LUKA 1:9 - Lacid Common Language Bible

⁹ Khainjung da" thung" yo' dakhyoo" ti"- Me" eung: loo yoomo No ku da" yhoem: moo" khoug: moo gyeungshang: da" yab moo vang lo" lho: nam pyo: da" shoem: lo" nghe, nham xoin" to" nyid.

LUKA 1:9 Referans Kwoze

2 KHOKHAM MHOOMYID: 29:11

Nga" zoo yi we"- ayo, aze" thang nyid goo". Nanu" gi nyang: ri shoem: nam pyo: ja: xu: nghe' ngei" byid: wa shid re" yo' byumyu" yi nyang: ri noku coung" byid: ziri vhu" she: wa shid re" Aseing wigi khyen: sain' too" shoug" bye: bang: nghoid ago"» ga: tid da:.

1 KHOKHAM MHOOMYID: 23:13

Nya: da" zooshid" yuggi zoo: Amram gi Arun yo' Moshe tang: nya: phoo nghoid da:. (Arun yo' nya: amyed ashen yigi gyeung" shang: jonu" joem ri apyaid atoo: moo zoem: ci: wa. Aseing ri noku jang" moo shoem: nam pyo: ja: nghe' ngei" wa. Nyang: ri dei byid: wa nya: myeing mo byumyu" yiri mainkaid byid: wa shid re" gootu: khyen: sain' to" zi shau" da:.

1 SAMUELA 2:28

Xoin" to' jang: mo moo" zoo" koid wa shid re" we' nam pyo: ja" xoin" ngei" wa shid re" we' xoin" ngei" byizuang ri void ci: wigi ngoo yo' tid sham: goo" wa shid re" we' Israela byumyu" dangain" jang" mo nga" da" khainjung yi bui" wa shid re" nya: ikoin deungkhu: ri ngoo khyen: yu bye:. Hau: lho: xoin" to' jang: mo xoin" ngei" jang" moo gamboem ri bo kham: zoo: wa shid re" ngoo nyangnu" ri akhang" byid: too" bye: zi nghoid.

GYUNG: SOO" 16:40

He: zigi Arun da" amyed ashen yi anghoid da" yug hang" nghoid loug we' Aseing shid re" nam pyo: ja nghe' ngei" wa phoin: khyoo: ari" wa ziri Israela byumyu" yiri tid poin" zi nghoid da:. Hougsu" anghoid lang" nyang: gi Kora yo' nya: byu yiri yo' dakhyoo" ti" said pyam loo wa. He: zi dangain" gi Aseing wigi Moshe khyo" Eleaza ri amyeing" byid: ziyo' dakhyoo" ti" koid zi nghoid.

HEBRE 9:6

He: da" noku coung" nghei byid: da" thung" ri yo' dakhyoo" ti"- azi akhoo: ri bain' jhoeb, to" thang: ri khainjung agyi yi gi nyangnu" da" noku shu" vhu" she: da" moo" ri voin, vu, wa shid re" zoem" khoug: mo xang: shed" ju" vang lo" da" yab, moo nyid" khang" moo" vang lo" nyid boem.

2 KHOKHAM MHOOMYID: 26:16

Nghoid loug we' khokham Uzia gi yoem: bo ri" lang" nyang: gi nheigloem: gyi: lo wigi hau: zigi nyang: ri gyoeb gyo" loo" nhang: da:. Nyang: gi nya: da" Aseing Mangsoo ri shoem: nam pyo: ja: xu: ri nghe' ngei" wa Noku Yhoem: Moo" khyoo: yhe: khyo" wigi ayung" alho' koid pyam da:.

1 KHOKHAM MHOOMYID: 6:49

Arun yo' nya: amyed ashen yigi shoem: nam pyo: ja: xoin" yo' ngei" byid: xoin" joem ri phoin: tho' moo: nghe' ngei" byid: ago". Nyangnu" gi gyeung" shang: thang da" joyoo moo: dei byid: da" moo" dangain" yo' Israela byumyu" yi shid re" Mangso wigi yooboo khyoid byid: wa shid re" xoin" ngei" byid: da" moo" dangain" ri yoovoin yu bang: nghoid ago". Nyangnu" gi he: gu: dangain" ri Mangso dei zoo: Moshe wigi jhau" shed to" ziri cang wigi koid ago".

MATHE 27:5

Houg: lang" Yuda gi ngei Soem" xi: kyab ri noku yhoem: moo" khoug: moo she: lhei" too" khare" lho: goo" khyi moo yhe: cu: shid pyam bye.