LUKA 1:33 - Lacid Common Language Bible

³³ Nyang: gi Yaku da" Byumyu" ri byeing abyid: loo" vhoeb khang" wa. Nyang: zhoung: da" khokham" khoo" mo kha: nham we' gyoo" loo: wa zi anghoid ga: Mari ri tid.

LUKA 1:33 Referans Kwoze

DANIELA 2:44

Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.

HEBRE 1:8

Hau: lho: nya: zo: khyoo: doem tid uri gi Mangsoo gi " Phoo, Mangsoo we"- re" da" mungdain apyaid atoo: dajo, jo wa Nang gi re" da" byumyu" yi ri tarha: nyeung vheung" khyo" vhoeb, khang" nyid wa zi nghoid.

DANIELA 7:27

Mougmyid tho' moo mungdain: dangain" da" yoem: so' yo' gyi: sheung: ziri gyi: sheung: myhang: thang Mangso da" byumyu" yiri byid: pyam wa. Nyangnu" da" khokham yoem: so' gi khanham we' thang byug wa anghoid. Houg: lho: mougmyid tho' mo vhoebkhang" bang: dangain" gi nyangnu" ri coem' dei byid: ziyo' tid dang: gyo: loo: goo" wa.

2 SAMUELA 7:16

Re" akung: ako' joem khanham we' dajo, nyid wa. Re" mungdain: ri apyaid atoo: geing teing nyid nhang: wa. Re" da" myhang: thang zhungtang gi khanham we' thang loo" wa zi anghoid» ga: tid.

Pang Shug 11:15

Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.

MATHE 28:18

Aseing Yesu gi cangzoo: yi jang" moo tain re" lho: mougkhung: tho' yo' myidjang: dang moo jo, da" amyeing" a: na: dangain" gi ngoori byid: too" bye.

COUNG" NGHEI 45:6

Mangsoo nang ri byid: bye: da" mungdain: gi apyaid atoo: moo: dageung: teung jo, wa zi nghoid. Nang gi re" da" byumyu" yiri nyeung veung" da" tarha" yo' vhoebkhang" nyid wa zi nghoid wigi

MIKHA 4:7

Nyangnu" gi khyid: yoin" wigi yhoem: moug: mo ve: gang: nyid boem nghoid loug we' nyid deing bang: mo ngo wigi aseig doem nyheing lho: nyangnu" gi gyi: sheung: da" byumyu" doem bue" loo goo" wa. Hau: ayo, mo thang: phyang" apyaid atoo: moo ju" sho' ngoo gi nyangnu" ri Ziun boem tho' moo vhoeb nyid loo wa» ga: tid.

DANIELA 7:18

Houg: lho: gyi: sheing: myhang: thang Mangso da" byu yigi khokham yoem: so' ri shoug" yu wa wigi hau: ziri apyaid atoo: moo zoem: ci: loo goo" wa» ga: tid da:.

GALATI 3:29

Akhid" nanu" gi Khristu yo' sen: mo, nghoid nyid boem rigi Abraham da" amyed ashen yi nghoid nyid boem ziyo' hau: dang: soo" bo ziyo' dakhyoo" Mangso jang" mo agyid asoo: yo" kham: yu wa mo, nghoid nyid boem bye.

Roma 9:6

Mangso: da" dang: theing khoin" gi - abui" loo wa ein: ngoo atid' noug. Khasu" wim ga: ri Israela byumyu" dangain" gi Mangsoo: khyen: yu to" da" byu yi anghoid.

GALATI 6:16

He: da" avoid asam" akhyoo" again da" tarha" ri nyang: nya: da" kangso' dei khyoo: dangain" jang" moo cang yhe: loo" bang: da" atho' moo we' Mangsoo byumyu" yi da" atho' moo we' ngei bu ziyo' nheig khyeig sho" myen: da" khyoo: gi dajo, jo, baja" o".

PHILIPI 3:3

Athang: yham" da" khyoo: agyeing" ri kham: yu mo, gi nyang: nu" anghoid- nyhang: nu" she' danghoid nyid boem- khasu" wim gari nyhang" gi Mangsoo ri nya: venyi yo' noku coung" nghei wigi Khristu Yesu moo dayug za: yo" bue" da" kangso' dei khyoo: moo gau yi phau: khuang mo, nghoid boem- ngoonu" gi noku thung" mo nghe: shoid' khyo" alhoo: aved, ri aloem" jeing".

MATHE 1:1

He: da" khyoo: gi Abraham da" nya: zoo: yo' David da" nya: zoo: Yesu Khristu da" byuxeig shab Jhoem: mungdang: nghoid.

OBEDIA 1:21

Yerusalem mo meing: zain: oung: loo" mo, gi Edom ri zain: oung: lho: vhoebkhang" nyid boem wa zi nghoid. Hau: lho: Aseing nyang: gi khokham bue" loo wa zi nghoid.

2 SAMUELA 7:13

Nyang: koem' gi nga" shid re" Noku Yhoem: Moo" koid wa yug nghoid wa. Nya: da" myhang: thang zhungtang ri gyeing" nyang: apyaid atoo: ngoo geing: teing nhang: too" wa zi nghoid.

COUNG" NGHEI 89:4

Re" da" amyed ashen" mo khanham we' khokham bui" nhang: wa nghoid. Re" da" khokham byumyu" ri pyaid moo: too: moo dageung: teung jo, nhang: wa, ga: wigi tid bye:.

ESAIA 9:7

Nya: da" khokham yoem: so' gi xo' wigi gyi: sheung: loo wa. Nya: mungdain: gi khanham we ngei pyo: yug yo jo, wa. Nyang: gi akhid: nyid" mo zi ayo, thang sho' jo ziyo tarha" nyeung veung" da" adang moo nya: yoem: so' ri ayang: to" lho: khokham David khoo: moo khokham xo' koid yug khyo" vhoeb loo wa. Myhang: thang Aseing gi he: gu dangain" ri koid wa myid phyed too" bye:.

ESAIA 16:5

Houg: lang" David da" amyed ashen yi mo dayug gi khokham bue" re" lho: nyang: gi mung" byu yiri jhug zug ziyo' jheddab myid yo' vhoebkhang" loo wa. Nyang: gi jo ziri koid wa shid re" myab loo wa. Tarha" nyeung veung" ziri myang ri" wa.)

YEREMIA 23:5

Aseing tid zigi «David da" amyed ashen mo deingmain" da" byu dayug ri khokham khyo" khyen: yu wa ayo, ju" lo nyid bye:. Hau: khokham gi phajhi" boo boo za: vhoeb wigi mungdain: goin" moo jo ziyo' tarha" deing byeung" zi koid loo wa.

DANIELA 4:34

Khokham phoo gi «Nyhed zain lid loo" lang" mougkhung: khyoo: ngoo nghang yu" kaid ri nga" nheig doem gyeing: lo da:. Ngoo gi gyi: sheung: myhang: thang Mangsoo ri coung" lho: apyaid atoo: moo dei nyid yug ri ngoo gi phung" yoeb yo' ngi: shab byid: bye:. Nyang: gi apyaid atoo: moo vhoeb loo wa. Houg: lho: nya: da" mungdain: gi ayo, dangain" mo lo" thang geing: teing jo, wa.

DANIELA 6:26

Ngoo gi yugkhang" moo" wigi Daniela da" Mangsoo ri gyoug lho: phau" myang: wa shid re" nga" mungdain: goem: sho' amyeing" khyo' kaid da:. Nyang: gi kangso' dei nyid da" Mangsoo nghoid wigi nyang: gi apyaid atoo: moo vhoebkhang" wa. Nya: da" mungdain: gi khanham we' phyo' shoin' pyam zi shoug" wa zi anghoid. Houg: lho: nya: yoem: so' gi khanham we' thang wa zi anghoid.

LUKA 1:34

Ngoo gi gyeungshang: da" zoomyi: danghoid shi" ri khasu" wigi gung lid: lho: yuggi zoo: se' khu: loo wa lha"» ga: Mouglagyoo: ri myid.