LUKA 1:58 - Lacid Common Language Bible

⁵⁸ Hid: su" nyang: ri Mangsoo gi gye" mau" pho" jeju" koid: byid: da" khyoo: ri shaug" gyoo: lang" yhoem: kyoo" cang" yo,- bidnoem seing" cang" yi zheung: shaug" gyoo: lang" nyangnu" gi nyang: yo' dage" gau yi ngei pyo: nyid boem.

LUKA 1:58 Referans Kwoze

Roma 12:15

Gau yi mo yo" dage" gau yi nyid ge'. Ngau nyid mo yo" dage" bo ngau nyid ge'.

LUKA 1:25

Elisabed gi akhid" ngoori Mangsoo gi jeju" byid: bye. Ngoori subi" juang" yi doin: khyo, da" khyoo: ri Aseing: wigi byug loo" nhang: bye: ga: tid nyid.

LUKA 1:14

Nang gi gye" gau yi ngei pyoo: wa Hau: zooshang: khu: loo yoomo Byu myoo" sho' mo, we gau yi ngei pyoo: goo" wa nghoid.

1Korinthians 12:26

Houg: yhang" te" da" akung: ako'" daloem: gi noo, phyoo" jam, jau gye" shau" nyid uri- akung: ako'' gootu: we' houg: yo' dage" bo no nyid bye. Akung: ako' daloem: ri coung nghei, byid: zi shau" nghoid rigi- gootu: akung: ako'' joem dangain" we'- hau: da" gau yi ngei bu: khyoo: ri bo, shau" kham: yu nyid boem.

COUNG" NGHEI 113:9

Nyang: gi boug dung: myhi' da" yhoem: ri phoug" tab ngi: shab byid: lho: Nyang: gi hau" myiyi ri: zooshang: khu: loo wa akhang" byid: khyo" wigi gau yi nhang: nyid. Aseing ri coung" byid: we'.

APOEM AYANG: 21:6

Sara gi «Mangsoo gi ngoo ri gau yi nhang: bye:. He: khyoo: ri shoug" gyoo: mo, dangain" we' ngoo yo' dakhyoo" ti" gau yi boem wa bye:» ga: tid.

APOEM AYANG: 19:19

Nang gi nga" kang: byoin sho' ngoo ri ge khyo" koid abye:. Nghoid loug boem gi gye ve: ashi"- shid: gyoin gi ngoo ri zang" lho: ngoo gi hau: joyoo khyoo: aju" shi" ri shid: khari" wa bye:.

LUKA 1:57

Elisabed gi bidnyid lhoo khyab byeung" lo da" uri yuggi zoo: ri khu: loo bye.

LUKA 14:12

Hau: thang: ri Yesu gi Yhoem: seing: ri Nang gi nab xi" nghoid loug myen" xoin: nghoid loug doo" zhoo" wa ein: soin da" uri re" byen cang" yi bidnoem yi mang: nhung" yi nya: byumyu" zoo mo, yug phoo- yoo" zo: yoo" shug da" yhoem: kyoo" cang" yi ri akhi:- khi: nghoid loug nyangnu" we' doem khe: lho: jeju" doem yo" toug" goo" wa zi nghoid.

DANG: ZHOEM 23:25

Re" da" myhi' pho tang: ri nang yoomo myonhoo: ngi: boo nhang: nyid we'. Re" myhi' ri gau, yi nhang: nyid we'.