LUKA 1:69 - Lacid Common Language Bible

⁶⁹ Shid' phyang" re- gyeungshang: gyeungshang: da" lapi: yi mo wigi tid to" ziyo' dakhyoo" ti"-

LUKA 1:69 Referans Kwoze

COUNG" NGHEI 18:2

Aseing gi nga" goem coung: lhoug zung" su- nyang: gi ngoo loem ge" geung: da" gyidab, nghoid. Nga" da" Mangsoo gi ngoo ri lhoug zung" goem coung: khyoo: yoomo nyang: moo: ngoo myen tab, gau: nyu: nyid. Nyang: gi goo, yhang: ti" ngoo ri gooloo goem byid: nyid. Nyang: gi nga" gyivoo joem ri ve, pyam byid: lho: ngoo ri goug: nyu: tung" nyid nhang: to".

EZEKIEL 29:21

Hau: zi bue" lo da" uri ngoo gi Israela byumyu" yiri yoem: boo nhang: lho: ngoo Aseing nghoid ziri nyangnu" si' wa joyoo moo nang Ezekela ri tid thu kaid nhang: wa.

2 SAMUELA 22:3

Nga" Mangsoo gi ngoo khoug: nghi: jang: nghoid. Nyang: yo' dage" ngoo goem loem nyid. Nyang: gi ngoo ri goo yhang: ti" goo byid: Nyang: gi ngoo ri lhoug zung" ziyo' goem loem nyid nhang: da:. Nyang: gi ngoo ri khyoid yu su: nghoid. Nyang: gi ngoo ri pyi: joem: sho: khaid said jang" mo lhoug zung" ziyo' goem loem byid: su: nghoid.

1 SAMUELA 2:10

Aseing da" gyivoo yigi lhu: phyo' pyam zi thung" shoug" goo" wa zi nghoid. Nyangnu" ri thougtheung wa shid re" nyang: gi mougkhung: mo moug: goem: ri goem: nhang: wa zi nghoid. Aseing gi mougmyid gyab goin" ri tarha" dang: phyed byid: wa zi nghoid. Nya: khokham ri yoem: so' byid: wa zi nghoid. Nyang: khyen: to" da" khokham ri oung: doid loo" nhang: wa zi nghoid.

COUNG" NGHEI 89:17

Nang gi nyangnu" shid re" gyi: thang oung: doid lo" khyoo: zeing ri byid: nyid da:. Re" da" jheddab nheigloem: khyo" ngoonu" ri oung: doid loo" nhang: nyid.

1 SAMUELA 2:1

Hana akyu" mho' khyoo: gi «Aseing gi nga" nheigloem: moo gau yi ziyo' pyeing byid: bye:. Nyang: bain koid bye: moo" zoo" yoomo khayhi' pyo: lha". Nga" gyivoo joem shidkhoin" moo ngoo yo" yi bye:. Mangsoo ngoo ri pang" thoug yoomo ngoo khayhi' pyo: lha".

MARKU 11:10

Ju" loo wa ngoonu" nya: phoo David da" Mungdain: gi Mangso main" kadi' byid:- ga: Mangsoo ri coung boem.

Pang Shug 22:16

" Ngoo Yesu gi Phung byu yi da" akhoug: moo hid: yhang: te" khyoo: joem ri tid fu" kyoo" wa shid re" nga" moug: lagyoo: ri nhang: kaid. Ngoo gi davi da" akung: mo yhoem: byu nghoid lho: wigi nab, kyo' boo" myhu: we' ngoo nghoid nyid.

AMO 9:11

Aseing tid zigi byo, yoin" loo" bye: da" yhoem: yo' du da" David mungdain: ri ngoo doem tu: to' kaid wa da" bidnyid gi ju" loo bye:. Hau: voogung vang khyam: joem ri ngoo doem nyheung pho: lho: doem tu: to" wa. Ngoo gi hau: ziri doem zhug to" lho: goonham' yo' dakhyoo" ti" koid wa nghoid.

MATHE 1:1

He: da" khyoo: gi Abraham da" nya: zoo: yo' David da" nya: zoo: Yesu Khristu da" byuxeig shab Jhoem: mungdang: nghoid.

COUNG" NGHEI 89:3

nang tid to" zigi" ngoo khyen: too" su: yo' ngoo dang: theing too" bye: nga" dei zoo- David ri dang: theing byid: too" bye: ziyo' dakhyoo" ti

1 KHOKHAM 11:13

Ngoo gi nya: lo, mo mungdain: dangain" ri yu pyam zi anghoid. Hau gungthid nga" dei zoo: David yoomo we' nga" shid re" ein: koid to" da" Yerusalem yoomo we' nyang: ri byumyu" dakung: khyo" to" too" wa nghoid» ga: tid.

2 SAMUELA 7:26

Re" myeing khyang" gyi: sheung: lo wigi ayo, khang" moo" moo byumyu" yigi «Myhang: thang Aseing gi Israela byumyu" yi atho' moo nyid da" Mangsoo nghoid da» Nang gi nga" zhungtang ri apyaid atoo: lhoug zung" goin coung: nyid zi nghoid.

YEREMIA 30:9

Hau: gungthid- nyangnu" gi nyangnu" Mangsoo- ngoo Aseing ri we' ngoo wigi khokham khyo" nyang: ri zhungtang moo zhung: nhang: da" David da" amyed ashen dayug ri dei byid: loo goo" wa.