LUKA 12:14 - Lacid Common Language Bible

¹⁴ Yesu gi Byu nang we"- Re" shid' re" hang" su: wigi ngoori tarha" agyi khyo" we' moid gam byid: wa su: khyo" we' nyheing to" lha"» ga: doem myid.

LUKA 12:14 Referans Kwoze

Roma 2:3

Nghoidloug we bidnoem phoo nang gi - subi" ri tarha" dang phyed' byid: ja" yooboo ri - nang nyang: doem shoid' nyid nhung: lha". Nang gi Mangsoo: yooboo dang: phyed' jang" mo loid wa ein: shau" myid nyid la".

Roma 9:20

Bid noem phoo we" nang gi khate" su: nghoid lho: wigi Mangsoo: ri hidsu" yo" myid: lha". Phain" too" su: wigi phain" to" Aseing ri - Aseing nang ci koid' ngoonu' ri phain" to" ein: yo" myid: wa lha".

Roma 2:1

Haugsu" nghoid yoomo - byu gooji ri tarha" dang: phyed' su we' re" yooboo khyoid' byid wa khyoo: thang bye. Khasu" wim ga ri - nanyang: subi" ri - dang: phyed' nyid uri - nang nyang: hau: da: tarha" ri shoid' nyid. Nga" bidnoem nang tarha" dang: phyed' nyid uri nyang: nanya: gung ri nang dang: phyed' nyid zi nghoid bye.

THU' LO" MOUGSOUG" 2:14

Hau: yug gi «Nang ri hang" wigi nga" eig yug da" vhoebkhang" su: yo' tarha" agyi koid nhang: to" la". Nang gi Egutu byu ri said ziyo' dayhang: ti" ngoo ri we' said pyam wa rhe"» ga: tid da:. Hau: thang: Moshe gi gyoug wigi «Ngoo koid da" khyoo: ri byu joem si' bye: goo" nhung» ga: nyang: nyang: za: tid da:.

YOHAN 8:11

Houg: lang" hau: da" myiyi: gi Aseing: we" dayug we' azheung: nyid khari" loo:- ga: phougtu. ‹‹Yesu gi Ngoo we' nang ri yooboo dam abyid: loo" we' yooboo adoem koid loo: lhe" ga: tid kaid.»

YOHAN 6:15

Yesu gi houg: bang: jure" wigi Nyang: ri myheig yu lho: agyoo: ayoid- khokham" tu: to' boem wa zi si' yoomo nyang: kyeing" boug: tho' khyoo: gau' yhe: lo" byug.

LUKA 5:20

Yesu gi houg: bang: da" loem" jeing" khyoo: ri myang lang" gung joem: shid: su: ri byu nang we"- re" yooboo ri khyoid pyam byid: bye. ga: tid.

MIKHA 6:8

Anghoid- Aseing gi ngoonu" ri ge da" khyoo: ri toin" shed too" bye:. Nyang: ngoonu" mo vho: nyid zigi tarha" dain: khyo" zei: so' khyoo:- geung: teing jheddab khyoo: ri toin" shed wa ziyo' nheigloem: khyo' nyhoem: khyoo: Mangsoo yo' zoem" khau: wa khyoo: nghoid.

LUKA 22:58

Hau: thang: daso' myang" lho: ri Byu dayug we' Peteru ri myang wigi nang we' houg: bang: phung: moo boo su: dayugnghoid ga: tid. Nghoidloug we' Peteru gi Byu phoo nang we"- hau: byu phung: moo ngoo aboo ga: doem ngeig pyam.

LUKA 12:13

Byu phung: moo" mo da" byu dayug gi Sara: moo" we"- ngoori mid gam byid: wa shid' re" nga" mang: ri tid byid: we' ga: Yesu ri tid.