LUKA 1:27 - Lacid Common Language Bible

²⁷ Hau: da" zoomyi: zoo: gi David khokham" mo xo' gyoo" lo da" Yoseb ga: da" yuggi zoo: yo" loxo' wa shid' re" dang: myid: too" su: nghoid. Hau: myiyi: zoo: da" myeing gi Mari ga: zi nghoid.

LUKA 1:27 Referans Kwoze

MATHE 1:18

Akhid" Yesu Khristu khu: lo da" khyoo: gi hid: su" nghoid. Nya: myhi' Mari gi Yoseb dang: myed: too" bye: nghoid loug we' nya: eig yug gi dage" azoem" nyid shi" ri Mari gi gyeungshang: Venyi: khyo" zoonu" gung bue" loo bye.

ESAIA 7:14

Houg: lang" gi bye:. Aseing gi nyang: nyang: avoid daja: ngoonu" ri byid: loo wa. Hau: zigi gung lid: da" zoomyi: dayug gi yuggi zoo: dayug khu: loo wa. Nya: myeing gi Emanuela ga: myheing loo wa.

MATHE 1:16

Yaku gi Mari da" yhoem: seing: phoo Yoseb ri khu: kaid bye. Mari gi Khristu ein: da" Yesu ri khu: kaid bye.

MATHE 1:23

Nyang: gi «yu" ge' zoomyi: gyeing" gi zoonu" gung bue" lo wigi yuggi zoo: khu: loo wa nghoid. Nya: myeing ri Emanuela ga: myheing byid: boem wa» ga: tid to". Hau: da" dangkang: gi «Mangsoo ngoonu" yo' dage" nyid» ga: zi nghoid.

YEREMIA 31:22

Loem khau: myid abo da" byu yi we"- khamyhang ju" sho' ne" nyid boem shi" goo" wa la". Ngoo gi shai" da" moo" aseig daja: ri ngoo phain" so: too" bye:. Hau: zigi myiyi: dayug gi yuggi dayug ri goem loem byid: yhang: ti" shai" da:. Moo" aseig daja: ri ngoo phain" so: too" bye:» ga: tid da:.

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

LUKA 1:28

Mouglagyoo: gi nya: jang" moo re" lho: goo" ki" lid: da" jeju" shau" kham: zo: da" myiyi: nu" we"- nang gi ngei pyoo: yug yoo bye: ga: tid.