KOLOSE 3:25 - Lacid Common Language Bible

²⁵ Adeung amain" khyo" koid nyid da" byu yug khang" moo" ri nyang: koid nyid adeung amain" da" moo" zo" shid re" latoo: doem, phoug zi shau" zoo: wa nghoid- khasu" wim ga: ri Mangsoo gi tarha" dang: phyed khyoo: moo myonhoo: khyen: nyid su: anghoid.

KOLOSE 3:25 Referans Kwoze

ACTS 10:34

Houg: lang" Petru gi Mangsoo gi yug khang" moo" ri myonhoo: vhuzung akhyen: loo: za: koid nyid ziri akhid" ngoo gyeing" nyang: si' bye.

Roma 2:11

Phoo Mangsoo: gi byu xang: su dangain" ri dakhyoo" ti" tarha" dang: phyed' loo wa zi nghoid.

2~KORINTHU 5:10

Khasu" wim gari ngoonu" dangain" mo, gi tarha" dang: phyed zi shau" wa shid re" Khristu da" tang myhang shid moo thu' yab, ca" boem wa zi nghoid. Hau: da" uri ngoonu" dayug yo" dayug gi He" da gungsho" yhoem: moo nyid nyid shi" uri zei so" lid loo bye: da" ge da" moozoo"- age da" moozo" shid re" eung: ziyo' dakhyoo" ti" shau":" kham, zo: boem wa nghoid.

1THESALONI 4:6

Hid: yhang: te" da" moozoo" moo nanu" mo hang" nghoid loug we' nyang: nya: da"Khristain mang nhung phoo ri shoid vhang: da" khyoo:- houg: su" anghoid lang" gi mang: nhung" pho, da" atho' moo lhoid, sham: zain: da" khyoo: ge, koid -he: khyoo: xang: shed" moo nanu" ri tid kyo" yu" bye nghoid yoomo Mangsoo gishoid vhang: bang: ri shen" yhen wa da" khyoo: nanu" rithain: thain: nyang: tid poin' kaid' bye.

TARHA" TID POIN" 10:17

Nanu" Aseing Mangsoo gi yu phara" dangain" tho' moo we' yoem: so' dangain" tho' moo we' je" gyi: myhang: su: nghoid. Nyang: gi gyi: sheung: ziyo' yoem: bo yug nghoid lho: nyang: gi phau" myang: moin: su: nghoid. Nyang: gi myonhoo: akhyen: nghoid da:. Nyang: gi khougvhoid jhungshug we' akham yu nghoid da:.

1PETERU 1:17

Hau: tho' moo gootu: byu dangain" ri myonhoo: vhu" zung akhyen: loo za-nyangnu" da" moozoo" yo' dakhyoo" ti"- tarha" dang: phyed' byid: nyid da" Mangso jang" moo akyu" mho' nyid uri nanu" gi Mangsoo ri nga" phoo we" ga: mho' yoid nyid boem bye- Houg: yoomo mougmyid' moo dei nyid daloo gyoo: moo hau: Aseing: ri gyoug phau" nyid ge'.

Ephesu 6:9

Yhoem: seing: yi we"- nanu" we' houg: yo' dakhyoo" ti"- nanu" da" join, yi tho' moo cang zei: so" nyid ge'- nyangnu" ri kyoug nhain' khyoo: no: pyam' ge'- nanu" yo' nanu" da" join, yi gi moug: khung: mo Aseing: dayug yo' za: sen: bang: nghoid- hau" aseing: gi yug khang" moo" ri myonhoo: akhyin: loo: za: tarha" dang: phyed' nyid su: nghoid ziri myid boin: nyid ge'.

2 KHOKHAM MHOOMYID: 19:7

Aseing ri ngi: shab byid: lho: zid" lhid wigi nyeing" koid we'. Ciwim gari ngoonu" da" Aseing Mangsoo gi mhau' zi myonhoo: khyen: zi khougvhoid jhungshug yu ziri zeing: kham: byid: su: anghoid » ga: jhau" shid da:.

TARHA" TID POIN" 1:17

Nanu" myid phyed jang" moo myonhoo: akhyen: goo". Nyangnu" hang" nghoid loug nghoid yugkhang" moo" ri dakhyoo" kyeing" dang: phyed byid: ge'. Hang" ri we' agyug goo". Ciwim ga: ri nanu" myid phyed zigi Mangso jang" mo lo zi nghoid. Moo" daja: ja: nanu" shid re" gye" yau: nghoid rigi nga" jang" khyoo: ci: ri" ge'. Hau: ziri ngoo dang: phyed byid: wa.

HEBRE 2:2

Mouglagyoo: yi da" nhoid mo ngoonu" da" phoug" phyid" yi ri mungdang: tid to" zigi deingmain" da" mungdang: nghoid wigi_ hau" mungdang: ri atam" gyoo: loo za: do, rhui, mo, gi nyang: tu: nyang: yo' moin: yi" da" yooboo dam, ri shau" kham: zo: boem wa zi nghoid. Houg: khyo" dadeung nghoid rigi

KOLOSE 4:1

Yhoem: seing: yi we"- nasnu" we' moug: khung: tho' moo Aseing: dayug nyid ziri myid boin: zoore"- nyang: tu: nya: da" join, yi ri dei nhang: zo: nyid da" khyoo: moo yu" tu, lho: tarha" ziyo' nyeung veung" dain: khyo" dakoid nyid ge'.

LUKA 20:21

Hau: da" jooyu" mo, gi Sara: we" nang kho" kyo" da" mungdang: joem gi deung main" nyid ziri ngoonu" se' Aseing: gi myonhoo: vhu" zung akhyen- nghoid da" main" da" ziyo' dakhyoo" ti"-byu xangsu: shid re" Mangsoo da" deungmain" khyoo: ri jhoug" byid ga: Yesu ri tid.

YOBA 37:24

Houg: lho: yugkhang" moo" nya: shidkhoin" moo gyoug mau" yab jo, ziri moug" cang aboo. Houg: lho: nyang: gi phajhi" se' ga: bang: ri ci shu: anhang: loo: yu" to" ziri moug" cang aboo.

YOBA 34:19

Nyang: gi mung" vhoeb zoug: yi thang: khyoo: adab. Myung bang: ri to" wigi yoo" bang: shoid myonhoo: byid: zi anghoid. Ciwim ga ri nyang: gi yugkhang" moo" ri phain" so: to" da:.

2 SAMUELA 14:14

Nyhang" dangain" shid: shoug" wa zi nghoid. Nyhang" gi myidgung moo foid sain" kaid wigi adoem yo" yu loo da" gyid yo' du nyid bye:. Mangsoo gi shid: jang" mo adoem yo" dei nhang: loug we' nang khokham gi gootu: mungdain: khyoo: khaid pyam da" byu dayug ri doem shu" yu wa khyoo: daloem: ri za: gi shau" myang wa zi nghoid.

XOIN" NGEI" 19:15

«Tarha" dang: phyed uri deingmain" wigi tarha" khyo" koid ge'. Sho" jhen: da" yug ri we' myonhoo: abyid:- yoo" zoo: bang: ri we' agyug goo".

YUDA 1:16

He: da" byu phung: yi gi khanham we' kyiyang myeung zoore"- byen, cang" ri yooboo za: te: se' foin: nyid bang: nghoid- nyang: nya: da" anyhoin: athoung" akhyeing: ashoeb da" nheigloem: khyo" cang lho: te: se' koid mo, nghoid. Nyang: nya: da" khyoo: ri phau: khuang se' nyid nyang: nya: da" akyu" yo" yu wa jang" moo yen, gi byen, cang" rimhau, coung" byid: se' nyid boem.

PHILIMON 1:18

Nyang: gi nang ri daja: ja: shoid vhang" to"- hougsu" anghoid lang" gi jhen: dab, jo, nghoid ri we' hau: zi gi nga" jhen: khyo" soin: yu byid: we'.

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

Ephesu 6:8

Join, yi ri nghoid loug we' join, seing: yi ri nghoid loug we' Magsoo gi yug khang" moo" ri nyang: zei: lo ge da" moo" zo" shid re" coung" byid: aphoug" shang" loo wa ziri boin: so" nyid ge'.

2 THESALONI 1:6

Mangsoo gi tarha" dain: khyoo: ri koid wa zi nghoid yoomo nanu" ri kyi" khyeug jam jau shau" nhang: mo, da" atho' moo kyi" khyeug jam jau doem toug" byid: wa zi nghoid.