi akhyeing: ri thang nhang: da:.

PHAJHI" DANG: 11:9

Zoomyi: zooyam yi we"- nanu" da" zoomyi: zooyam akhyeing" ri pyoo: pyoo: nyid we'. Nanu" zooyam nghoid shi" uri ngei pyo: nyid ge'. Nanu" koid nau ziri koid lho: nanu" nheigloem: myid vho: khyo" cang ge'. Nghoid loug we' Mangsoo gi nanu" koid zi ci: nghoid loug we dang: phyed byid: loo wa ziri myid boin: we'.

YAKU 5:5

He: mougmyid moo nanu" da" byu nyid byuyab, khyoo: gi yoo" zoo: yoo" shug nyid pyoo: yab, pyo: lho: pyo: khyoo: aja: ja: yo' byeung" jo. Nanu" gi said pyam wa da" bidnyid shid re" nyang: nya: da" gung du: ri myhug to" boem abye: go.

PHILIPI 3:19

Houg: bang: gi ngarai mung" moo nyangnu" da" khyoo: lo" thang wa zi nghoid-khasu" wim gari houg: bang: da" Mangsoo gi nyangnu" da" voem: doug: ein: da" gung sho" vhoo: boo myo, no, da" khyoo: nghoid nyid nyangnu" gi asho' ashid: da" khyoo: ri myonhoo: sho: phau: khuang nyid boem ziyo' he: mougmyid mo da" zi yoo joem riza:- nheig tei" nyid boem ago".

DANG: ZHOEM 18:11

Yoo" mo, di mo, gi nyangnu" yo" da" jonu" joem yo' nyangnu" gi voomoo" ri lheung khoem, to" da" khyam: vang" yo' dakhyoo" ti" goem coung" byid: loo wa nghoid ga: tid ago".

COUNG" NGHEI 62:10

Athoug" akhyoug: khyoo ri nanu" anghe: khau: nyid goo- lhoid zoo: lhoid shoug khyo" yo" yu da" zi ce: ja: ri we' nheug myid abyu nyid goo". Nanu" yo" loo de loo nghoid loug we' hau: ziri nheug anhei: nyid goo".

Pang Shug 18:7

Nyang: gi nya: gung ri koid yu da" myonhoo: phung" yoeb, yo' gung shoo" pyo: khyoo: rishau" kham, zo: nyid ziyo' dakhyoo" ti"- nyang: ri koug shu: myid' myoo: ung: loug ziyo' sho" jhen: zi shau" nhang: ge'. Khasu" wim gari nyang: gi " Ngoo gi Khokham" myhi, nghoid- cougmoo" myhi, anghoid- ngoo gi khanham we' nheig koug nheig shu: khyoo:- shau" wa zi a nghoid, ga: wigi nya: gung ri nyang: tid yu nyid da.

1PETERU 4:3

Mangsoo vho: da" khyoo: moo cang loo" ge'. Lai loo bye: da" ayo, moo tungbau byumyu" yi lang" koid nau da" moo"- nanu" koid lo zigi soung myang" bye- tarha" ri anau, cang khyo" - youg: shoo: go" khyo" yhid: shug shoo" zo: khyo" pyo: da" khyoo: moo cang lho: zoo: pui" shug pui" koid ziyo' aco' ajhoid da' soolhoo: no" khyoo: ri bo vang zei: khyo" kangso' dei lid lo boem bye.

2 TIMOTHI 3:4

Khoug: zoug" myhang moid mo, khoug: vhoid' loo: zhu: zoo: noug mo, nheigloem: azoung" ziyo' nheigloem: myhang: yoomo phau: khuang nghoid boin: wigi nyangnu" gi Mangsoo ri jheddab wa gung khoo:- nyang: nya: da" pyo: khyoo: ri je" vhoo: bang: nghoid boem wa.

HOSEA 12:8

Nyangnu" gi ‹Ngoonu" gi yoo" zoo: yoo" shug da:. Ngoonu" moo zhafa: bo. Ngoonu" adeingmain" da" khyo" jonu" yo" ziri hang" wigi yooboo ayo" zhug› ga: tid ago".

ESAIA 22:13

Hau: gungthid nanu" gi gau yi ngei bu zi yo' pui" koid ago". Yang yo' nu: joem ri nanu" said zo: wigi zabyid yhid: shug ago". Nanu" gi «Ngoonu" gi zo: boem shang shug boem shang- nab kyoo' ngoonu" shid: ri shid: wa» ga: tid ago".

ESAIA 5:8

Nanu" gi joem abye: go". Nanu" yo" too" gu moo lung: wa shid re" yhoem: joem yo' yoothung" joem ri nanu" qei ago". Amyang" ri houg moo gooji hang" we' nyid wa joyoo ajo, wa. Hau: mung" moo nanu" za: nyid lo boem goo" wa.

DANG: ZHOEM 23:5

Re" da: ngei sheing: gi dung dab, lo wigi dang: phang: lo" da" zoin, bung: yo' dakhyoo" ti" myo, damyeug moo: za: thang byug se' nyid.

YOBA 14:1

Ngoonu" dangain" gi yoem: neing: ziyo' khu: re" lho: nghe: khoug: jang: ayoo". Nyangnu" gi kangso' leung" lho: yau: khi" shau" da:.

1 TIMOTHI 6:17

He: mougmyid' moo kangso' dei nyid shi" baja"- ageing: ateung da" sudgain' yo' nyid gi nyid de da" khyoo: moo nanu" da" nheig nhei: joyoo akoid loo: za: ngoonu" goug goug yi yi yo" kham: yu wa shid re" ziyoo soidgain' dangain" ri yo" byid: da" Mangsoo moo nheig nhei: jang: geung: teung jo, wa shid re" amyeing" byid: nyid we'.

1 TIMOTHI 5:6

Nghoid loug we' akyang" byo, yoin" lho: mougmyid' mo pyo: khyoo: riza: sho: nyid da" cougmoo" myhi, gi nyang: dei nyid shi" re lang" shid: mang danghoid nyid.

LUKA 21:34

Nanu" gi zo: pyoo: shug pyoo: yed coid ziyo' nyid' lho: he: pyaid shid' re" za: myid myo nyid wigi-ge da" ayo, ri aze" thang wa shid' re" lhid zed" nyid ge'.

LUKA 16:19

Goonham, dalheing: ri nyang: gi nyid" khang" moo" phoug" dab thang da" mi, byi: ri void ci: lho: nyid di nyid ge nyid.

HABAKU 1:16

Nyangnu" ci: da" goin joem gi nyangnu" ri ja: khang" moo" mo ge thang ziri yo" yu nhang: yoomo nyangnu" gi nyangnu" da" goin joem rilang" goeb no' lho: xoin" ngei" byid: boem ago".

COUNG" NGHEI 49:18

Byu dayug gi he: da" apyaid moo nheugdeug boin: lho: nyang: oung: lo" khyoo: moo coung" byid: zi shau" ri" lang"-

1 SAMUELA 30:16

Houg: lang" nyang: gi David ri houg bang: jhang shu" yhi: bye:. Lhu: phyo' yen" bang: gi Philisti yo' Yuda mung" mo jonu" gye" myoo: sho' shoug" yu loo yoomo abyoo asain" zoo: gi shug gi pui" koid nyid boem.

DANG: ZHOEM 10:2

Adeing: amain" khyo" yo" sho: yu da" jonu" gi nang ri ce" akyu" we' ayo" byid. Nghoid loug we' nheigloem: dain: khyoo: gi nang ri shid: wa jang" mo yo" khyoid yu.

PHAJHI" DANG: 2:24

Byu dayug shid re" ge thang zigi nyang: nya: vhoo" kung: phoug" shau" yu to" ziri zo: lho: shug lho: ngei pyoo: tung" nyid zi nghoid da:. Nghoid loug we' hau: ziri lang" Mangsoo mo nghoid ziri ngoo myid boin: da:.

ESAIA 56:12

Hau: yhid: ya: yigi zabyid yhid: dajhi shoug" shug lang" ‹Ngoonu" gyi: sho' shug shang. Nab yo nyid" gi akhid" tho' lang" je gi wa› ga: tid ago".

AMO 6:13

Nanu" gi Lodeba voogung ri yo" lhoid yu bye: ga: tid ago". Nanu" tid zigi «Karnaim voomoo" ri yo" lhoid yu wa yhi' yoem: bo» ga: tid phau: nyid ago".

LUKA 12:18

Hau: thang: ri nyang: gi ngoo hid: su" koid: wa jhi: xoug ri phyo pyam lho: jhi: seig je gyi: zi ngoo koid: wa. Nga" da" gug- shivoo: joem yo' ziyoo joem ri hau: jhi: seig moo shoung: too" wa.

DANG: ZHOEM 14:24

Phajhi" bo da" byu yigi jonu" yo' coung" nghei ngi: shab ziri shoug" kham: yu nyid. Nghoid loug we' ko" fang: da" byu yigi nyangnu" da" ko" fang: da" khyoo: moo: myonhoo: sho: nyid ago".