LUKA 10:42 - Lacid Common Language Bible

⁴² Nghoid loug we' nang moo daja: ca" shi"- Mari gi jo da" ziri khyen: yu abye:. Hau: ziri nya: jang" mo hang" we' ayo" lhoid yu loo:- ga: tid.

LUKA 10:42 Referans Kwoze

COUNG" NGHEI 27:4

Ngoo gi Aseing ri daja: mho' bye:- ngoo vho: zigi daja: kyeing" za: nghoid. Aseing da" yhoem: moo: dapyaid goin" shoug" nyid lho: nya: da" ge khyoo: ri hougmoo: myid fang wigi nyang: khyoo: shed yu wa ziri: mho' nyid.

YOHAN 4:14

Nghoidloug we' ngoo byid: wa da" gyid shug mo, hang" we' khanham we' gyid doem shed loo: wa zi anghoid. Hau: ngoo byid: da" gyid shug su: gi nya: da" akhoug: moo gyid bug dalang bue" loo wa. Hau: zigi nya: da" shid' re" Kangso' gyid bue" wigi nyang: ri apyaid ato: kangso' byid: wa zi nghoid.

YOHAN 5:24

Deing" deing nanu" ri ngoo tid ba"- Nga" da" dang: ri shau" gyo: lho: ngoori nhang: kaid su: ri loem" jeing" su: gi Apyaid' ato: kangso' yo. Nyang: gi tarha" dang: phyed' zi athoung" shau" loo za: shid: jo, jang" mo- Kangso' dei nyid da" shoid khyoo: yo" rue' led loo" su: nghoid bye.

COUNG" NGHEI 73:25

Mougkhung: moug: di moo nang mo lid lho: ngoo gootu: ciyo" lha". Ngoo gi nang ri bain yo" too" bye:- mougmyid tho' moo: ngoo civhoo: shi wa lha".

LUKA 18:22

Hau: da" dang: ri shaug" gyoo: lang" Yesu gi nang zei: ca" da" moo" daja: boo shi. Re" da" ziyoo jo, nu" bain sho' oung" pyam lho: sho" jhen: mo ri gam byid: pyam we'. Hau: thang: ri doem re" lho: nga" thang: moo cang we'. Houg: lang" nang mougkhung: moo soidgain yoo" wa ga: nyang: ri tid.

YOHAN 17:3

Apyaid ato: kangso' ga: zigi dayug kyeing" da" Mangsoo ri we' nang nhang: kaid da" Yesu Khristu ri we' se' da" khyoo nghoid.

COUNG" NGHEI 17:15

Nghoid loug we' ngoo koem gi ce" yooboo we' ashoid yoomo nang ri shau" myang wa zi nghoid. Ngoo yhoeb so" re" uri nang nyid lang" wigi ngoo ri: gau yi khyoo: yo' byeung" loo nhang: wa zi nghoid.

MARKU 8:36

Hau: lho: byu yi gi mougmyid goin" ziri yo" seung: ci: nghoid loug we' nyang: nya: kang: so' soem" lo" byug nghoid ri gi ce: akyu" boo wa lha".

COUNG" NGHEI 142:5

Aseing we"- pang" thoug wa shid re" ngoo nang ri mho' yoid ngau, nyid Aseing nang gi nga" goem loem su: yo' nang kyeing" za: he: pyaid goin" moo ngoo vho: yhouggyen: nyid su: nghoid.

TARHA" TID POIN" 30:19

Akhid" ngoo nanu" ri kangso' dei ziyo' shid: zi Mangso da" mainkaid jeju" yo' Mangso da" nheing" khoin" moo khyen: yu wa byid: too" bye:. Houg: lho: nanu" khyen: yu ziri sagse: bue" wa shid re" mougkhung: yo' myidjang ri ngoo yoid bye:. Kangso' ri khyen: yu ge'.

COUNG" NGHEI 119:30

Tam" gyo: lho: cang yhi: su: bui" wa shid re" ngoo khyen: yu ci: bye:. Re" tarha" dang: phyed da" khyoo: ri ngoo tam" gyo: nyid bye:.

LUKA 8:18

Nghoid loug we' houg: yoomo Nanu" ceja: khasu" shau" gyo: ci: zigi zed" nyid ge'.Khasu" wim gari Yoo" su: ri poug lung: byid: wa. Ayoo" su: jang" mo gi nyang: yo" ga: myid ci: zi dangain" ri lang" nya jhang my yu pyam byid: wa" ga: tid.

LUKA 12:20

Nghoidloug we' Mangsoo gi Byu fang: phoo nang we"- akho: myen nyang: re" kangso' gi thang loo" wa. Houg: yoomo nang young: to" da" ziyoo jonu" joem gi hang" lo, moo vang loo" wa lha"» ga: tid.

COUNG" NGHEI 119:111

Re" da" Dang: theing khoin" joem gi pyaid didu mo nga" da" ziyoo jonu" joem nghoid nyid hau: zigi nga" nheigloem: ung: khoug: gau, yi ngei pyoo: jo yoo nghoid nyid.

1Korinthians 13:3

Ngoo yo" da" nga" ziyoo soid gain' dangain" ri- ngoo cang gam byid: pyam lho: wigi-Ngoo nya: gung doem: ri: we' myi: moo: yo" nghe, pyamsho' da" xoin" yo" to' pyam ri nghoid loug we'-jheddab nheigloem: abo rigi: nga" shid re" ce" akyu" we' aboo.

LUKA 12:33

Nanu" gi nyang: nya: da" ziyoo jonu" oung" pyam lho: sho" jhen: mo, ri gam byid: ge' apyang: ayoin" se' da" ngei thung: ri daci: ge'. khoug" su: aju"- nhau: ayo" zo: da" mougkhung: tho' moo nanu" ziyoo jonu" ri dayoung: too" ge'.

PHAJHI" DANG: 12:13

He: gu dangain" thang: ri tid wa zi daja: kyeing" dajo, lo. Mangsoo ri gyoug phoug" lho: nya: da" amyeing" dang: joem ri tam" gyo: cang yhe: nyid we'. Ciwim gari hau: shid re" nyang: byu ri phain to" zi nghoid.

LUKA 16:25

Nghoidsho' loug- Abraham gi nga" zoo: we"- nang dei nyid shi" uri nyid di nyid ge shau" void shau" zo: da" khyoo: ri we' Lazaru gi sho" jhen: jamjau kham: kho" da" khyoo: ri we' myid boin: re. Akhid" koem nyang: gi myenjham" ngei pyoo: khyoo: shau" kham: zo: wigi nang koem gi kyi" khyeug shau" nyid bye.

YOSHU 24:22

Yoshu nyangnu" ri«Aseing ri dei byid: wa shid re" nanu" nyang: kham: yu boem bye: zigi nanu" nyang: sagse: nghoid ago"» ga: tid da:. Nyangnu" gi «Nghoid- ngoonu" gi sagse: nghoid» ga: phoug tid ago".

YOSHU 24:15

Nanu" nyang: ri anau dei byid: goo" nghoid rigi hang" ri dei byid: wa khyoo: ri akhid" nyid" myid phyed ge'. Mesopotamia mung" mo nanu" phoug" phyid" yi no' lo da" yu phara" joem anghoid lang" nanu" akhid" nyid nyid da" Amori byu yi yu phara" joem ri dei byid: goo" wa la". Ngoo yo' nga" yhoem: byu yi koem' gi Aseing ri dei byid: wa.» ga: tid da:.

COUNG" NGHEI 119:173

Re" da" amyeing" dang: khoin" joem moo- ngoo cang nyid yoomo ngoo ri pang thoug yu wa shid re" khanham we' jen' jen" koid nyid we'.

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

LUKA 16:2

Sathi" phoo gi moo" pyeing" su: ri khe: yu lho: tid da" zigi re" da" khyoo: ngoo shaug" gyoo: bye. Khasu" koid: nyid? re" da" lo, mo nga" ziyoo jonu" zhayen" dangain" ngoori byid: we'. Khasu" wim gari nang gi nga" moo" ci: moo we' pyeing" wa zi amoin: yi" loo.

LUKA 10:39

Matha moo nya: no, Mari ga: da" myiyi: zoo: dayug bo. Nyang: gi Aseing: da" khyid: yang: moo nyang: jhoug" byid: khyoo: ri tam" gyo: zhoung: jo.

LUKA 11:1

Danyid" ri Yesu gi joyoo daloem: moo akyu" mho' nyid. Akyu" bain mho' thang: ri cangzoo: dayug gi Aseing: we' Yohan gi nya: cangzoo: yi ri akyu" mho' jhoug" byid: yhangti"- ngoonu" ri we' jhoug" byid: we' ga: mho'.

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

YOHAN 11:1

Bethani voo byu Lazaru ga: su: gi no nyid. Bethani voo gi Mari yo' nya: bi: Martha nyid da" voogung nghoid.

YOHAN 11:19

Yuda byumyu" myoo" sho' mo nyang:- Mari yo" Martha tang: da" nhung" zoo: shid: loo" yoomo nya: eig yug ri nheig teing: wa ga: jure" boem.

YOHAN 12:3

Hau: uri Mari gi gye phoug" dab, da" shoem: nam pyo: da" Nardu xu:- agyeing" da parheing" yu lho: Yesu da" khyid: moo joid byid: wigi nya: xam: yo' doem soid' byid. He: nam pyo: da" xu: ngei" gi dayhoem: goin" moo nam pyo: lo.